«The Independent». Տարածաշրջանային խաղացողները միշտ էլ հրաժարվել են քրդերից և հայերից
Բրիտանական առաջատար «The Independent» պարբերականը անդրադարձել է Թուրքիայի կողմից քրդերին ռմբակոծելուն` նկատելով, որ Թուրքիայի պահվածքը անակնկալ չէ, քանի որ միշտ էլ տարածաշրջանային խաղացողները իրենց նպատակներից ելնելով հրաժարվել են քրդերից, ինչպես նաև հայերից:
«Քրդերը ծնվել են հավատարիմ լինելու համար: Մերձավորարևելյան պետականազուրկ ցանկացած ժողովրդի Առաջին համաշխարհայինց հետո ազատություն խոստացան, իսկ քրդերը նույնիսկ պատվիրակություն ուղարկեցին Վերսալ` խնդրելով իրենց տալ պետություն և անվտանգ սահմաններ: 1920 թվականին Սևրի պայմանագրով նրանք այն ժամանակվա Թուրքիայի կազմում փոքրիկ պետություն ձեռք բերեցին, սակայն թուրք ազգայնական Աթաթուրքի գալուց հետո, դա էլ կորցրեցին: Այդպիսով Մեծ պատերազմի հաղթողները հավաքվեցին Լոզանում և հրաժարվեցին քրդերից (ինչպես նաև հայերից): Քրդերը ցրվեցին թուրքական նոր պետությունում, ֆրանսիական Սիրիայում ու Իրանում, ինչպես նաև բրիտանական Իրաքում»,- գրում է պարբերականը:
Սրանում է, ըստ պարբերականի, կայանում քրդերի ողբերգությունը, և գրեթե յուրաքանչյուր տարածաշրջանային խաղացող իր մասնակցությունն է ունեցել դրանում:
«Ամենակոպիտ մասնակցությունն այդ ամենին ունեցել են թուրքերը և Իրաքի արաբները, ամենացինիկը` բրիտանացիներն ու ամերիկացիները: Հետևաբար, բոլորովին էլ անակնկալ չէ, որ Թուրքիան վերադարձել է քրդերին ռմբակոծելու իր գործելաոճին»,- գրում է պարբերականը:
Այնուհետև պարբերականը դիտարկում է անում, թե ինչպես ամերիկացիները մի քանի անգամ քրդերին հրահրեցին Սադամ Հուսեյնի դեմ ապստամբության` թույլ տալով, որ հազարավոր քրդեր զոհվեն, իսկ նրանց համար ստեղծված անվտանգության գոտին էլ շուտով պարզվեց, որ պատրանք է:
«Երբ անցյալ տարի քրդերը սկսեցին կռվել ԻՊ-ի դեմ, ամերիկացիները որոշեցին, որ նրանց նորից կարելի է օգտագործել, իսկ Թուրքիան էլ անհամբերությամբ հետևում էր, թե ինչպես է Քուրդիստանը Արևմուտքի պայքարի առաջամարտիկը դառնում: Քոբանին դարձավ փոքրիկ Ստալինգրադ… բայց Թուրքիան սա չէր կարող այսպես թողնել, և երբ տեղի ունեցան Սուրուչի դեպքերը, Թուրքիան որոշեց ԻՊ-ի դեմ պայքարի քողի տակ ռմբակոծել PKK-ի դիրքերը, իսկ հետո ամերիկացիների համար բացեց Ինջիրլիքի ռազմաբազան: Եվ հիմա աշխարհը կմոռանա, որ իսլամիստ գրոհայինները Թուրքիայի թույլտվությամբ անցնում էին թուրք-սիրաիական սահմանը»,- գրում է պարբերականը:
Եզրափակելով` պարբերականը հավելում է, որ օդային վերջին հարվածներով Թուրքիան բռնում է Պակիստանի ուղին` վերածվելով կոռումպացված, զենքի ու պարտիզանական կռվի միջանցքի, այն էլ ամերիկացիների օգնությամբ, ինչպես 1980-ականներից Աֆղնաստանի համար դարձավ Պակիստանը:
Լրահոս
Տեսանյութեր
Փաշինյանի կնոջը «Նիկոլ ցեղասպան» վանկարկումով դիմավորեցին Ծիծեռնակաբերդի հուշահամալիրում
