Ձեր վստահելի աղբյուրը

Այսօր շատ է խոսվում և քննարկվում  ԱՄՆ փոխպետքարտուղար Վիկտորիա Նուլանդի կողմից ադրբեջանցի հանցագործների վերադարձի վերաբերյալ արված հայտարարությունը:  Ըստ էության՝ քննարկումներն ավելի շատ էմոցիոնալ դաշտ են տեղափոխվում և դա հասկանալի է. խնդիրը բավական նուրբ և զգայուն է, ինչը հաճախ խանգարում է երևույթներն ու դիվանագիտական հայտարարությունները մեկնաբանել կամ ընկալել տրամաբանական դատողությունների միջոցով: 

Նուլանդի հայտարարության միայն Գուլիևին ու Ասքերովին վերադարձնելու հատվածն է քննարկվում՝ բաց թողնելով, սակայն, մի կարևոր հանգամանք, որը նրա խոսքի հենց անկյունաքարն է: ԱՄՆ փոխպետքարտուղարը հստակ շեշտել է, որ թեև այդ երկուսը ՀԱՆՑԱԳՈՐԾՆԵՐ են, բայց Հայաստանը կարող է մարդասիրական քայլ դրսևորել ու վերադարձնել Ադրբեջանին:

Դիվանագիտորեն, սա ապտակ է Ադրբեջանին, որը փորձում էր այդ հանցագործներին ներկայացնել իբրև ռազմագերիներ, սակայն Նուլանդի խոսքը Վաշինգտոնի կողմից Բաքվի այս բոլոր ջանքերը զրոյացնելու հստակ մեսիջ էր:

ԱՄՆ-ն ցույց տվեց, որ ամեն ինչ հստակ է և կարիք չկա քարոզչական հնարքներով հայկական կողմի արարքը ներկայացնել ապակառուցողականության երանգով: Մենք, սակայն, խոսելով քարոզչության անհրաժեշտության մասին, կենտրոնացանք «հանձնելու» վերաբերյալ խոսքերի վրա, ինչը, տվյալ տեսանկյունից, մեզ դնում է խոցելի վիճակում:

Քարոզչության սկզբունքը կայանում է նրանում, որ այն իրականացնողը ընտրում և հենվում է այնպիսի երևույթների վրա, որոնք նախ ապահովում են դրական դիրքավորում, այնուհետև ընտրվում է որոշակի գործիքակազմ ցանկալի երևույթների թիրախային կիրառելիության ապահովման համար:

Ըստ այդմ, մեր խնդիրն է այնպես ներկայացնել, որ միջազգային հանրությունը դրանց ճանաչում է իբրև հանցագործներ և տալիս է շատ հստակ, ոչ երկիմաստ (ինչպես հաճախ պատահում է դիվանագիտության մեջ) գնահատական: Էդվարդ Նալբանդյանը ԱԺ-ում նույնպես հորդորեց ուշադիր կարդալ Նուլանդի խոսքերը, որտեղ շատ բան կա ասված: Հետևաբար, որքան մենք կենտրոնանում ենք մարդասիրական կոչը կոնտեքստի մեջ չդիտարկելու վրա, այնքան ընկնում ենք քարոզչական շրջապտույտի մեջ՝ անուղղակիորեն առաջ մղելով ադրբեջանական քարոզչությունը, որ դրանք, իբրև, ռազմագերիներ են, որից հետո սկսում պայքարել այդ հոսքի դեմ:

Էդգար Խաչատրյան

Նախորդիվ`
Պետքարտուղարությունը պարզաբանել է ադրբեջանցի դիվերսանտներին վերադարձնելու մասին Նուլանդի հայտարարությունը
Մարկարով. Գուցե ինչ-որ խոստումներ ունի ԱՄՆ-ն Ադրբեջանին տրված
Ադրբեջանը յուրովի է հասկանում մարդասիրությունը. Էդվարդ Նալբանդյան

Հարակից հրապարակումներ`
Ադրբեջանցի դիվերսանտի հակասական ցուցմունքները
Ադրբեջանցի դիվերսանտը մյուսի մասին. «Շատ կեղտոտ ու վատ անձնավորություն է, Ադրբեջանի ԱԱԾ աշխատակից է»
Սմբատ Ցականյանի հայրը գոհ է դատավարության ընթացքից. ադրբեջանցի դիվերսանտների գործ
Ադրբեջանցի դիվերսանտ. Եթե այս անգամ չձերբակալվեի, հետագայում կրկին անցնելու էի սահմանը
Ադրբեջանցի մի դիվերսանտը մյուսից պահանջել է դատարանին պատմել ճշմարտությունը
Ադրբեջանցի դիվերսանտները վերցրել էին Մեխակ Ցականյանի մոտ եղած գումարը, որով նա դպրոցական հագուստ էր գնելու իր համար
«Ս.Ցականյանը գիտե՞ր, որ դուք ադրբեջանցիներ եք»... Ադրբեջանցի դիվերսանտների նոր ցուցմունքները