Ֆրանսիայում Թուրքիայի դեսպան. Մենք պայքարում ենք 2 ճակատով
Թուրքիայի դատախազությունը հետաքննություն է սկսել պրոքրդական «Ժողովուրդների դեմոկրատական կուսակցության» ղեկավար Սելահաթթին Դեմիրթաշի նկատմամբ: Նրան կասկածում են զինված ընդհարումների կազմակերպմանը մասնակցություն ունենալու մեջ: Այս մասին հաղորդում է ֆրանսիական «RFI» գործակալությունը:
Խոսքը վերաբերում է անցած հոկտեմբեր ամսին Թուրքիայում ծավալված քրդական բողոքի ալիքին, որն Անկարայից պահանջում էր արձագանքել Սիրիական Քոբանի քաղաքում քրդերի և «Իսլամական պետության» միջև ծավալված մարտերին:
Ընդդիմադիր կուսակցության առաջնորդին սպառնում է 24 տարվա ազատազրկում: Ըստ պարբերականի`հատկանշական է, որ քրեական գործը Դեմիրթաշի դեմ հարուցվել է այդ իրադարձություններից մեկ տարի անց`այն ժամանակ, երբ Անկարան ակտիվացրել է «Քրդական բանվորական կուսակցության» դեմ մղվող պայքարը, որը ՆԱՏՕ-ի և ԵՄ-ի մի շարք երկրներում, այդ թվում և Թուրքիայում համարվում է ահաբեկչական կազմակերպություն: |
Ըստ հոդվածի`Սելահաթթին Դեմիրթաշը մեղադրում է Էրդողանին քաղաքական վրեժ լուծելու համար, քանի որ իր կուսակցությունը վերջին ընտրություններում կարողացավ հավաքել 13% ձայն` իշխող «Արդարություն և զարգացում» կուսակցությանը զրկելով խորհրդարանական մեծամասնությունից:
Քրդական կուսակցության առաջնորդը նաև մեղադրել է Էրդողանին Արևմուտքի մոտ «Իսլամական պետության» դեմ պայքարի իմիտացիա ստեղծելու համար, մինչդեռ Թուրքական իշխանությունները հիմնական ուժերն ուղղել են քրդերի դեմ, քանի որ Քրդական հարցը Անկարայի համար լուրջ վտանգ է ներկայացնում:
Ֆրանսիայում Թուրքիայի դեսպան Հաքքի Ակիլը, գործակալությանը տված հարցազրույցում, անդրադարձել է «Քրդական բանվորական կուսակցության» դեմ թուրքական իշխանությունների մղած պայքարին` նշելով, որ Թուրքիան իրականում պայքար է մղում 2 ճակատում, այն է`«Իսլամական պետություն» ծայրահեղական խմբավորման և «Քրդական բանվորական կուսակցության» զինյալների դեմ: Վերջիններիս հետ, ինչպես նշել է դեսպանը, թուրքական կառավարությունը 2013թ-ին զինադադար էր կնքել`պայմանով, որ նրանք կլքեն Թուրքիայի տարածքը, ինչը, սակայն, տեղի չունեցավ: Ըստ թուրք դիվանագետի`ոչ մեկ չգիտի, թե քանի մարդ է զոհվել «Իսլամական պետության» դեմ մղված պայքարում, սակայն «ՔԲԿ»-ի դեմ մղած պայքարում Թուրքիան 30 հազար քաղաքացի է կորցրել: Նրա խոսքերով`Թուրքիայի պայքարը «ՔԲԿ»-ի դեմ նոր երևույթ չէ, այն երկարաժամկետ պայքարի շարունակություն է, և նորմալ է, երբ Թուրքիան իր անվտանգությունը երաշխավորելու համար սեփական ավիացիային հրամայում է հարվածել «ՔԲԿ»-ի դիրքերին: «Եթե «Քրդական Բանվորական կուսակցությունը» Սիրիայի հյուսիսում պայքարում է «Իսլամական պետության» դեմ, դա դեռ չի նշանակում, թե մենք պետք է մոռանանք, որ «ՔԲԿ»-ն ևս ահաբեկչական կազմակերպություն է»,-եզրափակել է թուրք դեսպանը:
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին