Մուբարաքը աղերսել է իրեն թոռան կողքին հուղարկավորել

20:05 09/06/2012 » Աշխարհում

Մուբարաքը աղերսել է իրեն թոռան կողքին հուղարկավորել

Եգիպտոսի նախկին նախագահ Հոսնի Մուբարաքը, ով ցմահ բանտարկության մեջ է, աղերսել է հուղարկավորել իրեն իր թոռան կողքին: Ինչպես տեղեկացնում են տեղական լրատվամիջոցները, նման խնդրանքով նա դիմել է իր կնոջը` Սյուզանին և իր որդիներից մեկին` Գամալին:

Նախկին նախագահի թոռը մահացել է կասկածելի պայմաններում 2009 թվականի մայիսին: Ըստ մի վարկածի` նրան թունավորել են, մյուսի` ընկել է ձիուց: Պաշտոնական տեղեկատվության մեջ նշվել է, թե նա մահացել է երկօրյա հիվանդությունից հետո:
Նշենք, որ հունիսի 2-ին Մուբարաքը դատապարտվել է ցմահ ազատազրկման` 2011 թվականի սկզբին զանգվածային ցույցերի մասնակիցների նկատմամբ հաշվեհարդարների համար և դատարանից անմիջապես բանտ է տեղափոխվել: Ներկա պահին Մուբարաքի առողջական վիճակը շատ ծանր է` 84-ամյա նախկին նախագահն ապրում է արհեստական շնչառության սարքի օգնությամբ:
 

Աղբյուր` Panorama.am

Share |

Տպագրական տարբերակ

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

↓ Վերջին նորություններ
Շարունակել

Օրացույց