Հաշմանդամություն ունեցող պատանին զրկված է անգամ անձնագիր ստանալու հնարավորությունից. «Շիրակ կենտրոն»
Գյումրու ծայրամասային տնակային ավաններից մեկը հերթական այցելության ժամանակ «Շիրակ կենտրոնի» աշխատակիցները հանդիպել են ծայրահեղ աղքատության մեջ հայտնված Ղազարյանների ընտանիքին:
Այն տնակը, որտեղ նրանք ներկայումս ժամանակավորապես բնակվում են, պատկանում է հեռավոր ազգականներից մեկին: Իրենց տնակը դեռ երկու տարի առաջ ամբողջովին շարքից դուրս է եկել ու դարձել բնակվելու համար ոչ պիտանի: Երեք անձից բաղկացած ընտանիքի բոլոր երեք անդամներն էլ հաշմանդամություն ունեն:
Ընտանիքի անդամ, մանկուց հաշմանդամություն ունեցող և ընդամենը 6-ամյա կրթություն ստացած 17-ամյա պատանին էլ չի կարողանում անձնագիր ստանալ՝ գրանցման հասցե չունենալու պատճառով: Նույն պատճառով նրանք զրկված են անգամ սոցիալական նպաստ ստանալու հնարավորությունից: Ընտանիքի ապրուստի հիմնական միջոցը հաշմանդամության թոշակներն են և մոտակա աղբանոցներից պատանու հավաքած ապակյա տարաների վաճառքից ստացվող գումարը:
Առավել մանրամասն՝ «Շիրակ կենտրոնի» պատրաստած տեսանյութում: