Ռուսաստանից եկել է ու ձերբակալել են. Տիգրան Առաքելյանի եղբայրը մանրամասնում է
«Էս վերջերս Ռուսաստանից էկավ, մի երկու օր անցավ ու ձերբակալեցին: Մենք ոչ մի բանից տեղյակ չէինք, եկել տարել են», -Panoarama.am-ի թղթակցի հետ զրույցում ներկայացրեց Հայ Ազգային կոնգրեսի անդամ Տիգրան Առաքելյանի եղբայրը` Հունան Առաքելյանը:
Ավելի վաղ Panorama.am-ը գրել էր, որ Տիգրան Առաքելյանը կալանավորվել է և ինչպես ՀԱԿ իրավաբան Արմեն Խաչատրյանն էր ասել, նրա նկատմամբ մեղադրանքն առաջադրվել է ՀՀ քրեական օրենսգրքի 182 հոդվածի հատկանիշներով` «Շորթումը»:
Եղբոր խոսքով, Առաքելյանն այժմ Ազգային անվտանգության ծառայության մեկուսարանում է, տեսակցությունները նրա հետ արգելված են, իսկ մինչ այժմ էլ հստակ չէ, թե որ փաստաբանը կստանձնի նրա պաշտպանությունը:
«Կոնկրետ չգիտենք` ինչն է պատճառը, ինչ է եղել: Զարմանում եմ, թե ինչի՞ ա շորթման պահով գործ հարուցվել: Չենք հասկանում դա ինչ ա: Սպասում ենք քննությանը», -ասաց Հունանը` նշելով, որ ինքը ձերբակալման պահին աշխատանքի վայրում է եղել:
Aravot.am-ը գրել էր, որ իրենց տեղեկություններով, Տիգրան Առաքելյանին ձերբակալել են ՀՀԿ-ական երկու պատգամավորների վերաբերյալ ինտիմ բնույթի տեսանյութեր տնօրինելու և հրապարակելու համար: Այս առնչությամբ Հունան Առաքելյանն ասաց. «Նախ ես չեմ հավատում, որ էդպիսի բան արվել ա, ու մի հատ էլ դրա պատճառով ձերբակալած լինեն: Մինչև քննություն չսկսվի, մինչև պարզաբանում չտրվի, չեմ կարող ասել»:
Հուլիսի 30-ին երեկոյան Մարդու իրավունքների գրասենյակը տեղեկություն տարածեց, որի համաձայն Օմբուդսմենի տեղակալ Արմեն Գրիգորյանը հանդիպել է ԱԱԾ մեկուսարանում գտնվող Տիգրան Առաքելյանին և առանձնազրույց ունեցել նրա հետ: Տիգրան Առաքելյանը հայտնել է, որ համաձայն չէ իրեն առաջադրված մեղադրանքին և ներկայացրել է դիմում՝ խնդրելով Օմբուդսմենի աջակցությունն իր իրավունքների պաշտպանության հարցում:
Ըստ աղբյուրի, Տիգրան Առաքելյանն առանձնազրույցի ընթացքում ասել է, որ որևէ բողոք չունի մեկուսարանում պահման պայմաններից, իր նկատմամբ որևէ բռնության չի գործադրվել, ունի փաստաբան, ում հետ արդեն տեսակցել է: Առաքելյանը ներկա պահի դրությամբ իր դատավարական իրավունքների խախտման վերաբերյալ դժգոհություններ չի ներկայացրել:
Տեղեկացրել էին նաև, որ Օմբուդսմենն իր լիազորությունների շրջանակներում կքննարկի Տ. Առաքելյանի դիմումը, ինչպես նաև ուշադրության կենտրոնում կպահի քրեական վարույթը` Տիգրան Առաքելյանի դատավարական իրավունքների լիարժեք ապահովման նպատակով:
Հարակից հրապարակում`
Տիգրան Առաքելյանը կալանավորված է
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ