Օրը` կարճ լուրերով (85)
Կասիլյաս. «Մենք մի մեծ քայլ առաջ ենք կատարել, որպեսզի հավասարվենք «Բարսելոնին»

19:12 02/08/2012 » Սպորտ

Կասիլյաս. «Մենք մի մեծ քայլ առաջ ենք կատարել, որպեսզի հավասարվենք «Բարսելոնին»

Մադրիդի «Ռեալի» ավագ Իկեր Կասիլյասը իսպանական AS-ին տված հարցազրույցում խոսել է նոր մրցաշրջանի, Մոուրինյոյի, Մոդրիչի, «Բարսելոնի» և մի շարք այլ հարցերի շուրջ:

- Ի՞նչ խնդիր է դրված նոր մրցաշրջանում թիմի առջև:
- Խնդիրները ոչնչով չեն տարբերվում նախորդ տարիներից: Հուսով ենք, կկարողանանք մեկ քայլ առաջ կատարել: Մենք կրկին ուզում ենք հաղթել Իսպանիայի առաջնությունում, նվաճել Սուպերգավաթը, և, ի վերջո, հաջողոթյան հասնել Չեմպիոնների լիգայի հեղինակավոր մրցաշարում:

- Ի՞նչ ես մտածում Լուկա Մոդրիչի տեղափոխության մասին:
- Ես նրան լավ եմ ճանաչում: «Տոտենհեմում» նա կարողացավ հասունանալ և վերածվել բարձրակարգ ֆուտբոլիստի: Եթե գլխավոր մարզիչը կարծում է, որ նա պետք է մեզ, ապա վստահ եմ, որ դա ճիշտ որոշում է: Մենք չէ, որ պետք է քննարկենք այդ հարցը: Ակումբի ղեկավարությունը թող որոշի, ինչն է ճիշտ, ինչը սխալ և ինչը կարող է թիմին առավել զորեղ դարձնել:

- Շատերը կարծում են, որ աշխարհի լավագույն թիմը շարունակում է մնալ «Բարսելոնը», թեև նախորդ մրցաշրջանում Իսպանիայի չեմպիոն հռչակվեցիք հենց Դուք:
-Մարդիկ տարբեր ճաշակներ ունեն: Ամեն մեկն ունի իր կարծիքը, ես ևս չեմ կասկածում, թե ներկա պահին որն է աշխարհի լավագույն ակումբը: Մենք մի մեծ քայլ առաջ ենք կատարել, որպեսզի կարողանանք հավասարվել «Բարսելոնին», որը 3 հոյակապ մրցաշրջան էր անցկացրել: Նախորդ մրցաշրջանում մենք իսկապես դժվարին հաղթանակ տոնեցինք առաջնությունում, իսկ թե որ թիմն է առավել հզոր, դա արդեն, կրկնում եմ, կախված է մարդկանց ճաշակից:

- Ի՞նչ կասես Կակայի մասին:
-Մենք Կակային հասկացրել ենք, որ նա մեր թիմի մի մասնիկն է: Իհարկե, նա չի կարող իրեն լավ զգալ, քանի որ շատ քիչ ժամանակ է անցկացնում խաղադաշտում: Ներկա պահին նա մեր խաղընկերն է և շարունաում է մեզ հետ մարզվել: Նա այն ֆուտբոլիստներից մեկն է, ով կարող է օրինակ ծառայել մյուսներին:

- Շա՞տ բան է փոխվել այն պահից, երբ թիմը գլխավորեց Մոուրինյոն:
-Չեմ կարծում, որ Մոուրինյոն ինչ-որ բանով տարբերվում է մյուսներից, թեև այն մարդը, ում Դուք տեսնում եք հեռուստացույցով և ում հետ ծանոթ ենք մենք` լիովին տարբեր են: Նա հիանալի անձնավորություն է, ում հաջողվեց կարգուկանոն հաստատել թիմում: Մոուրինյոն մեզ հավատ ներշնչեց, հանեց այն վախը, որը գալիս էր հաղթանակների պակասից: Բացի այդ, նա ունի կոնկրետ նպատակներ և նախագծեր և աշխատում է դրանց իրականացման վրա: Նա այստեղ զգում է իրեն, ինչպես իր տանը:

- Թիմը զգո՞ւմ է կենտրոնական պաշտպանի կարիք:
-Դա ես չեմ որոշում: Ինձ թվում է, մեր թիմի պաշտպանությունը գտնվում է լավ ձեռքերում` ի դեմս Ալբիոլի, Պեպեի, Արբելոայի, Ռամոսի և Վարանի: Լասը ևս շատ դեպքերում կարող է օգնել պաշտպաններին: Ռամոսը հիանալի մրցաշրջան է անցկացրել: Ես ուրախ եմ նրա համար, քանի որ նախկինում շատերը համարում էին, որ նա այս դիրքում չի կարողանա հաստատվել:

-Դարպասապահն արժանի՞ է ստանալ «Ոսկե գնդակը»:
-Դա առանձնապես նշանակություն չունի, կարևորն այն է, որ թեկնածուների թվում կան նաև դարպասապահներ, իսկ դա նշանակում է, որ դու ամեն ինչ ճիշտ ես անում: Մարդիկ հասկանում են, որ դարպասապահները ևս թիմի մի մասնիկն են: Մի անգամ այդ մասին ինձ ասել են Վիկտոր Վալդեսն ու Պեպե Ռեյնան: Ինձ դուր չի գալիս այն միտքը, որ ֆուտբոլ խաղում են միայն ոտքերով: Սա թիմային մարզաձև է, յուրաքանչյուրը կատարում է իր դերը: Պարզապես մարդիկ միշտ հիշում են այնպիսի ֆուտբոլիստների, ինչպիսիք են Ռոնալդուն և Մեսսին:

-Հավաքականում ինչպե՞ս է լուծվում «Ռեալ»-«Բարսելոն» խնդիրը:
-Կարևոր չէ, թե ինչպես: Կարևորն այն է, որ ակումբային խնդիրները տղաները կարողանում են մի կողմ թողնել: Մենք ամեն ինչ անում ենք, որ դա հավաքականի վրա որևէ ազդեցություն չունենա: Եթե դա մեզ չհաջողվեր, ապա երկրպագուները կմեղադրեին Խավիին, Պույոլին և մյուսներին: Փառք Աստծո, նման բան տեղի չունեցավ, իսկ դրա վառ ապացույցը հաղթանակն էր Եվրոպայի առաջնությունում:

Աղբյուր` Panorama.am

Share |

Տպագրական տարբերակ

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

↓ Վերջին նորություններ

20:23 25/05/2013 » Մշակույթ

Նարեկ Հախնազարյանը հանդես է գալու բարեգործական մենահամերգով

Չայկոսվսկու անվան միջազգային մրցույթի առաջին մրցանակակիր թավջութակահար Նարեկ Հախնազարյանը մայիսի 27-ին Հայաստանի պետական ֆիլհարմոնիկ նվագախումբի հետ միասին հանդես կգա բարեգործական մենահամերգով: Երեկոյին մասնակցություն կունենա նաև Մոնրեալի երաժշտական մրցույթի ...

20:10 25/05/2013 » Հասարակություն

Cosa Nostra-ի դեմ պայքարած հոգևորականը երանելիների շարքին է դասվել

Սիցիլիացի հոգևորականը, որը սպանվել էր մաֆիայի դեմ պայքարի կոչ անելուց հետո, նահատակ է ճանաչվել և դասվել է երանելիների շարքը, հաղորդում է «Ասոշիեյթիդ պրեսսը»: Ջուզեպպե Պուգլիսին իր քարոզներում բազմիցս ասել է, որ Cosa Nostra-ն հավաքագրում է երիտասարդների՝ օգտվելով ...

19:57 25/05/2013 » Հասարակություն

Տոկիոյի մոտ գտնվող լաբորատորիայից ռադիացիայի արտահոսք է գրանցվել

Ճապոնիայի միջուկային լաբորատորիաներից մեկում ռադիացիայի արտահոսք է տեղի ունեցել, ինչի մասին հայտնի է դարձել ավելի քան մեկ օր անց: ճապոնիայի շխանությունները հատնել են, որ տեղի բնակիչների համար արտահոսքը վտանգ չի ներկայացնում: Սակայն լաբորատորիայի 55 աշխատակից, որոնք ...

19:27 25/05/2013 » Հասարակություն

Կանայք ավելի շատ են հոգեբանական խնդիրներ ունենում, քան տղամարդիկ

Համարվում է, որ կանայք, ի տարբերություն տղամարդկանց, ավելի շատ են կիսվում իրենց խնդիրներով: Բայց, ըստ ամենայնի, դա նրանց քիչ է օգնում: Կանանց հոգեկան առողջությունն ավելի խոցելի է, պնդում են Օքսֆորդի գիտնականները: Այդ իսկ պատճառով թույլ սեռը ավելի շատ է տառապում ...

19:15 25/05/2013 » Հասարակություն

Մեկ շաբաթում հակառակորդը հայ դիրքապահների ուղղությամբ արձակել է ավելի քան 1000 կրակոց

Մայիսի 19-25-ն ընկած ժամանակահատվածում ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 220 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակվել է ավելի ...

Շարունակել
Հարցազրույցներ
Մեկնաբանություններ
Վերլուծություններ
Օրվա թեմա
Անցուդարձ
Տեսանյութեր

18:21 25/05/2013

Երևանում Եվրոպայի օրվան նվիրված տեղեկատվական ցուցահանդես


14:00 25/05/2013

Հոգևորական. Բանակում տիրում է օրենքը

15:19
25/05/2013

Պապիկի պարը՝ վերջին զանգի տոնակատարության ժամանակ24.05.2013

Լուսանկարներ

Վերջին զանգ...

16

Օրացույց