Թուրքական հեռուստաալիքը տուգանվել է Ազնավուրի երգը հնչեցնելու շուրջ ծագած սկանդալի պատճառով
Թուրքիայի ռադիոյի և հեռուստատեսության գլխավոր խորհուրդը 20 հազար թուրքական լիրայի (մոտ 10 հազ. ԱՄՆ դոլար) չափով տուգանել է «Հաբեր թուրք» հեռուստաալիքին: Ըստ խորհրդի որոշման՝ այդ ալիքով հեռարձակվող «Պատմության հետնասենյակը» հաղորդման վարող, պատմաբան Մուրադ Բարդաքչըն օգտագործել է արտահայտություններ, որոնք հակասում են «եթերում մարդու արժանապատվությունը հարգելու, չստորացնելու, չնվաստացնելու և չզրպարտելու, ինչպես նաև գռեհիկ արտահայտություններ և ժարգոն չկիրառելու» սկզբունքին:
Բան այն է, որ սեպտեմբերի 6-ին նշյալ հաղորդաշարի հերթական հաղորդման ժամանակ, Բարդաքչըն հնչեցրել էր աշխարհահռչակ ֆրանսահայ երգիչ Շարլ Ազնավուրի երգերից մեկը, ինչը հեռուստադիտողների շրջանում դժգոհություն էր առաջացրել:
Պատասխանելով բողոքներին, թե ինչպես կարելի է հայկական երգ հնչեցնել, Բարդաքչըն օգտագործել էր մի շարք արտահայտություններ, որոնք ըստ խորհրդի որոշման, հակասում են վերոհիշյալ սկզբունքին:
Ըստ թուրքական «Վաթան» թերթի` Բարդաքչըն ասել էր. «Ասում են՝ ինչպե՞ս ես հայերեն երգեր հնչեցնում: Ֆրանսերեն է: Լավ, ականջներով չեք լսում, բայց եթե ուրիշ մասով էլ լսեք անգամ, նման հիմարություն չեք կարող դուրս տալ: Երգը ֆրանսերեն է, կատարողն է հայ, հիմա՞ր հո չեք»:
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ