Beeline-ը պարգևատրել է Samsung Galaxy S4 սմարթֆոններով
Beeline-ը պարգևատրել է MNP ծառայության միջոցով Beeline–ի բաժանորդ դարձած և «Ֆորտունա» խաղարկությանն առաջինը գրանցված երեք մասնակցի:
Պարգևատրման արարողությունը տեղի է ունեցել այսօր Հյուսիսային պողոտայում գտնվող Beeline վաճառքի և սպասարկման գրասենյակում, որտեղ Ա. Հասրաթյանը, Շիրակի մարզի Աշոցք համայնքից, Գ. Գասպարյանը Գյումրի քաղաքից և Օ. Զաքարյանը Ձորաղբյուրի համայնքից Beeline-ի կողմից ստացան Samsung Galaxy S4 սմարթֆոններ։ Այս մասին տեղեկացնում է «ԱրմենՏել» ՓԲԸ-ի հասարակայնության հետ կապերի բաժինը:
«Beeline–ի անունից իմ խորին շնորհակալությունն եմ հայտնում մեր խաղարկությանը մասնակցելու, ինչպես նաև նրա համար, որ փոխելով Ձեր օպերատորին նախընտրել եք Beeline–ի պարզ և հարմար ծառայությունները։ Շնորհավորում եմ Ձեզ, թող ֆորտունայի ժպիտը ուղեկից լինի Ձեզ ողջ կյանքի ընթացքում»,- նշել է Հայաստանում Beeline-ի Հասարակայնության հետ կապերի ծառայության ղեկավար Տաթև Այրումյանը։
«Ֆորտունա» վիճակախաղը մեկնարկել է 2014թ–ի մայիսի 1-ին և կավարտվի օգոստոսի 31-ին, խաղարկվում են արժեքավոր նվերներ` բնակարան Երեւանում, երկու ավտոմեքենա, ուղեգիր 2 անձի համար դեպի Մալդիվյան կղզիներ և հանգստի ուղեգիր 2 անձի համար դեպի Շրի Լանկա:
Խաղարկությանը մասնակցելու համար Beeline բաժանորդներն իրենց բջջային հեռախոսից պետք է ուղարկեն *222# USSD անվճար հրահանգը: Խաղարկության անցկացման ժամանակ յուրաքանչյուր միանվագ 1000 դրամ լիցքավորելու դեպքում բաժանորդը ստանում է մեկ միավոր: Հետվճարային հաշվարկային համակարգի բաժանորդները կուտակում են միավորներ բջջային կապի ծառայությունների դիմաց դուրս գրված հաշվի համար 1000 և ավելի դրամ վճարելու դեպքում:
Յուրաքանչյուր մեկ միավորի համար պատրաստվում է մեկ անդորրագիր, որի վրա նշվում է բաժանորդի հեռախոսահամարը: Այնուհետև բոլոր անդորրագրերը տեղադրվում են վիճակախաղի համար նախատեսված հատուկ պտտվող թմբուկի մեջ: Որքան շատ լինեն բաժանորդի հեռախոսահամարով անդորրագրերն, այնքան մեծ է շահելու հավանականությունը: Կանխավճարային հաշվարկային համակարգի բաժանորդները կարող են ստուգել կուտակած միավորների քանակն ուղարկելով *155# USSD-հարցումը։ Հետվճարային հաշվարկային համակարգի բաժանորդները մինչև յուրաքանչյուր ամսվա 17-ը ստանում են տեղեկատվություն կուտակած միավորների քանակի վերաբերյալ SMS հաղորդագրության տեսքով։
Գովազդային վիճակախաղի գրանցումը և մասնակցությունն անվճար է, բոլոր այն գումարներն, որ փոխանցվել են բաժանորդի հաշվեկշռին կարող են օգտագործվել ցանկացած ծառայության համար։ Հետվճարային համակարգի բաժանորդները կարող են նույնպես օգտվել ցանկացած ծառայությունից դրանց համար վճարելով հետագայում՝ նախատեսված կարգով։ «Հաշվեկշռի փոխանցում» ծառայության օգտագործումը չի հանդիսանում հաճախորդի բջջային հեռախոսի հաշվեկշռի լիցքավորում: Միավորներ չեն տրամադրվում գումարային 1000 դրամ լիցքավորման դեպքում, օրինակ՝ եթե բաժանորդը լիցքավորել է 700 դրամ, իսկ այնուհետև՝ 300 դրամ, ապա այս պարագայում միավորներ չեն տրամադրվում։
Վիճակախաղի մասին հավելյալ տեղեկատվություն կարելի է ստանալ www.beeline.am կայքում։
Լրահոս
Տեսանյութեր
Ամեն սարի գլխին, փեշին, անտառներում հայկական հետքեր են. Քաշաթաղի հուշարձանները՝ մեկ գրքում