Մեր ռեստորաններում պետք է պահանջված դառնա հայկական խոհանոցը, ոչ թե շաուրման. Ս. Մամուլյան
Մեծ աշխատանք է իրականացվում հայկական ազգային խոհանոցը դրսում ներայացնելու ուղղությամբ: Այսօր լրագրողների հետ հանդիպմանն ասաց Հայ խոհարարական ավանդույթների զարգացման և պահպանման հ/կ նախագահ Սեդրակ Մամուլյանը՝ նշելով, որ իրենք ծավալել են ազգային ազգային խոհանոցի հետ կապված բանահավաքչության աշխատանքներ:
«Այս աշխատանքներն ուղղված են ոչ միայն դրսի համար, այլ նաև ներքին սպառողի, որպեսզի ներսում էլ լավ ճանաչեն ազգային խոհանոցը: Այս աշխատանքների հետ մենք զուգահեռ տանում ենք աշխատանք, որ այս ամենը մնայուն լինի: Օրինակ բանահավաքչության աշխատանքները անպայման պետք է տպագրվեն և հետագայում ապագա խոհարարների ուսուցման գործընթացի մեջ կիրառվի»,-ասաց Ս. Մամուլյանը:
Ազգագրագետ Խորեն Գրիգորյանն էլ անդրադառնալով Կիլիկյան Հայաստանի և Անիի խոհանոցների վերականգնման գործընթացին՝ նշեց, որ ազգարական տեսակյունից հայկական խոհանոցը ուսումնասիրելիս դիտարկում են միայն 18-19 դարերը:
«Մենք փորձեցինք գտնել Անիի հայերին և հասկանալ, թե որպես հայեր իրենք ինչ են պահապանել մեր խոհանոցից: Կենցաղն ուսումնասիրելով, հասկացանք, որ անգամ եթե հայկական ոչինչ չի պահպանվել ոչ լեզու, ոչ ազգանուն, բայց միևնույն է ազգային խոհանոցը պահպանվել է»,-նշեց ազգագրագետը՝ ավելացնելով, որ իրենք ուսումանսիրություններ են կատարում նաև Ռումինիայի, Լեհաստանի, Հունգարիայի հայերի կենցաղում:
Նա նկատեց, որ հայկական խոհանոցն այսօր իրեն պատկանող կերակրատեսակների ապացուցելու խնդիր ունի, և դրա գլխավոր պատճառը ԽՍՀՄ ժամանակաշրջանում ազգերի միավորվելն է, երբ խառնվեցին կովկասկյան խոհանոցները:
Հասարակական սննդի մասնագետ, փորձագետ Ռուզաննա Նահապետյանն էլ տեղեկացրեց, որ այսօր ռեստորան մտնող երիտասարդը ոչ մի հայկական խոհանոցին պատկանող կերակուր չի պատվիրում՝համարելով այն ուղղակի գյուղի կերակուր. «Պահանջարկ չկա, պետք է աշխատել հայկական խոհանոցը ներկայացնելու ուղղությամբ և նրա օգտակարությունը ներկայացնելու ուղղությամբ»:
Ամփոփելով հանդիպումը` Սեդրակ Մամուլյանը շեշտեց, որ ինչպես շատ երկրներում է արվում, կառավարության մակարդակով պետք է աշխատել, ռեստորաններում հայկական խոհանոցը ներկայացնելու, այլ ոչ թե այն, որ ռեստորաններում շաուրման դառնա ամենապահանջվածը:
Լրահոս
Տեսանյութեր
Փաշինյանի կնոջը «Նիկոլ ցեղասպան» վանկարկումով դիմավորեցին Ծիծեռնակաբերդի հուշահամալիրում