Սյունիքի մարզպետարանի աշխատակիցները աշխատանքից ազատման դիմումներ են ներկայացնում. «Ժողովուրդ»
Սյունիքի մարզպետ Սուրեն Խաչատրյանի վերանշանակումից հետո մարզպետարանի աշխատակիցները աշխատանքից ազատման դիմումներ են ներկայացնում: «Ժողովուրդ»-ը երեկ փորձել է լուրը ճշտել Սյունիքի մարզպետարանի տեղեկատվության և հասարակայնության հետ կապերի բաժնից, որտեղից տեղեկացրել են, որ իրենց սեփական դիմումի համաձայն աշխատանքից ազատվել են մարզպետարանի քաղաքաշինության վարչության պետ Արշակ Ուստաբաշյանը, կրթության, մշակույթի և սպորտի վարչության պետ Նաիրա Ավանեսյանը ու նրա տեղակալ Աշոտ Մարդյանը:
Թերթը այս հարցի շուրջ զրուցել է նրանց հետ: Արշակ Ուստաբաշյանը ասել է. «Ինձնից մի հարցրեք, տեղեկացեք մարզպետարանից, ես քաղծառայող եմ, պատճառն այն է, որ հոգնել եմ աշխատելուց»:
Իսկ կրթության, մշակույթի և սպորտի վարչության պետ Նաիրա Ավանեսյանը թերթին տեղեկացրել է, որ ինքը նպատակահարմար չի համարել շարունակել աշխատանքը մարզպետարանում:
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ