Արդյո՞ք համատեղելի են ՀԿ-ներն ու կուսակցությունները

Հեղինակ` Լիա Խոջոյան

«Բարգավաճ Հայաստան» կուսակցությունը քաղխորհրդի իր վերջին նիստում որոշում կայացրեց համաժողովրդական շարժման շուրջը համախմբել հասարակական կազմակերպությունների: Դատելով զարգացումներից` կարող ենք ասել, որ մի շարք կազմակերպություններ ողջունեցին այդ կոչը և միացան միանգամայն քաղաքական այս գործընթացին, շատերն էլ դեռ կհասցնեն միանալ: Թե որքանով է դա տեղավորվում եռյակի ձևաչափի տրամաբանության մեջ այլ հարց է, այստեղ կարևոր է հասկանալ, թե որքանով է դա տեղավորվում այն գործառույթների տրամաբանության մեջ, որոնք միտված են իրականացնել հասարակական կազմակերպությունները:

Նախ, նշենք, որ ըստ «Հասարակական կազմակերպությունների մասին» ՀՀ օրենքի. «Եթե միավորումը ունի նաև քաղաքական, կրոնական, արհեստակցական նպատակներ, ապա հասարակական կազմակերպություն չէ… »: Ի տարբերություն քաղաքական կուսակցությունների` հասարակական կազմակերպությունները բացահայտ չեն հավակնում մասնակցել քաղաքական իշխանության իրականացմանը, իրենց վրա չեն վերցնում որոշակի կոնկրետ պարտավորություն: Թեև ՀԿ-ներն իրենց գործունեությամբ անշուշտ իրենց դերակատարումն ունեն պետական, տնտեսական, սոցիալ-մշակութային և մի շարք այլ ոլորտներում:

Միջազգային և անվտանգության հարցերի հայկական ինստիտուտի ղեկավար Ստյոպա Սաֆարյանը Panorama.am-ի հետ զրույցում պնդեց` հասարակական կազմակերպությունը կոչված է մասնակցելու ժողովրդավարական, քաղաքական գործընթացներին, բայց ոչ քաղաքական ուժին բնորոշ դիտանկյունից, քանի որ հասարակական սեկտորը չի հավակնում գալ իշխանության: Փորձագետի խոսքով` ՀԿ-ն կարող է մեծապես նպաստել ինչ-որ խմբի հեռանալ իշխանությունից, իսկ ինչ-որ խմբի էլ գալ իշխանության և դա նորմալ է ու այդ պրակտիկան գոյություն ունի աշխարհի բոլոր երկրներում:

Սակայն Հայաստանում, ըստ Ս.Սաֆարյանի, ՀԿ-ներին ավելի շատ օգտագործում են:

«Հայաստանում այս խեղկատակությունը սկսվել է դեռ 1996թ-ից, երբ ինչ-որ հասարակական կազմակերպություններ ստորագրեցին Լևոն Տեր-Պետրոսյանին սատարելու մասին: Ակնհայտորեն հասարակական կազմակերպություններին օգտագործում են, ենթադրում եմ` օգտագործելով նրանց կախվածությունը. իշխանությունը լինի, թե ԲՀԿ առաջնորդը այս պահին նա հանդիսանում է այդ կազմակերպությունների ֆինանսավորողը: Եվ ըստ էության` նրանք այդպես փորձում են վարձահատույց լինել: Ծիծաղելի ու անբնական է, բայց այն է, ինչ կա»,- հավելեց նա:

«ՊրոՄեդիա-Գենդեր» հկ նախագահ Թամարա Հովնաթանյանն էլ նշեց, որ քաղաքական կուսակցություններին ՀԿ-ների միավորվելը տարածված պրակտիկա է ընտրությունների ժամանակ, բայց ՀԿ-ներն իրենց գործունեության կոնտեքստում նպատակ չպետք է հետապնդեն իշխանության գալու կամ դրա համար պայքարելու համար: Եվ հենց դա է պատճառը, որ նման միավորումը ոչ միանշանակ է ընկալվում և տպավորություն է ստեղծվում, որ կազմակերպությանը օգտագործում են քաղաքական ինչ-ինչ նպատակներով:

«Հենց դա է պատճառը, որ շատ ՀԿ-ներ մանիպուլացվելու զոհի տպավորություն չթողնելու համար աշխատում են մնալ չեզոք դիրքերում քաղաքական գործընթացների նկատմամբ»,- նշեց նա:

Բայց մյուս կողմից,- շարունակեց տիկին Հովնաթանյանը,- ՀԿ-ները անշուշտ ունեն որոշակի ներուժ, որն ունակ է ազդելու քաղաքական գործընթացների վրա և զրկել նրանց այդ ազդեցությունը գործի դնելուց ևս այնքան էլ ճիշտ չէ:

«Այստեղ մնում է ասել, որ դա յուրաքանչյուր ՀԿ-ի գործն ու որոշելիքն է, թե որքանո՞վ է այս կամ այն քաղաքական կուսակցությանը կամ շարժմանը միավորվելը տեղավորվում իր գործունեության մեջ: Եթե դա չի խանգարում իր գործունեությանը, եթե նա չի ընկալվի հասարակության կողմից, իբրև մանիպուլացվող ՀԿ, ապա ինչո՞ւ չէ: Ամենքն իր համար պետք է որոշի, թե ինչպես ինքն իր դերը տեսնում քաղաքական գործընթացներում»,- հավելեց նա:

Panorama.am-ի հաջորդ զրուցակիցը` «Ինտեգրացիա և զարգացում» ՀԿ նախագահ Արամ Սաֆարյանը հիշեցրեց, որ ՀԿ-ները ստեղծված են հասարակական կյանքը առաջ մղելու, իրենց քաղաքացիական կեցվածքը իրականացնելու և իրենց հետաքրքրությունները դրսևորելու նպատակով: Իսկ կուսակցությունները զբաղվում են քաղաքական գործունեությամբ և նրանց նպատակն է իրացնել իրենց քաղաքական նկրտումները, այդ թվում նաև` իշխանության համար պայքարի միջոցով. «Եվ սա, ինչպես ասում են, դասագրքային ճշմարտություններ են»:

«Ես հասկանում եմ, որ մեր ՀԿ-ների մեջ կան մարդիկ, որոնք ունենք քաղաքացիական կայացած դիրքորոշումներ, նաև համոզմունքներ, որի վրա կարող են և փորձում են համագործակցել այս կամ այն կուսակցության հետ` իրենց նպատակները իրականացնելու համար: Սակայն այդ երկու` ՀԿ-ների և կուսակցությունների միջև զգայուն գիծը հստակ սահմանված է օրենսդրությամբ և դրանով պետք է տարբերվի»,-ասաց նա:

Այս կապակցությամբ ԱԺ նախկին պատգամավորը հիշեցրեց, որ հետխորհրդային տարածքում շատ հաճախ են դեպքեր եղել, երբ մարդու իրավունքների, ժողովրդավարության և հասարակական այլ խնդիրների առաջ մղման անվան տակ շատ ՀԿ-ներ, քաղաքական ուժեր իրականում մասնակցել են մեծ տերությունների աշխարհաքաղաքական շահերի բախմանը, կողմ են դարձել անգամ քաղաքակրթությունների միջև պատերազմին. «Եվ դրա օրինակները Հայաստանին հեռու և մոտ հարևանների թվում բազմաթիվ են ու լավ գիտենք, թե ինչի է ամենը հասել` ատելության և թշնամանքի մեծացմանը, պետության հիմքերի խարխլմանը և այլ` օտար պետությունների կախվածությանը»:

«Մեր ՀԿ-ն ունի քաղաքացիական հստակ դիրքորոշում, մենք էլ համագործակցում ենք տարբեր կուսակցությունների, շատ քաղաքական գործիչների հետ, որոնց հետ ունենք ընդհանուր նպատակային մոտեցումներ: Մեր նպատակներից մեկն էլ հանդուրժողականության, ընդհանուր համախմբման ու համերաշխության մթնոլորտի ձևավորումն է, որը կարող է բացառել Հայաստան պետության խարխլումը, հակասահմանադրական և անթույլատրելի միջոցների կիրառումը մեր ներքաղաքական պայքարում: Եվ մեր աշխատանքներից մեկն ենք համարում հայ հասարակության համախմբումը բոլոր տարբերություններով, սկզբունքներով ու մոտեցումներով հանդերձ` արտաքին սպառնալիքների և մարտահրավերների դեմ»,- թվարկեց Ա.Սաֆարյանն ու հավելեց, որ իրականում ՀԿ-ները շատ կարևոր դեր ունեն իրականացնելու համերաշխ, հավաքական, ամբողջական, հայկական հասարակություն ունենալու ճանապարհին:

Հարցին` իրենց կազմակերպությունը հնարավո՞ր է միանա համաժողովրդական շարժմանը, Ա.Սաֆարյանը նախ հիշեցրեց, որ ՀԿ-ն զբաղվում է հետազոտական ու վերլուծական գործունեությամբ, իսկ բացի այդ էլ ավելացրեց, որ ըստ ՀՀ օրենսդրությունը սահմանում է, որ ՀԿ-ները գրանցվում և գործում են հռչակված նպատակների շրջանակներում:

«Մենք հռչակել ենք հետազոտությունը և վերլուծությունը, արտաքին քաղաքական խնդիրներին օժանդակությունը, Հայաստանի համար բարեկամների թվի մեծացումը ամբողջ աշխարհով մեկ: Եվ աշխատում ենք այդ ուղղությամբ»,- եզրափակեց իր խոսքը մեր զրուցակիցը:

«Ընդդեմ իրավական կամայականությունների» ՀԿ նախագահ Լարիսա Ալավերդյանն էլ մատնանշեց, որ համարվում է, որ ՀԿ-ները, ի տարբերություն քաղաքական կուսակցություններին, կոչված են անել ամեն ինչ, որ երկխոսության և այլ միջոցներով գործող իշխանությունները գործեն ի շահ հասարակական շահի: Սա այն դասական մոտեցումն է, որն էլ, ըստ մեր զրուցակցի, տարբերում է ՀԿ-ներին քաղաքական կազմակերպություններից. եթե վերջիններիս նպատակը իշխանափոխությունն է և իշխանության մեջ մասնակցությունը, ապա ՀԿ-ները պետք է ցանկացած իշխանության հետ այնպես աշխատեն, որ բերեն դրան հասարակական շահին ծառայելուն:

«ՀԿ-ները, այո, այսպես թե այնպես համագործակցում են իշխանությունների հետ և այդ համագործակցության սահմանը որևէ կերպ նշված չի: Բայց մեկ բան հստակ է` ՀԿ-ները պայքարում են ոչ թե իշխանության գալու համար, այլ հասարակական շահը պաշտպանելու համար»,- ասաց նա:

Լ.Ալավերդյանը հիշեցրեց, որ Հայաստանի քաղաքական անցյալում նման միավորումներ եղել են և ժամանակին «Օրինաց երկիրը» բավականին արդյունավետ համագործակցելով ՀԿ-ների հետ մտավ դաշտ: Բայց հարցին` իր ՀԿ-ն պատրա՞ստ է միանալ համաժողովրդական շարժմանը, պատասխանեց. «Մեր կազմակերպությունը` որպես այդպիսին, ոչ այն ժամանակ, երբ ես եղել եմ «Ժառանգություն» խմբակցության անդամ, ոչ էլ հիմա չի մասնակցում այդպիսի միավորումների: Մեր կազմակերպությունը մնում է ավելի չեզոք դաշտում, որովհետև ոչ միայն մեր աշխատանքներն են բավականին շատ, այլև կա այն վտանգը, որ վերանա այս փխրուն սահմանը, երբ հասարակական գործունեությունը դառնում է քաղաքական»:

Նշենք, որ Հայաստանում ներկայումս գրացնված է 3 հազարից ավելի հասարակական կազմակերպություն:



Աղբյուր` Panorama.am
Share |
Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

Լրահոս

20:54
Սուրեն Պետրոսյանին տանում են Նոյեմբերյանի բաժին
Սուրեն Պետրոսյանի ֆեյսբուքյան էջում հայտնում են․ «Ոստիկանները ձերբակալել են քաղաքագետ Սուրեն Պետրոսյանին, նրան տանում են Նոյեմբերյանի...
Աղբյուր` Panorama.am
20:50
Բագրատ սրբազանի գործունեությունը այդ առկայծումներից մեկն է․ Մանուկ Հերգնյան
Տնտեսագետ Մանուկ Հերգնյանը գրում է․ «Երբ մի օր այս նվաղած վիճակից հայ ժողովուրդը վեր կանգնի՝ ստացված խորը հոգեբանական վնասվածքը...
Աղբյուր` Panorama.am
20:25
Տավուշցիներին ոստիկանները բիրտ ուժ կիրառելով բերման են ենթարկում, իրավիճակը լարված է
Ոստիկաններն ուժով հեռացնում են քաղաքացիներին փողոցից՝ կիրառելով բիրտ ուժ։ Կան նաև բերման ենթարկված քաղաքացիներ։ Ոստիկանները ուժով մեքենաները...
Աղբյուր` Panorama.am
20:12
«Ճանաչումից՝ հատուցում». մեկնարկեց ավանդական ջահերով երթը
Հանրապետության հրապարակից մեկնարկեց «Ճանաչումից՝ հատուցում» խորագրով ավանդական ջահերով երթը։ Բազմաթիվ քաղաքացիներ եկել են...
Աղբյուր` Panorama.am
20:01
Փաշինյանին հեռացնելու ամենաճիշտ ճանապարհն անվստահություն հայտնելն է․ Սերժ Սարգսյան
«Որևէ մեկն ի վիճակի չէ ցեղասպանությունը կասկածի տակ առնելու»,- լրագրողների հետ զրույցում ասաց ՀՀ երրորդ նախագահ Սերժ Սարգսյանը։...
Աղբյուր` Panorama.am
19:43
Խստորեն դատապարտում ենք իշխանությունների վարած ապազգային և ծայրահեղ վտանգավոր քաղաքականությունը․ Դիվանագետների համահայկական խորհուրդ
Դիվանագետների համահայկական խորհուրդը հայտարարություն է տարածել՝ հայոց ցեղասպանության   109-րդ տարելիցի կապակցությամբ, որում ասվում...
Աղբյուր` Panorama.am
19:31
«Մե՛նք ենք մեր սարերը» հուշարձանն ադրբեջանական կայքերում ներկայացվում է որպես «ադրբեջանական մշակութային ժառանգություն»
«Հայկական լեռնաշխարհի մշակութային ժառանգության օմբուդսմենը» ահազանգում է․ Ադրբեջանի պետական վարչակարգը շարունակում է յուրացնել...
Աղբյուր` Panorama.am
19:22
Ցեղասպանությանը կանանցից ու երեխաներից կազմված քարավանները դիտավորյալ թողտվությամբ ենթարկվում էին ավազակային հարձակումների
Հայոց ցեղասպանության թանգարան-ինստիտուտի բացվել է «Հայ կինը՝ ցեղասպանության զոհ և հերոս» խորագրով ժամանակավոր ցուցադրությունը։
Աղբյուր` Panorama.am
19:17
«Տղերք ջան, եկեք դուք ճանապարհը փակեք, մենք էլ գնանք էնտեղ կանգնենք, ձեզ օրհնենք»․ հոգևորականը՝ ոստիկաններին
«Տղերք ջան, եկեք դուք ճանապարհը փակեք, մենք էլ գնանք էնտեղ կանգնենք, ձեզ օրհնենք»,- ասաց հոգևորականը՝ դիմելով  ոստիկաններին։...
Աղբյուր` Panorama.am
19:03
«Իմնեմնիմի»-ի հաջորդ հերթապահներն են Վարուժան Գեղամյանը ու Սուրեն Սարգսյանը
«Իմնեմնիմի»-ի  հաջորդ հերթապահներն են  թյուրքագետ Վարուժան Գեղամյանը և քաղաքագետ Սուրեն Սարգսյանը։ Այս առիթով փաստաբան...
Աղբյուր` Panorama.am
18:43
Ոստիկանը զգուշացրեց Սրբազանին՝ ճանապարհ չփակեք
Տավուշցիները փակում են Բագրատաշենի անցակետ տանող ճանապարհը։ Ավելի վաղ հայտնել էինք, որ մեծ թվով ոստիկաններ են արդեն բերվել։ Ոստիկանը Բագրատ...
Աղբյուր` Panorama.am
18:31
Վահրամ Տեր-Մաթևոսյան. Էրդողանի հայտարարությունը վիրավորանք է, անարգանք, հանդուգն ու անընդունելի
Իրաքից Թուրքիա վերադառնալիս այսօր՝ Օսմանյան Թուրքիայի կողմից իրականացրած Ցեղասպանության տարելիցի նախօրեին, Ռեջեփ  Էրդողանը հայտարարություն...
Աղբյուր` Panorama.am
18:30
Ադրբեջանական զորքն առանց մեկ կրակոցի արդեն տեղավորվում է տասնամյակներով կառուցված և անառիկ պահված Տավուշի մեր դիրքերում. Վրթանեսյան
Ռազմական փորձագետ Կարեն Վրթանեսյանը ֆեյսբուքի իր էջում գրել է․ «Ադրբեջանական զորքն առանց մեկ կրակոցի արդեն տեղավորվում է...
Աղբյուր` Panorama.am
18:23
Մեծ թվով ոստիկանանական ուժեր են կենտրոնացվել Այրում -Բագրատաշեն ճանապարհին
Մեծ թվով ոստիկանանական ուժեր են կենտրոնացվել Այրում -Բագրատաշեն ճանապարհին։ Տավուշցիները փորձում են փակել Բագրատաշենի անցակետ տանող...
Աղբյուր` Panorama.am
18:14
Ռուսաստանը մտահոգված է, որ Թուրքիայի ազգային ավիափոխադրողը ռուսաֆոբիա է դրսևորում
 Մարդու իրավունքների ոլորտում միջազգային համագործակցության մշտական հանձնաժողովը սպասում է, որ թուրքական իշխանությունները բացատրություն տան...
Աղբյուր` Panorama.am
18:04
Արևմտյան Հայաստանի ու արդեն Արցախի հուշարձանները՝ «ցեղասպանված հուշարձաններ»
Հայոց ցեղասպանության 109-րդ տարելիցին ընդառաջ այսօր Հայաստանի պատմության թանգարանում բացվեց «Ցեղասպանված հուշարձաններ» խորագրով...
Աղբյուր` Panorama.am
18:00
Կիբեռհանցագործներն ավելի հաճախ են կիրառում կապալառուների միջոցով գրոհներ
Առավել հաճախ օգտագործվող սկզբնական վեկտորների եռյակ 2023-ին մտել են հաճախ փոքր և միջին բիզնեսի սեգմենտում գտնվող կապալառուների միջոցով...
Աղբյուր` Panorama.am
17:55
Բագրատ Սրբազանը դիմեց Սասուն Միքայելյանին
Հայ Առաքելական եկեղեցու Տավուշի թեմի առաջնորդ Բագրատ արքեպիսկոպոս Գալստանյանը ԵԿՄ նախագահ Սասուն Միքայելյանին կոչ արեց վերջ դնել  իրենց...
Աղբյուր` Panorama.am
17:43
Սյունիքում տրամադրությունները լարված են. Գորիսի փոխքաղաքապետ
Սյունիքում տրամադրությունները լարված են ու, բնականաբար, ի աջակցություն տավուշցիների են։ «Փաստինֆո»-ի հետ զրույցում ասել է Գորիսի...
Աղբյուր` Panorama.am
17:29
Գարեգին Երկրորդն ընդունել է Մարսելի արքեպիսկոպոս կարդինալ Ժան Մարկ Ավըլինի գլխավորած պատվիրակությանը
Վեհափառ Հայրապետը ցավով անդրադարձել է հայ ժողովրդի կյանքում տեղ գտած մի նոր ցեղասպանությանը՝ Ադրբեջանի կողմից իրագործված էթնիկ զտումներին և Արցախի հայաթափմանը։
Աղբյուր` Panorama.am
17:24
Արայիկ Ղարիբյանը հեռանում է ԵԿՄ-ից, որը «տարածքներ հանձնելու համար ուժ է կիրառում ժողովրդի վրա».
 Երկրապահ կամավորական միության անդամ Արայիկ Ղարիբյանը դիմել է  Շենգավիթի շրջանի երկրապահ կամավորական միության նախագահին ինձ...
Աղբյուր` Panorama.am
17:02
Ժուռնալիստների միություն. Կառավարության որոշումն ամոթալի է, անթույլատրելի և աննախադեպ
Վարչապետի աշխատակազմի տեղեկատվության և հասարակայնության հետ կապերի վարչությունը տարածել է հաղորդագրութուն, ըստ որի՝ «ապրիլի 24-ին Հայոց...
Աղբյուր` Panorama.am
16:59
Որ մեկդ հանկարծ մասնակից եղաք էդ հակահայ գործին, դառնալու եք իմ ամենաոխերիմ թշնամին. Գեոդեզիստ
Գեոդեզիստ Կարեն Սոխակյանը ֆեյսբուքի իր էջում դիմել է իր գործընկերներին՝ կոչ անելով չմիանալ «սահմանազատում-սահմանագծում կոչված...
Աղբյուր` Panorama.am
16:57
Գեղակերտի 62-ամյա բնակչի սպանության համար մեղադրանք է ներկայացվել վերջինիս որդուն
Ապրիլի 20-ին հաղորդում է ստացվել այն մասին, որ նախօրեին՝ ժամը 21։45-ին, «Էջմիածին» ԲԿ «կտրած-ծակած վերքեր» ախտորոշմամբ...
Աղբյուր` Panorama.am
16:48
Կառավարություն. Ադրբեջանի ու Հայաստանի փորձագիտական խմբերի աշխատանքները շարունակվում են
2024 թվականի ապրիլի 23-ին Հայաստանի Հանրապետության և Ադրբեջանի Հանրապետության սահմանին գեոդեզիական չափումների հիման վրա, կոորդինատների ճշգրտման...
Աղբյուր` Panorama.am
16:33
Փաշինյան. Տավուշ-Ղազախ հատվածում տեղադրվեց առաջին սահմանային սյունը
«Հայաստան-Ադրբեջան պետական սահմանի Տավուշ-Ղազախ հատվածում տեղադրվեց առաջին սահմանային սյունը»,-ֆեյսբուքյան իր էջում գրել է վարչապետի...
Աղբյուր` Panorama.am
16:25
Ալիև. Ադրբեջանն ու Հայաստանն առավել քան մոտ են խաղաղությանը
«Հայաստանն ու Ադրբեջանն այսօր առավել քան մոտ են այդ հարցի լուծմանը (խաղաղության պայմանագրի կնքմանը), ինչպես երբևէ։ Օկուպացիայի...
Աղբյուր` Panorama.am
16:03
Իշխան Աղբալյան. Ես իմ դիրքորոշումը հայտնել եմ, աշխատանքային խմբից դուրս եմ գալիս
«Կառավարության որոշումը, որը սահմանազատման մասին է, լինելու է ըստ իրենց պլանավորածի»,-լրագրողների հետ զրույցում հայտարարեց Կիրանցի...
Աղբյուր` Panorama.am
15:37
Ալիևը համաձայն է. Հայաստանի հետ բանակցությունները կանցկացվեն Աստանայում
Բաքուն համաձայնել է Ղազախստանի՝ Ադրբեջանի և Հայաստանի արտաքին գործերի նախարարների հանդիպումն անցկացնելու առաջարկին։ Այս մասին հայտարարել է...
Աղբյուր` Panorama.am
15:10
Սերգեյ Մելքոնյան. Ադրբեջանը ոչ թե ժողովրդավարական երկիր է, այլ Եվրոպայում բռնապետության չեմպիոն
«Ես կանդրադառնամ էթնիկ զտումների և ցեղասպանության կիրառմանը որպես գործիք Մերձավոր Արևելքի էթնոքաղաքական, էթնոդավանանքային և այլ խնդիրների...
Աղբյուր` Panorama.am

Տեսանյութեր

Արևմտյան Հայաստանի ու արդեն Արցախի հուշարձանները՝ «ցեղասպանված հուշարձաններ»
18:05 23/04/2024

Արևմտյան Հայաստանի ու արդեն Արցախի հուշարձանները՝ «ցեղասպանված հուշարձաններ»

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.header.spell_message1":"\u0546\u0577\u057e\u0561\u056e \u057d\u056d\u0561\u056c\u0568` ","core.blocks.header.spell_message2":"\u0548\u0582\u0572\u0561\u0580\u056f\u0565\u055e\u056c \u0570\u0561\u0572\u0578\u0580\u0564\u0561\u0563\u0580\u0578\u0582\u0569\u0575\u0578\u0582\u0576 \u057d\u056d\u0561\u056c\u056b \u0574\u0561\u057d\u056b\u0576:"}