Ռոնալդու. «Իմ ցանկությունն է, որ «Ռեալը» նվաճի հնարավոր բոլոր մրցանակները»
Մադրիդի «Ռեալի» հարձակվող Քրիշտիանու Ռոնալդուն երկրպագուներին խոստանում է, որ իր թիմակիցների հետ միասին ամեն ինչ կանի, որպեսզի հաջորդ մրցաշրջանում «Արքայական ակումբը» հնարավորինս շատ տիտղոսներ նվաճի: Այս մասին տեղեկացնում է «Marca»-ն:
«Իմ ցանկությունն է, որ «Ռեալը» նվաճի բոլոր այն մրցանակները, որոնց համար պայքարում է: Իմ ակումբը, մարզիչները, իմ հիանալի խաղընկերներն ու ես ամեն ինչ կանենք` մեր երկրպագուներին ուրախացնելու համար»,- նշել է Ռոնալդուն:
Հիշեցնենք որ նախորդ մրցաշրջանում մադրիդյան թիմը կարողացել է դառնալ Չեմպիոնների լիգայի հաղթող և Իսպանիայի գավաթակիր:
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ