«Repubblica.it». Հայաստանը նշում է Ցեղասպանության 100-րդ տարելիցը
Հայոց ցեղասպանության 100-րդ տարելիցի թեման շարունակում է մնալ իտալական մամուլի ուշադրության կենտրոնում: Թեմային ծավալուն հրապարակմամբ անդրադարձել է նաև իտալական առաջատար «Repubblica.it» պարբերականը:
«Բազմաթիվ արտասահմանցի պատվիրակներ` ի հավելումն Ֆրանսիայի, Ռուսաստանի, Սերբիայի և Կիպրոսի Հանրապետության նախագահների: Երկկողմ հանդիպում Ռուսաստանի և ֆրանսիայի նախագահների միջև, որի ընթացքոմ քննարկվել են ուկրաինական խնդիրը, Մերձավոր Արևելքում տիրող իրավիճակը և Մոսկվա ուղարկվող ֆրանսիական «Միստրեիլ»-ի հարցը: Այս ամենը Հայոց ցեղասպանության 100-րդ տարելիցին նվիրված միջոցառումների համատեքստում»,- գրում է իտալական պարբերականը` շեշտադրելով Ռուսաստան-Արևմուտք լարված հարաբերությունների պայմաններում Ֆրանսիայի և Ռուսաստանի նախագահների հանդիպման հնարավորության մեջ Երևանի խաղացած դերը:
Անդրադառնալով Հայոց ցեղասպանության զոհերի ոգեկոչման արարողություններին` պարբերականը նկատում է, որ մարդիկ դուրս են եկել փողոց ասելու, որ ոչինչ չի մոռացվում ոչ միայն Երևանում, այլ նաև Թեհրանից մինչև Ստամբուլ, Երուսաղեմից` Բեռլին, Մոնտեվիդեոյից` Փարիզ:
Պարբերականը հանգամանալից նկարագրում է Ծիծեռնակաբերդի հուշահամալիրում Հայաստանի Հանրապետության նախագահ Սերժ Սարգսյանի և Առաջին տիկին Ռիտա Սարգսյանի կողմից արտասահմանյան պատվիրակներին ծաղիկներով դիմավորելու արարողությունը, դրան հաջորդած հարգանքի տուրքի մատուցման արարողությունները, մեջբերումներ կատարում Հայաստան ժամանած երկրների նախագահների ելույթներից:
Հաջորդիվ պարբերականը անդրադառնում է նաև վերջին օրերին միջազգային կառույցների կողմից Հայոց ցեղասպանությունը դատապարտող բանաձևերի ընդունման հանգամանքին, Բունդեթսագում մեկնարկած բանաձևի ընդունման շուրջ քննարկումներին, աշխարհի տարբեր անկյուններում այսօր Հայոց ցեղասպանությանը նվիրված միջոցառումների իրականացմանը:
Եզրափակելով` պարբերականը նկատում է, որ երեկ Մայր Աթոռ Սուրբ Էջմիածնում էլ տեղ ունեցավ Հայոց ցեղասպանության զոհերի սրբադասման արարողությունը, որը պարբերականը բնութագրում է որպես քրիստոնեական եկեղեցու պատմության մեջ երբևէ տեղի ունեցած մասշտաբային սրբադասման արարողություն:
Կից պարբերականը ներկայացրել է ապրիլ 24-յան միջոցառումների մասին պատմող խոսուն լուսանկարների շարք ոչ միայն Երևանից, այլ նաև աշխարհի տարբեր անկյուններից:
Ֆոտոշարքեր`
Այսօր՝ Ծիծեռնակաբերդում
Պատվիրակություններն այցելում են Ծիծեռնակաբերդի հուշահամալիր
Հարակից հրապարակումներ`
«Մենք միշտ եղել ենք մտերիմ դաշնակիցներ, եղել ենք և այդպիսին կլինենք ապագայում». Սարգսյան-Պուտին հանդիպում
«Հայաստանը հպարտ է Ֆրանսիայի նման պետության հետ առանձնաշնորհյալ հարաբերություններ ունենալու համար»
Սերժ Սարգսյան. Վերքն արյունահոսում է, որովհետև աշխարհում շատ են չեզոքությունը, լռությունը, ժխտողականությունը
Հայաստանն ու Կիպրոսը անպատժելիության զոհեր են. Կիպրոսի նախագահ (տեսանյութ)
Պատմական ճշմարտության ժխտումը բացասաբար է ազդում իրազեկման մակարդակի վրա. Սերբիայի նախագահ (տեսանյութ)
Չորս երկրի նախագահները՝ Հայոց ցեղասպանության թանգարանում (լուսանկարներ)
Ֆրանսուա Օլանդ. Հայոց ցեղասպանության ճանաչումը խաղաղության ակտ է
Ծիծեռնակաբերդում արված զրույցներ՝
Մարդկանց հոսքը չի դադարում Ծիծեռնակաբերդի հուշահամալիր (լուսանկարներ)
«Ներողություն եմ խնդրում՝ Ցեղասպանությունը ճանաչելու քաջություն չունեցող իմ ղեկավարների համար…»
105 հոգի սեփական միջոցներով եկել ենք մասնակցելու. «Օգնության խաչ» հանձնախմբի անդամ
Շատ զորավոր զգացողություններով եմ այստեղ. Սալբի Նահապետյան
Միխայլով. Ծիծեռնակաբերդ են եկել ասորիներ աշխարհի տարբեր ծայրերից
Տասը երիտասարդներ Արցախից ոտքով հասան Ծիծեռնակաբերդ
Ղարաբաղյան պատերազմի վետերանները Ծիծեռնակաբերդի սյուները շրջապատեցին 100 մետր երկարություն ունեցող եռագույնով
Պահանջատիրության հետ միասին մենք պետք է հզորացնենք Հայաստանն ու Արցախը