Ջերմաստիճանն այսօր և վաղը կնվազի 7-10 աստիճանով
Մարտի 5-ին շրջանների զգալի մասում սպասվում են տեղումներ, լեռնային, նախալեռնային շրջաններում՝ ձյան, հովտային գոտիներում՝ թաց ձյան տեսքով: Առանձին վայրերում սպասվում է քամու ուժգնացում՝ 15-20 մ/վրկ արագությամբ, լեռնային գոտիներում՝ բուք և ցածր տեսանելիություն: Այս մասին հայտնում է ՏԿԱԻՆ արտակարգ ալիք լրատվական կենտրոնը:
Հանրապետության տարածքում մարտի 6-9-ին սպասվում է առանց տեղումների եղանակ: Քամին` հարավ-արևմտյան` 3-8 մ/վրկ: Օդի ջերմաստիճանը 5-ի ցերեկը և 6-ի գիշերը կնվազի 7-10 աստիճանով, 7-9-ին կբարձրանա 12-14 աստիճանով:
Երևանում այսօր սպասվում են տեղումներ, գիշերը բարձրադիր գոտիներում` ձյան տեսքով: 6-9-ին սպասվում է առանց տեղումների եղանակ: Այսօր ցերեկը Երևանում կգրանցվի +6 աստիճան տաքություն, գիշերը ջերմաստիճանը կնվազի՝ հասնելով -7-ի: Հաջորդ օրերին աստիճանաբար կտաքանա՝ մարտի 8-ի ցերեկը կգրանցվի + 18, իսկ 9-ին՝ + 20 տաքություն: