Նախագահն այցելեց «Նոր Վարագավանք». Մայիսից սկսվելու են  պատմամշակութային  այս հուշարձանի  վերանորոգման աշխատանքները

20:44 26/04/2012 » Մշակույթ

Նախագահն այցելեց «Նոր Վարագավանք». Մայիսից սկսվելու են պատմամշակութային այս հուշարձանի վերանորոգման աշխատանքները

Շարունակվում է ՀՀ նախագահի աշխատանքային այցը Տավուշի մարզ: Երկրի ղեկավարն այսօր այցելեց Վարագավանից 2 կմ հեռավորության վրա գտնվող «Նոր Վարագավանք» միջնադարյան համալիր: ՀՀ մշակույթի նախարարության և բարերար Նորայր Խաչատրյանի միջև համաձայնության շնորհիվ` 2012 թվականի մայիսից սկսվելու են պատմամշակութային հուշարձանի վերանորոգման աշխատանքները: Միայն վանական համալիրի գլխավոր` Սուրբ Աստվածածին եկեղեցու վերականգնման համար կպահանջվի շուրջ 120 միլիոն դրամ, որի ամբողջ ֆինանսավորումը կրիկականացվի բարերարի կողմից ներդրված ֆինանսական հատկացումներով: Եվս 40 միլիոն կպահանջվի վանքային համալրի` Սուրբ Նշան եկեղեցու բարեկարգման համար:
Նշենք, որ ՀՀ Նախագահի նախընտրական ծրագրով նախատեսված էր նաև Վարագավանի պատմական հուշարձան տանող հանրապետական նշանակության ավտոճանապարհի հիմնանորոգումը:

Այս նպատակով դեռ 2009 թվականին պետբյուջեից հատկացվել է շուրջ 395,8 միլիոն դրամ և վերանորոգվել է շուրջ 4.5 կմ ընդհանուր երկարությամբ ավտոճանապարհ, իսկ 2011 թվականին`339,4 միլիոն դրամ: Շինարարական աշխատանքերն արդեն ավարտված են, ավտոճանապարհը` ասֆալտապատված:

ՀՀ նախագահի հաջորդ կանգառը Վաղաշեն գյուղն էր: Այստեց երկրի ղեկավարը ծանոթացավ Այգեհովիտ-ՎազաշենՊառավաքար ավտոճանապարհի վերականգնման աշխատանքների արդյունքներին, որոնք սկսվել էին 2009 թվականին: 2009 թվականին պետբյուջեից հատկացվել էր 200 միլիոն դրամ, իսկ 2010-ին` 197 միլիոն դրամ: Շինարարական աշխատաններն արդեն ավարտված են. ճանապարհը հանձնվել է շահագործման:

Նախագահն այցելեց նաև համայնքային կենտրոն, որտեղ ավարտվել են բարեկարգման ախատանքները: Այդ նպատակով բյուջեից 2009-2010 թթ. հատկացվել է 110 միլիոն դրամ:

Երկրի ղեկավարն այցելեց նաև Բաղանիստ: Այստեղ նրան ներկայացրեցին ծխախոտի չորացման կետը, նախագահ Սարգսյանին ծանոթացրին նաև տարածաշրջանի գյուղատնտեսական ծրագրերին: Ակնաղբյուրում ՀՀ նախագահն այցելեց «Հիմնատավուշ» զարգացման հիմնադրամի ծրագրով կառուցվող անասնապահական համալիր, ինչպես նաև Ֆրանսիայի Օ դե Սեն նահանգի միջոցներով այստեղ իրականացվող ծրագրերին` անասնապահության, գյուղմեխանիզացիայի և պտղաբուծության ոլորտներում:
 

Աղբյուր` Panorama.am

Share |

Տպագրական տարբերակ

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

↓ Վերջին նորություններ
Շարունակել

Օրացույց