Շահնազարյանը` Սահմանադրության նախագծի դրական կողմերի մասին
«Գործող սահմանադրությունը բացառում է Հայաստանի էվոլյուցիոն որևէ զարգացում, թեկուզ այն իմաստով, որ գործող Սահմանադրությունը իշխանափոխության հնարավորություն չի տալիս: Մենք մի պետություն ենք, որտեղ մեր 25 տարվա ընթացքում ընտրությունների միջոցով իշխանություն չի փոխվել: Ընդդիմությունը մեր գործող Սահմանադրությամբ մի ընտրություններ հաղթելով իշխանություն չի վերցրել», -այսօր Ֆրիդրիխ Էբերտ հիմնադրամի կողմից կազմակերպված Սահմանադրական բարեփոխումների մասին քննարկման ժամանակ հայտարարեց «Համաձայնություն» կենտրոնի ղեկավար, նախկին ՀՀՇ-ական Դավիթ Շահնազարյանը:
Նա ներկայացրեց մի վիճակ` եթե խորհրդարանական ընտրություններում հաղթում է ընդդիմությունը, նախագահը մնում է նույնը, ապա ինչպե՞ս են աշխատելու, հետևաբար պետք է հաղթել երկու համապետական ընտրություններում էլ, հակառակ դեպքում կառաջանա սահմանադրական ճգնաժամ:
«Եկեք հիշենք Սահմանադրական բոլոր փոփոխությունները` 1995թ., 2005թ., իհարկե, Սահմանադրության փոփոխությունների հեղինակները` իշխանությունները միշտ էլ փորձել են իրենց օգտին անել, դա գաղտնիք չէ: Բայց շատ հետաքրքիր է 1995-ի Սահմանադրության փոփոխությունները կիսանախագահական համակարգ էր ենթադրում, բայց նախագահի ուժեղ լիազորություններ էր ենթադրում, բայց արդյունքում եղավ 1998 թվականի նախագահի հրաժարական: 2005-ի սահմանադրությունը հայտնի է` ինչ նպատակով է ստեղծվել. Տեղաշարժ կատարել նախագահի լիազորություններից դեպի վարչապետի լիազորություններ, դա շատ պարզ էր, որովհետև Քոչարյանը ծրագիր ուներ նման Սահմանադրությամբ 2007-ին իշխանության բերել իր ստեղծած Բարգավաճ Հայաստան կուսակցությունը, որը պետք չէ շփոթել ներկայիս ԲՀԿ-ի հետ: Բայց դա էլ չաշխատեց», -ներկայացրեց Շահնազարյանը:
Անդրադառնալով Սահմանադրության նախագծին, նա առանձնացրեց քաղաքական մի քանի նկատառումներ: Նրա խոսքով, Նախագծի դրական կողմերից մեկն այն է, որ ընդդիմադիր ուժերը կարող են ընտրությունների միջոցով գալ իշխանության. «Թվում էր, թե այն ընդդիմադիր կամ արտախորհրդարանական ուժերը, որոնք ցանկանում են մասնակցել ընտրությունների ու գալ իշխանության, պետք է, որ ընդունեին այս Նախագիծը, պետք է սա ձեռնտու լիներ»,- նկատեց Շահնազարյանը:
Մյուս ու «շատ կարևոր դրական կողմը» Նախագծի այն է, որ փակում է նախկին նախագահների ճանապարհը գալ իշխանության:
Քաղաքական գործիչը նկատեց, որ այսօր գործող Սահմանադրությամբ իշխանությունը կենտրոնացած է նախագահի ձեռքին ու հավելեց. «Շատ կարևոր է, որ առաջարկվող փոփոխություններով իշխանությունը բաշխվում է երկու անձերի միջև` նախագահի և վարչապետի, որոշ կարծիքներով, ԱԺ նախագահի: Սա կարծում եմ դրական է Բացի այդ, լավ է, որ պատգամավորները ստանում են հնարավորություն իրենց պահել ըստ իրենց խղճի` կարող են դուրս գալ խմբակցություններից»:
Լրահոս
Տեսանյութեր
Սերգեյ Մելքոնյան. Ադրբեջանը դեռ պետք է գին վճարի Ռուսաստանին՝ խաղաղապահ զորախումբն Արցախից դուրս բերելու դիմաց