Վաղը կօծվեն Սբ. Հովհաննես եկեղեցու բակում տեղադրված Ջուղայի ոչնչացված խաչքարերից 2 նմուշի կրկնօրինակները

14:30 29/04/2011 » Հասարակություն

Վաղը կօծվեն Սբ. Հովհաննես եկեղեցու բակում տեղադրված Ջուղայի ոչնչացված խաչքարերից 2 նմուշի կրկնօրինակները

Վաղը` ապրիլի 30-ին Հայ Առաքելական Եկեղեցին նշում է Ս. Հովհաննես Մկրտչի գլխատման հիշատակը: Այդ օրը Կոնդի Ս. Հովհաննես Մկրտիչ եկեղեցում Արարատյան Հայրապետական թեմի առաջնորդական փոխանորդ Տ. Նավասարդ արքեպիսկոպոս Կճոյանի հանդիսապետությամբ կմատուցվի ուխտի տոնական Ս. Պատարագ:

Արարատյան Հայրապետական թեմի Մամլո դիվանի հաղորդմամբ, հավարտ Ս. Պատարագի Սրբազան հոր ձեռամբ կօծվեն եկեղեցու բակում տեղադրված Ջուղայի ոչնչացված խաչքարերից 2 նմուշի և Հովհանավանքի քարե խաչի կրկնօրինակները:

Արարատյան թեմի մամուլի խոսնակ Էլզա Մանուկյանը Panorama.am-ի հետ զրույցում նշեց, որ պատարագը մեկնարկելու է ժամը 11-ին: Նրա խոսքով, Ջուղայում ոչնչացված մեծարժեք հուշարձանների կրկնօրինակները, որոնք դրանց նախնական տեսքով են, թույլ կտան մարդկանց միշտ հիշել դրանց մասին: «Թույլ կտան, որ դրանք միշտ լինեն, կյանք ունենան»,-ասաց նա:

Նշենք, որ կրկնօրինակված խաչքարերն ու քարի խաչը քանդակվել և կանգնեցվել են Հովհաննես Հովսեփյանի ազնիվ նվիրատվությամբ: Հ. Հովսեփյանը, ինչպես հայտնեցին թեմից, 7 տարի շարունակ Սուրբ Հովհաննես եկեղեցու հետ կապված տարբեր բարեգործական նախաձեռնություններով է հանդես գալիս` հանուն եկեղեցու պայծառացման:

Աղբյուր` Panorama.am

Share |

Տպագրական տարբերակ

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

↓ Վերջին նորություններ
Շարունակել

Օրացույց