Վերաքննիչ բողոքը վնաս է հասցնում և տուժող կողմին, և Վարդան Պետրոսյանին. փաստաբան
Դերասան Վարդան Պետրոսյանի գործով տուժող կողմի վերաքննիչ բողոքից վնաս է կրում և հենց տուժող կողմը, և Վարդան Պետրոսյանը: Panorama.am-ի հետ զրույցում հայտարարեց Վ. Պետրոսյանի փաստաբան Նիկոլայ Բաղդասարյանը:
«Վատություն է և տուժող կողմին, և Վարդան Պետրոսյանին: Եթե բողոք չլիներ, գործող օրենսդրության համաձայն՝ դատական ակտը ուժի մեջ մտնելուց հետո տուժող կողմը կարող էր ապահովագրական ընկերությունից ստանալ վնասների հատուցում, յուրաքանչյուր տուժողի համար մինչև 3 միլիոն 300 հազար դրամ: Դրանով կարող էին հոգալ իրենց բուժման ծախսերը:
Վարդան Պետրոսյանի նկատմամբ էլ դատական ակտը ուժի մեջ մտնելուց հետո գործելու էր բաց տիպի կալանքի ռեժիմը, և նա կլիներ ազատության մեջ»,- ասաց փաստաբանը:
Բացի այդ, Ն. Բաղդասարյանի խոսքով, տուժող կողմը կարող էր քաղհայցով դիմել դատարան. «Իրենց հայցադիմումը չէր մերժվել, թողնվել էր առանց քննության, իրավունք էր վերապահվել դիմել առաջին ատյանի դատարան»:
Ինչ վերաբերում է պատժի խստության պահանջին, Վ. Պետրոսյանի պաշտպանն ասաց, որ առանց որևէ հիմնավորման, պատճառաբանության միջնորդում են խստացնել պատիժը:
«Դատախազն էլ միջնորդել էր 6 տարի 6 ամիս: Միակ պատճառը, որ դրված է միջնորդության հիմքում՝ Վարդան Պետրոսյանը չի զղջացել կատարվածի համար»,- նշեց նա:
Հիշեցնենք, որ այսօր Վարդան Պետրոսյանի գործով տուժող կողմի փաստաբան Ռուբեն Բալոյանը վերաքննիչ բողոք է ներկայացրել: Նա բողոքարկել էր առաջին ատյանի դատարանի կայացրած դատավճռը պատժի և հայցի մասերով: Գործով մեղադրող Արթուր Սարգսյանը փետրվարի 24-ին նույնպես վերաքննիչ բողոք էր ներկայացրել՝ պահանջելով խստացնել պատժաչափը:
Հիշեցնենք նաև, որ հունվարի 29-ին Կոտայքի մարզի ընդհանուր իրավասության առաջին ատյանի դատարանի վճռով Վարդան Պետրոսյանին մեղավոր է ճանաչվել ՀՀ քրեական օրենսգրքի 242-րդ հոդվածի 3-րդ մասով (Ճանապարհային երթևեկության և տրանսպորտային միջոցների շահագործման կանոնները խախտելը, որն անզգուշությամբ առաջացրել է երկու կամ ավելի մարդու մահ) նախատեսված հանցագործության կատարման մեջ, նրա նկատմամբ պատիժ է նշանակել` ազատազրկում 5 տարի ժամկետով` տրանսպորտային միջոցներ վարելու իրավունքից զրկելով` 2տարի ժամկետով: Պատժի կրման սկիզբը համարվում է 2013թ. նոյեմբերի 6-ը:Բացի այս, դատավճռով տուժողների և տուժողների իրավահաջորդների ներկայացուցիչներ Ռ. Բալոյանի և Զ. Վարդանյանի կողմից ներկայացված քաղ. հայցը թողնվել էր առանց քննության:
Ն. Բաղդասարյանը դիմել էր Հատուկ քննչական ծառայություն՝ քննիչի կողմից փաստաթղթերի կեղծման, անգործության փաստերով քրեական գործ հարուցելու պահանջով: Քրեական գործի հարուցումը մերժվել է: Փաստաբանը դիմել է ՀՀ գլխավոր դատախազին: Քրեական գործի հարուցման դեպքում նշանակվելու էր ավտոտեխնիկական փորձաքննություն:
«Բոլոր դեպքերում ավտոտեխնիկական փորձաքննություն կկատարվի: Եթե մերժեն, միևնույնն է՝ մեր նախաձեռնությամբ այդ փորձաքննությունը կկատարվի: Այս գործը բացահայտվելու է»,- հայտարարեց փաստաբանը:
Նա նշեց, որ Վարդան Պետրոսյանի՝ ազատության մեջ լինելուց հետո երևան եկած նոր հանգամանքներով դիմելու են վերաքննիչ դատարան:
Նախորդող հրապարակումներ՝
Վարդան Պետրոսյանի գործով վերաքննիչ բողոքը պատրաստ է, բայց փաստաբանը դեռ չի ներկայացնում
Վարդան Պետրոսյանի գործով տուժող կողմի դիրքորոշման մեջ փոփոխություն չկա. Ռուբեն Բալոյան
Վարդան Պետրոսյանի վերջին խոսքը. Ես չարացած չեմ ոչ մի բանի, ոչ մեկի հանդեպ
Միջադեպ՝ Վարդան Պետրոսյանի գործով դատական նիստի ժամանակ
Վ. Պետրոսյանի ֆրանսիացի պաշտպան. Խայտառակություն է
Վարդան Պետրոսյանի պաշտպան. Այս քրեական գործի մեխը դեպքի վայրի զննությունն էր, որն առաջ տարվեց կեղծիքներով
Վարդան Պետրոսյանի պաշտպանները հանդես են գալիս պաշտպանական ճառերով
Վարդան Պետրոսյանը պատիժը կկրի բաց ռեժիմով. «Այլընտրանք չկա»
Վ. Պետրոսյանի ֆրանսիացի պաշտպան. Մեկամյա ձևական դատաքննությունը հանգեցրեց իմաստազուրկ մեղադրական ճառի
Վարդան Պետրոսյանի պաշտպանը դիմել է ՄԻԵԴ
Դատախազը միջնորդեց դերասան Վարդան Պետրոսյանին դատապարտել 6 տարի 6 ամիս ժամկետով. iravaban.net
«Կանխատեսում էի՝ բուժման ծախսերն առանց սակարկելու կընդունեն». Վարդան Պետրոսյանի գործ
Տուժող կողմը միջնորդեց Վարդան Պետրոսյանից բռնագանձել շուրջ 13 միլիոն դրամ
Տուժող կողմի փաստաբան. Մենք ցանկություն չունենք, որ դատաքննությունը մեկ օր ավել տևի
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ