«Կանխատեսում էի՝ բուժման ծախսերն առանց սակարկելու կընդունեն». Վարդան Պետրոսյանի գործ
«Ես իմ հայցադիմումում ներկայացրել եմ մանրամասն հիմնավորված հաշվարկներ, այդ թվում նաև տուժող Տաթևիկ Հակոբյանի հետագա բուժման հետ կապված ծախսերը: Այսօր դնել դա ու վիճաբանության առարկա սարքել, թող սարքեն»,-Panorama.am-ի հետ զրույցում ասաց Վարդան Պետրոսյանի մասնակցությամբ տեղի ունեցած ավտովթարի գործով տուժող կողմի (շահերի պաշտպան) ներկայացուցիչ Ռուբեն Բալոյանը:
Հիշեցնենք, որ դեկտեմբերի 17-ին կայացած դատական նիստում Ռ. Բալոյանը շուրջ 13 միլիոն դրամով վնասը փոխհատուցելու վերաբերյալ միջնորդություն էր ներկայացրել: Արդեն հաջորդ՝ դեկտեմբերի 25-ին կայանալիք նիստի ժամանակ կպարզվի՝ դատարանը բավարարո՞ւմ է միջնորդությունը, թե՞ ոչ:
Նա նշեց, որ դատարանն իրավունք ունի քննության չառնել կամ ինչ որ մասով բավարարել:
«Որ մասով քննության չառնի, քաղհայցով կրկին կմտնենք դատարան: Այդ պահանջները պահպանվելու են»,- ասաց փաստաբանը՝ հույս հայտնելով, որ տուժող Տաթևիկ Հակոբյանի բուժման համար նախատեսված գումարի փոխհատուցման մասով հայցը կբավարարվի:
Ըստ տուժող կողմի ներկայացրած հայցի, Վ. Պետրոսյանի կողմից տուժող Տաթևիկ Հակոբյանին պատճառված և հատուցման ենթակա վնասի չափը կազմում է 10 միլիոն 165 հազար 213 դրամ: Հայցում ներկայացված են տարբեր բժշկական հաստատությունների կողմից տրված փաստաթղթեր, թե վերականգնողական ինչպիսի բուժում է անհրաժեշտ աղջկա վերջնական ապաքինման համար: Ըստ բժշկական փաստաթղթերի, Տ. Հակոբյանի վերականգնողական բուժումը տևելու է շուրջ 2 տարի: Տուժող Արթուր Հակոբյանին պատճառված և հատուցման ենթակա վնասի չափը կազմում է՝ 1 միլիոն 145 հազար 800 դրամ: Տուժողի իրավահաջորդ Նաիրա Հայրապետյանին պատճառված և հատուցման ենթակա վնասի չափը կազմում է՝ 400.000 ՀՀ դրամ: Տուժողի իրավահաջորդ Աննա Կարապետյանին պատճառված և հատուցման ենթակա վնասի չափը կազմում է՝ 400.000 ՀՀ դրամ: Տուժող Հայկ Հակոբյանին պատճառված և հատուցման ենթակա վնասի չափը կազմում է՝ 250.000 դրամ: Տուժող Էմմա Հակոբյանին պատճառված և հատուցման ենթակա վնասի չափը կազմում է՝ 250.000 դրամ:
Տաթևիկ Հակոբյանի բուժման համար որպես փոխհատուցում նշված գումարը, ըստ փաստաբան Ռ. Բալոյանի, ԱՊՊԱ-ի կողմից տրամադրված գումարի հետ կապ չունի. «Նշված գումարն անհրաժեշտ է այն բուժման համար, որից հետո Տաթևիկն ամբողջությամբ կապաքինվի: Նա ունի բազմաթիվ կոտրվածքներ: Իսկ ԱՊՊԱ-ն գումար է փոխանցել հիվանդանոցային ծախսերի, վիրահատությունների համար»:
Ըստ ԱՊՊԱ պայմանագրի, մեկ պատահարով նախատեսված է 9 միլիոն դրամ, յուրաքանչյուր տուժողին 3 միլիոն դրամ է հատկացվում:
«Փաստ է, երբ Տաթևիկի հայրը՝ Արթուր Հակոբյանը դիմել է ապահովագրական ընկերություն, ասել են, որ Տաթևիկի համար նախատեսված գումարը սպառվել է»,- ասաց փաստաբանը՝ հավելելով, որ եթե պաշտպանական կողմն ուզում է ընկերությունից պարզի, թող պարզի, ինքն էլ տեղյակ չէ:
Նշենք, որ Վարդան Պետրոսյանի փաստաբանները փորձելու են պարզել՝ արդյոք ապահովագրական ընկերությունը փոխհատուցե՞լ է Հակոբյաններին, թե՞ ոչ, այնուհետև կներկայացնեն իրենց դիրքորոշումը հայցի վերաբերյալ: Նշենք նաև, որ դատական նիստի ընթացքում տուժողի իրավահաջորդ Նաիրա Հայրապետյանն ասել էր, որ Վարդան Պետրոսյանի հարազատների կողմից իրենց որոշակի գումար փոխհատուցվել է, որն օգտագործվել են գերեզմանաքարի տեղադրման ու հուղարկավորման արարողությունների համար:
Փաստաբանն ասաց, որ այդ գումարը Տաթևիկ Հակոբյանի բուժման ծախսերի հետ որևէ կապ չունի:
«Ես կանխատեսում էի, որ Տաթևիկի բուժման փոխհատուցման համար նշված գումարն առանց սակարկելու կընդունեն: Փաստացի, իրենք Տաթևիկ Հակոբյանի բուժման հետ կապված ծախսերը վիճարկում են: Եթե չեն ուզում Տաթևիկի մասով վճարեն, թող ասեն, որ հայցն անհիմն է, բայց գրավոր, որպեսզի ես էլ գրավոր իմ դիրքորոշումը հայտնեմ»,- նշեց Ռ. Բալոյանը:
Առաջիկա նիստում արդյո՞ք դատախազը հանդես կգա մեղադրական ճառով, թե ոչ (դեկտեմբերի 17-ի նիստում դատախազը պետք է ճառով հանդես գար, եթե չլիներ այս միջնորդությունը), փաստաբանը չգիտի, կախված է պաշտպանական կողմից. «Կարող է միջնորդություն անեն ինչ-որ բան ապացուցելու նպատակով, բնականաբար, ես էլ իմ միջնորդությունը կանեմ: Չգիտեմ՝ դատաքննությունն ինչ ընթացք կունենա: Անկանխատեսլի է»:
Նախորդող հրապարակումներ՝
Տուժող կողմը միջնորդեց Վարդան Պետրոսյանից բռնագանձել շուրջ 13 միլիոն դրամ
Տուժող կողմի փաստաբան. Մենք ցանկություն չունենք, որ դատաքննությունը մեկ օր ավել տևի
«Վարդան Պետրոսյանի գործով այնպիսի երևույթներ եղան, որ ոչ մի մնացած գործերով չէին եղել». Փաստաբան
Վարդան Պետրոսյանի գործով դատաքննությունն ավարտվեց
Վարդան Պետրոսյանի պաշտպանի միջնորդությունը մերժվեց
Վարդան Պետրոսյան. Ինձ համար ամբողջ դատավարության ընթացքում ամենակարևորը տուժող կողմի հետ հաշտության եզրեր գտնելն է
«Այստեղ բոլորը պետք է շահագրգռված լինեն ճշմարտության բացահայտման համար». Վարդան Պետրոսյանի պաշտպան
Ամբաստանյալ Վարդան Պետրոսյանը՝ իրեն մեղադրողի պաշտպանի դերում
Վարդան Պետրոսյան. Մեկ տարի է նստած եմ լուռումունջ, անխոնջ, կնստեմ ավելին
«Ձևական պատճառաբանություններով Վարդան Պետրոսյանը կխուսափի պատժից». Միջնորդության վերաբերյալ
Վարդան Պետրոսյանի գործով դատական նիստը սկսվելուց անմիջապես հետո հետաձգվեց
Վարդան Պետրոսյանի գործով վկան մոռացել է ստորագրել դեպքի վայրի զննության արձանագրությունը
Վարդան Պետրոսյանի պաշտպանները դատական նիստին չներկայացան
Վարդան Պետրոսյանի գործով նոր պաշտպան է ներգրավվել
Վարդան Պետրոսյանի գործով հարցաքննվեց ավտոտեխնիկական փորձաքննությունը կատարած մասնագետը
Վարդան Պետրոսյանը՝ տուժողներին. Ես դուրս կգամ ու բոլոր հարցերին կպատասխանեմ
Վարդան Պետրոսյանի գործ. Փաստաբանը ներկայացնում է նոր լուսանկարներ
Բժիշկ. Վարդան Պետրոսյանի մոտ խմածության ցուցանիշը եղել է զրո
Վկաները պնդեցին, որ Վարդան Պետրոսյանի վրայից ալկոհոլի հոտ չեն զգացել
Վարդան Պետրոսյանի գործով տուժող կողմին զգուշացում կտրվի` պաշտպանին սպառնալու համար