Հերմինե Նաղդալյանի նոր ձեռքբերումները ու աճող ֆինանսական միջոցները
Ազգային ժողովի փոխնախագահ Հերմինե Նաղդալյանի ունեցվածքը 2013-ին կտրուկ աճել է, հատկապես ավելացել են նրա ձեռք բերած անշարժ գույքերը: Մասնավորապես, ՀՀ Բարձրաստիճան պաշտոնատար անձանց էթիկայի հանձնաժողով ներկայացրած հայտարարագրից տեղեկանում ենք, որ 2013-ին տիկին Նաղդալյանը ձեռք է բերել երկու անշարժ գույք, որոնք չեն եղել 2013-ի սկզբին. Այսպես. Բնակարանը, որը նախատեսված է բազմաբնակարան բնակելի շենքում ֆիզիկական անձանց բնակության համար, արժեցել է 46 մլն 035,000 դրամ: Իսկ մյուս անշարժ գույքը 6 մլն 120,000 հազար դրամ արժողությամբ բազմաբնակարան շենքի ոչ բնակելի տարածք է:
Ըստ ներկայացված հայտարարագրի, 2013-ի ընթացքում Հերմինե Նաղդալյանը խոշոր գումար է հանձնել փոխառության` 156 մլն 055,073 դրամ:
ԱԺ փոխնախագահի դրամական միջոցները 2013-ի սկզբում կազմել են 50 մլն դրամ, սակայն դրանք տարվա վերջում նվազել են` դառնալով 45 մլն դրամ: Փոխարենը աճել են դոլարային արժույթով դրամական միջոցները` 2013-ի սկզբում դրանք եղել են 10 հազար ԱՄՆ դոլար, տարվա վերջում աճել` հասնելով 20 հազար ԱՄՆ դոլարի:
Տարվա ընթացքում ստացած աշխատավարձից ԱԺ փոխնախագահի եկամուտները կազմել են 3 մլն 641,210 դրամ: Իսկ հայտարարագրած շահաբաժինը կազմել է 376 մլն դրամ:
Թեմային առնչվող հրապարակումներ`
Հայաստանի ամենահարուստ կանանցից մեկը
Երևանի փոխքաղաքապետի կնոջ եկամուտները գերազանցում են ամուսնու եկամուտները
ՊԵԿ պաշտոնյաների եկամուտները` միլիոն դրամներ
Ինչ ունեն և չունեն Վարչական դատարանի նորանշանակ դատավորները
Գեղամ Ղարիբջանյանի եկամուտներն ԱՄԷ-ում աճել են