Ձեր մեծագույն պարգևը և հաջողության գրավականը կլինի զինվորի մոր օրհնանքը. Սերյան Օհանյանը` սպաներին
«Դասախոսների, հրամանատրաների տքնաջան աշխատանքի արդյունքները մենք տեսնելու ենք մի քանի տարի անց։ Վստահ եմ դրանում, որովհետև այս հաստատությունների նախորդ տարիների շրջանավարտներն այսօր զբաղեցնում են պատասխաանտու հրամանատարական և շտաբային պաշտոններ, լիարժեք կերպով կատարում են բանակային խնդիրների կատարումը»,-այսօր ՊՆ-ում տեղի ունեցած ՀՀ ՊՆ Վազգեն Սարգսյանի անվան ռազմական ինստիտուտի և ռազմաուսումնական հաստատությունների շրջանավարտներին սպայական կոչումների հանձնման հանդիսավոր արարողության ժամանակ իր ելությի խոսքում ասաց ՀՀ ՀՀ պաշտպանության նախարար Սերյան Օհանյանը:
Նշենք, որ հանդիսավոր արարողությանը մասնակցում էր ՀՀ Նախագահ, ՀՀ զինված ուժերի գերագույն գլխավոր հրամանատար Սերժ Սարգսյանը:
Նախարարը կարևորեց նաև հայրենական հրամանատարաշտաբային դասընթացներն ավարտած սպաների աշխատանքը։
«Սա փայլուն էջ է ՀՀ Զինված ուժերի ռազմական կրթության ոլորտում: Ու չնայած շփման գծում երբեմն-երբեմն բռնկվող լարվածությանը՝ մեր զինվորն ու սպաները պատվով են կատարում իրենց խնդիրը՝ պաշտպանելով հայրենիքի սահմաններն ու պահպանելով հերոսություններով նվաճված հաղթական խաղաղությունը»։
Սերյան Օհանյանն նաև շեշտեց, որ գեղեցիկ համզգեստ և ուսադիրներ ստանալով իսկույն սպա չեն դառնում, կոչում ստանալուն պես հրամանատար չեն դառնում և մեջբերելով Գարգեգին Նժդեհի խոսքերը՝ երեք մաղթանք ուղղեց շրջանավարտներին:
«Առաջինը՝ մկրտության դրոշմը չջնջվի ձեր հոգիներից։ Երկրրոդ՝ հետագայում հանդիպելով ձեր ենթակայության ծառայած զինվորներն նրանց շուրթերից լսեք «պատիվ ունեմ հրամանատար»,- այդ երեք բառերում պարփակված մեծ խորհուրդը տարիներ անց ենք հասկանալու։ Երրորդ ՝չդավաճանեք ձեր սկզբունքներին, չընկրկեք, չընկճվեք ոչ մի դժվարություններից և որպես հրամանատար վաստակեք ձեր զինվորների ավագ ազնիվ ու անկաշառ ընկերը լինելու մեծ պատիվը։ Ձեր մեծագույն պարգևը և հաջողության գրավականը կլինի զինվորի մոր օրհնանքը՝ իր որդու կյանքը և ծառայությունը պահպանելու համար»:
Լրահոս
Տեսանյութեր
Արդյո՞ք սա սահմանազատում է, թե՞ ճնշման տակ ինչ-որ բան տալ. Սերժ Սարգսյան
