Ձեր վստահելի աղբյուրը

Պատմաբանները միասնական տեսակետ ունեն փաստերի վերաբերյալ որքան էլ, որ կազմակերպիչները ձգտում են սահմանափակել փաստաթղթերի հասանելիությունը: 100 տարի առաջ այս ամսին մեծ պատերազմի թեժ պահին Օսմանյան թուրքերը սկսեցին ազատվել հայ ժողովրդից: Տարբեր գնահատականներով շուրջ մեկ ու կես միլիոն հայ է սպանվել: Անդրադառնալով Հայոց ցեղասպանությանը` գրում է Chicago Tribune պարբերականը:  

Շարունակելով պարբերականը գրում է, որ դա Հայոց ցեղասպանությունն էր` մարդկության դեմ իրագործված և երբեք չմոռացվող հանցագործություն, որը տեղ գտավ պատմության ստվերներում:

Այնուհետև պարբերականը անդրադառնում է Հայոց ցեղասպանության ճանաչման հարցում Թուրքիայի մերժողական քաղաքականությանը` նկատելով, որ մինչև հիմա Թուրքիան պնդում է, որ այդ ժամանակ Ցեղասպանություն չի եղել:

«Իսկապես որ դա պատերազմական և քաոսային տարիներ էին, բայց այն, ինչ տեղի է ունեցել հայ ժողովրդի հետ ճշգրտորեն Ցեղասպանություն է կոչվում»,- գրում է պարբերականը:

Պարբերականը այս համատեքստում հիշեցնում է Վատիկանում տեղի ունեցած սուրբ պատարագի ժամանակ Հռոմի Ֆրանցիսկոս պապի կողմից Հայոց ցեղասպանությունը որպես 20-րդ դարի առաջին Ցեղասպանություն բնորոշելը և ապա խորհուրդ տալիս Թուրքիայի իշխանություններին օրինակ վերցնել ոչ միայն պապից, այլ նաև ժամանակակից Գերմանիայից, որով, ըստ պարբերականի դիտարկման,  Գերմանիան կարոացավ նոր սկզբի հիմք դնել:

Շարունակելով պարբերականը պատմական անդրադարձ է կատարում Հայոց ցեղասպանությանը` ներկայացնելով իրադարձությունների հաջորդական նկարագրություն:

«Կան ավելի քան բավարար փաստեր պնդելու, որ հայ ժողովրդի զանգվածային ջարդերը Ցեղասպանություն էին, որքանով այդ հանցագործությունը իր համապատասխան ամրագրումն ունի ՄԱԿ-ի 1948 թվականի Ցեղասպանությունների կանխարգելման կոնվենցիայում: Հայոց ցեղասպանությունն իրականացրածների կենդանի լինելու դեպքում նրանք ամբողջովին ենթական էին միջազգային քրեական դատարանի առջև կանգնելուն»,- գրում է պարբերականը` հղում անելով Իելի համալսարանի Ցեղասպանությունների ուսումնասիրության դասընթացին:

Այս համատեքստում պարբերականը վկայակոչում է նաև «Օսմանյանների անկումը» գրքի հեղինակ, պատմաբան Էուժեն Ռոգանին` գրելով, որ վերջինս խոսում է Օսմանյան թուրքերի կողից հայ ժողովրդի ոչնչացման պլանի երկու տարբերակի մասին` ակնհայտ արտաքսում և թաքուն հալածանքներ: Պարբերականը հեղինակի գրքից մեկ այլ մեջբերում է անում, թե ինչպես է թուրք սպան հայ հոգևորականին խոստովանում ավելի քան 42. 000 հայի սպանության մասին` ցույց տալով կոտորված հայերի դիակների մնացորդները:

«100-րդ տարելիցը հզորագույն պահ է, սա Թուրքիայի կառավարության ժամանակն է` ընդունել և ճանաչել այն, ինչ տեղի է ունեցել»,- գրում է պարբերականը: