Հակառակորդը շուրջ 45 րոպե կրակել է Դովեղ գյուղի տների ուղղությամբ. Տարհանվել են մանկապարտեզն ու դպրոցը

15:00 25/04/2012 » Հասարակություն

Հակառակորդը շուրջ 45 րոպե կրակել է Դովեղ գյուղի տների ուղղությամբ. Տարհանվել են մանկապարտեզն ու դպրոցը

Այսօր առավոտյան ժամը 11:15-ի սահմաններում Տավուշի մարզի Դովեղ գյուղում հակառակորդը շուրջ 45 րոպե կրակահերթ է բացել գյուղի տների ուղղությամբ: Գյուղի մանկապարտեզն ու դպրոցը տարհանվել են, վիրավորներ չկան: Այդ մասին Panorama.am-ին տեղեկացրեց Դովեղ գյուղի գյուղապետ Սամվել Գորգինյանը:

«Կրակահերթի հետևանքով բնակիչ Արսեն Մեհրաբյանի բեռնատար մեքենան է վնասվել, որը կայանված է եղել իրենց տան բակում: Բացի այդ, վնասվել են մի քանի գյուղացիների տներ տանիքներ ու տների պատերը», -հավելեց գյուղապետը և նշեց, որ դեռ չեն հասցրել հաշվարկել ստացված վնասը:

Նա փոխանցեց նաև, որ իր հսկողությամբ անմիջապես տարհանվել են գյուղի դպրոցն ու մանկապարտեզը: «Նման դեպք հրադադարից հետո չի եղել, ճիշտ է լսել ենք դիրքային կրակոցներ, բայց որ գյուղի որոշ տարածքներ այսպես կրակահերթի ենթարկվեին, չէր եղել նման բան», -փոխանցեց գյուղապետը` տեղեկացնելով, որ համապատասխան պատկան կառույցներին այդ մասին արդեն իսկ տեղյակ պահվել է և այժմ գյուղում իրավիճակը հանգիստ է, խաղաղ:

Աղբյուր` Panorama.am

Share |

Տպագրական տարբերակ

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

↓ Վերջին նորություններ
Շարունակել

Օրացույց