Boston Globe. «Տանը` Հայաստանում»
«Բոսթոն Գլոբ» թերթի լրագրող, Բոսթոն համալսարանի լրագրության դասախոս Ջուլիետ Փեննինգթոնը «Տանը` Հայաստանում» վերնագրով հոդված է գրել, որում նկարագրել է Հայաստան կատարած այցի մասնամասները: Այն ներկայացնում ենք որոշ կրճատումներով:
«Մենք Հայաստանում մնացինք մոտ մեկ շաբաթ: Չնայած աստիճանաբար ծանոթանում էինք մշակութային բազմազանությանը, տեղյակ չէինք ամեն տարի նշվող Վարդավառ տոնին, որը նշվում է Սուրբ Հարության տոնից 14 շաբաթ անց, և որի ժամանակ երիտասարդները ջրում են անցորդներին:
Հաշվի առնելով իմ հայկական ծագումը` ցանկանում էի ավելի շատ բան իմանալ երկրի մասին, որը հաղթահարել է բազմաթիվ խոչընդոտներ` այդ թվում Առաջին համաշխարհային պատերազմի տարիներին Օսմանյան Թուրքիայի կողմից իրականացրած ցեղասպանությունը, որին զոհ գնաց 1.5 մլն մարդ: Ապրլի 24-ին` Ցեղասպանության զոհերի հիշատակման օրը, բազմաթիվ ամերիկահայեր ուխտագնացություն են կատարելու` ի հիշատակ անմեղ զոհերին:
Առաջինը քրիստոնեություն ընդունած և 301 թվականին այն պետական կրոն հռչակած այս լեռնային երկիր այցելողների մոտ անցայլում ճանապարհորդելու զգացում կա»,-գրում է հեղինակը նշելով, որ ԱՄՆ-ից Հայաստան ուղիղ չվերթներ չկան, սակայն որոշ ավիաուղիներ, հիմնականում եվրոպական, ուղիղ չվերթ ունեն դեպի Երևան:
«1.2 մլն բնակչություն ունեցող մայրաքաղաքում շատ բան կա անելու: Տեղաշարժվելը շատ հեշտ է: Փոքր ավտոբուսները և ֆուրգոնները, որոնք տեղացիներն անվանում են «մաշրուտնի», 100-ից ավելի ուղղություններով են աշխատում: Մեկ ուղղությունն արժե 100 դրամ:
Զբոսաշրջիկները կարող են քայլել Կասկադով, որն աստիճաններով կենտրոնը կապում է Մոնումենտի հետ: Այստեղ է գտնվում Մայր Հայաստանի արձանը, Անհայտ զինվորի գերեզմանի մոտ անմար կրակը և Հաղթանակի զբոսայգին:
Ծիծեռնակաբերդի այգում է գտնվում Հայոց ցեղասպանության զոհերի հուշահամալիրը: Այն կառուցվել է 1965 թվականին` Ցեղասպանության 50-րդ տարելիցի կապակցությամբ: 12 սյուները խորհրդանշում են 12 նահագները, որտեղ 1915-1923 թվականին կոտորվել են հայերը: Սյուների մեջտեղում անմար կրակն է, իսկ դրա շուրջը մարդիկ ծաղիկներ են դնում: Յուրաքանչյուր ապրլի 24-ին հազարավոր մարդիկ են գալիս և մասնակցում հիշատակի արարողությանը»,-պատմում է Փեննինգթոնը`այնուհետ նկարագրելով Սևանա լիճ, Խնձորեսկ, Գեղարդ և Հայաստանի այլ գեղատեսիլ, պատմական վայրեր կատարած այցերը:
«Գեղարդի վանքային համալիրն ընդգրկված է ՅՈՒՆԵՍԿՕ-ի համաշխարհային ժառանցության ցուցակում և միջանադարյան ճարտարապետության դասական օրինակ է` իր ապշեցուցիչ բնությամբ:
Գառնիի տաճարը նախաքրիստոնեական Հայաստանի խորհրդանիշն է, իսկ Խոր Վիրապում 13 տարի բանտարկված էր Գրիգոր Լուսավորիչը: 7-րդ դարում կառուցված Նորավանքը ունի գեղեցիկ խաչքարեր: Տաթևի վանական համալիր կարող եք այցելել ճոպանուղով, որը բացվել է 2010 թվականին»,-նշում է հոդվածագիրը` առանձնահատուկ հիացմունք արտահայտելով Սուրբ Էջմիածնի տաճարի վերաբերյալ:
«Առաջին եկեղեցին կառուցվել է 4-րդ դարում, երբ հայերը քրիստոնեություն ընդունեցին: Այն բազմաթիվ փոփոխությունների է ենթարկվել, սակայն մինչ այսօր շարունակում է մնալ հիասքանչ վայր և վկայում է երկրի հավաքտի ու հաստատակամության մասին: Ես Էջմիածնից հեռացա Հայաստանի ու իմ նախնիների հետ խորը կապը զգալով: Ես նաև շուտով վերադառնալու ուժեղ վճռականություն զգացի, որպեսզի ավելի լավ ուսումնասիրեմ այս գեղեցիկ երկիրը, նրա հարստությունները և ոգեշնչող պատմությունը»,-եզրափակել է ամերիկահայ լրագրողը:
Կարդացեք նաև`
«The Huffington Post». Դարավոր վանքերն ու եկեղեցիները գեղեցկացնում են Հայաստանի բնապատկերը
«Եկեղեցու իրական շքեղությունը հասկանալու համար». «Huffington Post»
«The Huffington post»- ը առանձնացրել է 5 վայր Երևանում, ուր պիտի անպայման այցելել
«DNA India». Հայաստանը հետաքրքիր, հեքիաթներով լի վայր է
«Ռոյթերս». «Գեղատեսիլ վայրերով և պատմությամբ լի Հայաստանի մայրաքաղաք Երևանը»
Լրահոս
Տեսանյութեր
«Ազատություն քաղբանտարկյալներին». ակցիա՝ Հայաստանում ԵՄ պատվիրակության գրասենյակի դիմաց