Ձեր վստահելի աղբյուրը

«Մոսկվայում բնակվող իսլամական հանրույթի ներսում էթնիկ հողի վրա կոնֆլիկտային իրավիճակների ի հայտ գալը քիչ հավանական է»,-անդրադառնալով ՌԴ մայրաքաղաքի իսլամադավան բնակչության շրջանում առկա իրավիճակին` «Ռեգիոն» հետազոտական կենտրոնի կազմակերպած առցանց հարցազրույցի ժամանակ նման տեսակետ է հայտնել պատմական գիտությունների դեկտոր, Սանկտ-Պետերբուրգում Եվրոպական համալսարանի Անտրոպոլոգիայի ֆալուլտետի և «British Petroleum»-ի անվանական պրոֆեսոր Սերգեյ Աբաշինը:

«Մոսկվայում ժողովրդագրական իրավիճակը փոփոխվել է տարբեր ուղղություններով: Քաղաքում բնակություն է հաստատել տարբեր ազգություններ ներկայացնող մարդկանց մի ստվար բազմություն: Դրանց մեծ մասն, ի դեպ, ազգությամբ ռուսներ են` Ռուսաստանի տարբեր մարզերից: Դրա հետ մեկտեղ էականորեն աճել է մերձմոսկովյան շրջաներից աշխատանքային միգրացիան: Ինչ վերաբերում է մահմեդական բնակչությանը, ապա այն կազմված է բազմաթիվ խմբերից: Առաջին հերթին պետք է տարանջատել ՌԴ քաղաքացիներին և օտարերկրացիներին: Վերջինները մշտապես չեն բնակում քաղաքում, այլ աշխատանքի նպատակով ժամանում և հեռանում են` շատ հաճախ փոխարինելով միմյանց: Դրա հետ մեկտեղ քաղաքում բնակվելու հարցում օրտարերկարացիների նկատմամբ կիրառվում որոշակի սահմանափակումներ»,- նշել է Սերգեյ Աբաշինը:

Վերջինիս խոսքերով` որոշակի խմբերի են բաժանվում նաև Մոսկվայում բնակվող մահմեդական Ռուսաստանի քաղաքացիները. դրանք հիմնականում հնաբանակ թաթարներն են, վերջերս Հյուսիսային Կովկասից ժամանածները և Ադրբեջանցիները:

Ինչ վերաբերում է օտարերկրացի մահմեդականներն, ապա նրանք, ըստ Սերգեյ Աբաշինի, շատ հաճախ պատկանում են մահմեդական տարբեր ուղղությունների, ունեն իրենց հոգևոր առաջնորդները և հոգևոր հողի վրա շատ քիչ են աղերսվում միմյանց հետ: Բացի դրանից, վերջինները Մոսկվա են ժամանակում հիմնականում աշխատելու նպատակով և այդ իսկ պատճառով նրանց մասնակցությունը կրոնական միջոցառումներին շատ սահմանափակ է:

Անդրադառնալով ընդհանուր առմամբ Ռուսաստանում մահմեդական բնակչության տեսակարար կշռին` Սերգեյ Աբաշինը նշել է, որ կրոնական պատկանելության հարցը ներառված չէ իրականացվող հետոզոտություններում և երկրում մահմեդականների թվաքանակի մասին մենք կարող ենք դատել միայն այս առումով անուղղակի հատկանիշի` էթնիկ պատկանելության վերաբերյալ տվյալների միջոցով:

Այսպես` ըստ 2010 թ անցկացված մարդահամարի տվայլների, Ռուսաստանում բնակվում էր շուրջ 15 մլն մարդ, որոնք հնարավոր է դավանում են իսլամ: Նրանք կազմում են ընդհանուր բնակչության 10 տոկոսը: Դրանց, ըստ Սերգեյ Աբաշինի, կարելի է գումարել երկրում շատ թե քիչ մշտապես բնակվող օտարերկրացի մահմեդակներներին, որոնց թիվը, ըստ տարբեր հավարկների կազմում է մոտ 5 մլն մարդ: Հետևաբար, ՌԴ-ում մշտապես բնակվող մահմեդականները կազմում են, որ ավել քան երկրի բնակչությսն 13 տոկոսը: