Ձեր վստահելի աղբյուրը

«Շանթ 2015» զորավարժությունների շրջանակում այսօր Երևանի Նուբարաշեն վարչական շրջանում վրանային ճամաբար է բացվել: Ըստ սցենարի, պատերազմի հետևանքով մտացածին երկրներից Հայաստան են եկել ներգաղթյալներ, որոնց ժամանակավոր կացության հարցը պետք է լուծել:

Panorama.am-ի թղթակցի փոխանցմամբ, Նուբարաշենում զորավարժություններին հետևում է նաև ՄԱԿ-ի փախստականների հարցերով գերագույն հանձնակատարի հայաստանյան գրասենյակի իրավաբանական բաժնի պատասխանատու Քեյթ Պոչապսկին:

Լրագրողները նրանից հետաքրքրվեցին, հաշվի առնելով այս օրերին ԵՄ երկրներում փախստականների նկատմամբ որդեգրած քաղաքականությունը, հնարավո՞ր է Սիրիայից ու Թուրքիայից ներգաղթյալների մեծ հոսք լինի Հայաստան:

ՄԱԿ ներկայացուցիչն ասաց. «Չենք կարծում, ԵՄ-ում ստեղծված իրավիճակի հետևանքով դեպի Հայաստան ներգաղթյալների հոսքն ավելանա, բայց այն, ինչ այսօր կա, խոսքը փոքր թվի մասին է՝ մոտ 3000, կշարունակվի: Մարդիկ գնում են այն երկրները, որոնք իրենց հարմարավետ են համարում»:

Պոչապսկին նկատեց, որ Հայաստան երգաղթյալների հոսքը կլինի ոչ միանգամից, շաբաթական մոտ 100 մարդ:

Նշենք, որ վերջին օրերին եվրոպական երկրներում խորանում է միգրանտների և փախստականների ճգնաժամը, ինչի հետևանքով բազմաթիվ մարդիկ , այդ թվում  երեխաներ են մահանում:

ԵՄ անդամ երկրներում փախստականների վիճակի վերաբերյալ կարդացեք՝
Շառլ Ազնավուրը կոչ է արել Եվրոպայում օգնել միգրանտներին
Քանի դեռ Եվրոպայում միգրանտների և փախստականների ճգնաժամը խորանում է, այս նկարները վերջինը չեն լինի»
Որպես կին ցավ և տառապանք ապրեցի. Սիրիացի փոքրիկի լուսանկարի հեղինակ
«The Guardian». «Սիրիացի խեղդված երեխայի նկարը ի ցույց է դնում միգրանտների սարսափելի վիճակը»