«Ճարտարապետության և շինարարության Հայաստանի ազգային համալսարան» հիմնադրամի ռեկտոր է ընտրվել Գագիկ Գալստյանը
«Ճարտարապետության և շինարարության Հայաստանի ազգային համալսարան»-ում տեղի է ունեցել հիմնադրամի հոգաբարձուների խորհրդի հերթական նիստը, որը վարել է Երևանի քաղաքապետ, «Ճարտարապետության և շինարարության Հայաստանի ազգային համալսարան» հիմնադրամի հոգաբարձուների խորհրդի նախագահ Տարոն Մարգարյանը:
«Ճարտարապետության և շինարարության Հայաստանի ազգային համալսարան» հիմնադրամի ռեկտորի ընտրության հարցի քննարկման ընթացքում նշվել է, որ սահմանված ժամկետում ռեկտորի թափուր պաշտոնի համար դիմել է մեկ թեկնածու՝ Գագիկ Գալստյանը, ով համալսարանի ռեկտորի պաշտոնակատարն է: Այս մասին հայտնում է քաղաքապետարանի տեղեկատվության և հասարակայնության հետ կապերի վարչությունը:
Վերջինս, խորհրդի անդամներին հակիրճ ներկայացնելով համալսարանի զարգացման հայեցակարգը, նշել է, որ ԲՈՒՀ-ը, ընդլայնելով միջազգային համագործակցության շրջանակները, կշարունակի կյանքի կոչել նախանշված բոլոր ծրագրերն ու, պահպանելով գիտակրթական ոլորտում ամրագրված ձեռքբերումները, պատրաստել շուկայում պահանջարկ ունեցող որակյալ մասնագետներ:
Այնուհետ հիմնադրամի հոգաբարձուների խորհրդի 30 անդամների փակ, գաղտնի քվեարկությամբ Գագիկ Գալստյանը միաձայն ընտրվել է «Ճարտարապետության և շինարարության Հայաստանի ազգային համալսարան» հիմնադրամի ռեկտոր: