ԿԱՐՃ ԼՈՒՐԵՐ

11:43 Հայաստան
2017 թ. խորհրդարանական ընտրությունների նախընտրական քարոզարշավի շրջանակում ՀՀԿ նախագահի առաջին տեղակալ, ՀՀ վարչապետ Կ. Կարապետյանը մարտի 24-ին հանդիպել է

Երևանի Դավիթաշեն և Աջափնյակ վարչական շրջանների բնակիչներին: ՀՀԿ նախագահի առաջին տեղակալի խոսքով, ՀՀ կառավարությունը  տնտեսության բոլոր ոլորտներում արդեն իսկ սկսել է ֆունդամենտալ բարեփոխումներ:
Աղբյուր՝ lovearmenia.am

11:28 Հայաստան
ՀՀ տարածքում բոլոր ավտոճանապարհներն անցանելի են:

ՌԴ ԱԻՆ Հարավային Օսեթիայի ՃԿԿ-ից ստացված տեղեկատվության համաձայն Ստեփանծմինդա-Լարս ավտոճանապարհը տեղի ունեցած ավտովթարի պատճառով մարդատար ավտոմեքենաների համար բաց է, իսկ կցորդիչով բեռնատարների համար՝ սահմանափակումներով:
Աղբյուր՝ ՀՀ ԱԻՆ

11:14 Աշխարհում
Մարտի 25- ին նշվում է «Երկրի ժամը»

Այն ամենամյա միջազգային ակցիա է, որը կազմակերպվել է Վայրի բնության համաշխարհային հիմնադրամի կողմից և ամեն տարի անցկացվում է մարտի վերջին շաբաթ օրը։ 

10:39 Հայաստան
Մարտի 27-ին 18:30-ին «Նարեկացի» արվեստի միությունը հրավիրում է Անդրանիկ Մանուկյանի հեռախոսային սիրողական լուսանկարների ցուցահանդեսին

Այն կրում է «Մի պատառ իմ Հայաստանից» խորագիրը: Միջոցառման ընթացքում Ա. Մանուկյանը կներկայացնի Հայաստանում ավտոստոպով երթևեկելու առավելություններն ու հետաքրքրությունները: Մուտքն ազատ է:

10:12 Հայաստան
ՀՀ մշակույթի նախարարության աջակցությամբ, Հայաստանի թատերական գործիչների միության նախաձեռնությամբ մարտի 27-ին 19:00-ին՝ Թատրոնի միջազգային օրը,

Գ. Սունդուկյանի անվան ազգային ակադեմիական թատրոնում կկայանա «Արտավազդ» մրցանակաբաշխությունը` նվիրված հայ անվանի դերասան Էդգար Էլբակյանի ծննդյան 90-ամյակին:
Աղբյուր՝ ՀՀ ՄՆ

18:41 Հայաստան
ՀՀ էներգետիկ ենթակառուցվածքների և բնական պաշարների նախարար Ա. Մանուկյանը և Եվրոպական ներդրումային բանկի պատվիրակությունը քննարկել են ՀՀ էներգետիկ ոլորտներում իրականացվող

ներդրումային ծրագրերում բանկի ներգրավվածության ընդլայնման հնարավորությունները։
Բանկը հետաքրքրված է ինչպես էներգախնայողության և վերականգնվող էներգետիկայի, այնպես էլ այլ ուղղություններով նախատեսվող ծրագրերով։ Վ. Հուդակին պատրաստակամություն է հայտնել համագործակցելու տարբեր մակարդակներում, այդ թվում՝ պետական-մասնավոր հատվածում։
Աղբյուր՝ ՀՀ էներգետիկ ենթակառուցվածքների և բնական պաշարների նախարարություն

18:39 Հայաստան
ՀՀ քննչական կոմիտեի Լոռու մարզային քննչական վարչությունում միջոցներ են ձեռնարկվում՝ Ալավերդիում տղամարդու մահվան պատճառները պարզելու ուղղությամբ:

2017թ. մարտի 23-ին 18:30-ին, ահազանգ է ստացվել առ այն, որ Ալավերդի-Հաղպատ ավտոճանապարհի 3-րդ կմ-ում՝ Դեբեդ գետում͵ հայտնաբերվել է տղամարդու դիակ: Պարզվել է վերջինիս ինքնությունը͵ ով Ալավերդի քաղաքի բնակիչ է՝ ծնված 1973 թվականին։ Տղամարդու մահվան պատճառները պարզելու համար նշանակվել է դատաբժշկական փորձաքննություն։
Աղբյուր՝ ՀՀ քննչական կոմիտե

18:38 Հայաստան
Ոստիկանության պետ Վ. Գասպարյանը զինտեխնիկայի և անձնակազմերի ստուգատես է անցկացրել ոստիկանության զորքերում:

Դիտարկվել ու գնահատվել է տեխնիկայի և սպառազինության վիճակը, հրահանգավորվել են անձնակազմերը: Այնուհետև զինտեխնիկայի ու ստորաբաժանումների մարտավարական և կրակային պատրաստականության աստիճանը ստուգվել է վարժանքի ընթացքում:
Աղբյուր՝ ՀՀ ոստիկանություն

 

17:57 Հայաստան
ՀՀ տրանսպորտի, կապի և տեղեկատվական տեխնոլոգիաների նախարար Վ. Մարտիրոսյանն ընդունել է ՌԴ կապի և զանգվածային հաղորդակցության նախարար Ն. Նիկիֆորովին
Ն Հայաստան է այցելել՝ մասնակցելու մարտի 24-25-ը Երևանում կայանալիք Տեղեկատվական և հեռահաղորդակցական տեխնոլոգիաների կիրառման և տեղեկատվայնացման հարցերով ԵԱՏՄ անդամ պետությունների ղեկավարման և պետական իշխանության մարմինների ղեկավարների խորհրդակցությանը: Խորհրդակցության շրջանակներում առաջին անգամ նախարարների մակարդակով կքննարկվեն տեղեկատվական-հեռահաղորդակցական տեխնոլոգիաների ոլորտին առնչվող արդիական խնդիրներ։
Աղբյուր՝ ՀՀ տրանսպորտի, կապի և տեղեկատվական տեխնոլոգիաների նախարարություն
17:41 Հայաստան
ՀՀ մշակույթի նախարարության աջակցությամբ մարտի 25-ին 19:00-ին, Ա. Սպենդիարյանի անվան օպերայի և բալետի ազգային ակադեմիական թատրոնում կկայանա «Ծիծեռնակ» ազգային երաժշտական մրցանակաբաշխությունը,

որում ներկայացված են հայաստանյան երաժշտական կյանքի դրսևորումները, 2016 թվականի ընթացքում նշանակալի ձեռքբերումներ արձանագրած անհատ-կատարողները, ստեղծագործողներն ու ստեղծագործական կոլեկտիվները:
Աղբյուր՝ ՀՀ ՄՆ

17:40 Աշխարհում
Gorillaz խումբը 4 նոր տեսահոլովակ է թողարկել

Հոլովակները YouTube- ում միլիոնավոր դիտումներ են հավաքել:

17:12 Աշխարհում
«Armenian Europe Music Awards» մրցանակաբաշխությունը կկայանա մարտի 26-ին Փարիզի «Զենիթ» համալիրում: Մրցանակաբաշխությանը ելույթ կունենան հայ արտիստներ:

Իր մասնակցությունը կունենա նաեւ «Եվրատեսիլ-2017»-ի հայաստանյան ներկայացուցիչ Արծվիկը:
Հանրային հեռուստաընկերությունը միջոցառման պաշտոնական հեռարձակողն է։
Աղբյուր՝ Առաջին ալիք 

17:03 Հայաստան
ՀՀ սպորտի և երիտասարդության հարցերի նախարարությունը՝ սպորտի մասսայականացման ծրագրի և «Ֆուտզալ բիզնես Լիգա» (ՖԲԶ) հասարակական կազմակերպության հետ կնքված հուշագրի շրջանակներում

կաջակցի ֆուտզալ բիզնես լիգա Ա մրցաշարի անցկացմանը: Ֆուտզալ բիզնես լիգա Ա մրցաշարը կմեկնարկի մարտի 25-ին, Հայաստանի «Դինամո» մարզական հասարակական կազմակերպության մարզադահլիճում: ՖԲԶ Ա մրցաշարին մասնակցելու են «Հրազդան», «Լեո 2», «Մարքիզ», «Ռոշեն», «Դավթաշեն», «Ջերմուկ», «Թալին», «ՀԷՑ», «Արարատ», «Անկետա» (Ռուսաստանի Դաշնություն), «Լիվերպուլ» և «Ջոկեր» թիմերը:
Աղբյուր՝ ՀՀ սպորտի և երիտասարդության հարցերի նախարարություն

17:00 Աշխարհում
ՀՀ տրանսպորտի, կապի և տեղեկատվական տեխնոլոգիաների նախարարը Սոֆիայում կայացած «Տրանսպորտային ոլորտի ներդրումային հնարավորություններ» խորագրով տարածաշրջանային համաժողովի շրջանակներում

երկկողմ հանդիպում է ունեցել Եվրոպական հանձնաժողովի տրանսպորտի հարցերով հանձնակատար Վ. Բուլչի հետ: Քննարկելով հետաքրքրություն ներկայացնող թեմաներ` առանձնահատուկ ուշադրություն է դարձվել  տրանսպորտային ոլորտի թվայնացման և ճանապարհային երթևեկության անվտանգության խնդիրներին, ինչին մեծ կարևորություն է տալիս նաև Եվրոպական միությունը:
Աղբյուր՝ mtcit.am

16:44 Հայաստան
ՀՀ ԿԱ քաղաքաշինության պետական կոմիտեում կայացել է քաղաքաշինական հանձնաժողովի հերթական նիստը, որը վարել է Կոմիտեի նախագահ Ն. Սարգսյանը:

Քննարկման ընթացքում ներկայացվել է Համաշխարհային բանկի «Տեղական տնտեսության և ենթակառուցվածքների զարգացման ծրագրի» (ՏՏԵԶԾ) շրջանակներում «Հայնախագիծ» ԲԲԸ-ի կողմից մշակված՝ Էջմիածին քաղաքը որպես համայն հայության հոգևոր և խոշոր զբոսաշրջային կենտրոն աշխարհին հավուր պատշաճի ներկայացնելու նպատակով ստեղծված աշխատանքային նախագիծը:
Աղբյուր՝ minurban.am

16:33 Աշխարհում
Սոֆիայում կայացած «Տրանսպորտային ոլորտի ներդրումային հնարավորություններ» խորագրով տարածաշրջանային համաժողովի շրջանակներում ՀՀ տրանսպորտի, կապի և տեղեկատվական տեխնոլոգիաների նախարար Վ. Մարտիրոսյանը

հանդիպում է ունեցել Բուլղարիայի տրանսպորտի, կապի և տեղեկատվական տեխնոլոգիաների նախարար Հ. Ալեքսիևի հետ: Կողմերը քննարկել են տրանսպորտի, կապի և տեղեկատվական տեխնոլոգիաների ոլորտների զարգացման հեռանկարներին առնչվող, ինչպես նաև երկկողմ հետաքրքրություն ներկայացնող մի շարք այլ հարցեր:
Աղբյուր՝ mtcit.am

16:20 Հայաստան
ՌԴ ԱԳ նախարար Սերգեյ Լավրովը հասարակական-քաղաքական գործիչ, քաղաքագետ Յուրի Նավոյանին պարգևատրել է ՌԴ արտաքին գործերի նախարարության «Փոխգործակցության համար» մեդալով

Նախարար Լավրովի անունից մարտի 24–ին ՌԴ ԱԳՆ-ում պարգևը հանձնել է նախարարի տեղակալ, գլխավոր քարտուղար Գրիգորի Կարասինը: Պարգևատրման արարողությունից հետո Գ. Կարասինը և Յ. Նավոյանը մտքեր են փոխանակել հայ-ռուսական հարաբերությունների և համագործակցության հետագա ծրագրերի շուրջ: Յուրի Նավոյանը ՀՀ առաջին քաղաքացին է, որ արժանանում է ՌԴ ԱԳՆ «Փոխգործակցության համար» մեդալին:
Մանուլի հաղորդագրություն

 

16:06 Հայաստան
20.03-24.03.2017թթ. ժամանակահատվածում կայացվել է 370.0հազ.դրամ ընդհանուր գումարի վարչական տուգանքի 6 որոշում

և հաշվարկվել 640.98հազ.դրամ ընդհանուր գումարի շրջակա միջավայրին հասցված վնաս:  Ընդհանուր առմամբ ՀՀ պետական բյուջե է մուտքագրվել 0.83 մլն.դրամ գումար:
Աղբյուր՝ ՀՀ բնապահպանության նախարարություն

15:53 Հայաստան
ՀՀ էներգետիկ ենթակառուցվածքների և բնական պաշարների նախարար Ա. Մանուկյանը և Իրանի ԱԳ նախարարի տեղակալ Է. Ռահիմփուրը քննարկել են հայ-իրանական և տարածաշրջանային համագործակցության հարցերի լայն շրջանակ՝

էներգետիկայի, զբոսաշրջության, ենթակառուցվածքների և այլ ոլորտներում։ Կողմերը քննարկել եննաև էներգետիկ ոլորտում ինչպես երկկողմ, այնպես էլ տարածաշրջանային համագործակցության հնարավորություններն ու հեռանկարները։ Անդրադարձ  է կատարվել Իրան-Հայաստան բարձրավոլտ երրորդ էլեկտրագծի կառուցման ընթացքին։ Նշվել է, որ աշխատանքներն ակտիվորեն իրականացվում են։
Աղբյուր՝ ՀՀ էներգետիկ ենթակառուցվածքների և բնական պաշարների նախարարություն

15:42 Հայաստան
ՀՀ ՔԿ Երևան քաղաքի քննչական վարչության Ավան և Նոր Նորք վարչական շրջանների քննչական բաժնում ՀՀ քրեական օրենսգրքի 316-րդ հովածի 1-ին մասով քննվող քրեական գործի քննության ընթացքում պարզվել է,

որ Ա.Մ.-ն և Դ.Ս.-ն  2017 թվականի մարտի 13-ին կյանքի և առողջության համար ոչ վտանգավոր բռնություն են գործադրել իշխանության ներկայացուցիչ հանդիսացող ՀՀ  ոստիկանության Նոր Նորքի բաժնի ՀՈ բաժանմունքի տեսուչ Ա.Ս-ի նկատմամբ՝ կապված վերջինիս կողմից իր ծառայողական պարտականությունները կատարելու հետ, իսկ Հ.Չ-ն կյանքի և առողջության համար բռնություն գործադրելու սպառնալիք է տվել իշխանության ներկայացուցիչ հանդիսացող՝ ՀՀ ոստիկանության ՀՈ  բաժանմունքի տեսուչ Ա.Ս-ին և նրա եղբորը՝ ՀՀ ոստիկանության ավագ տեսուչին: Քրեական գործը ՀՀ քրեական դատավարության օրենսգրքի 190-րդ հոդվածի 6-րդ մասի 2-րդ պարբերությամբ սահմանված կարգով հանձնվել է ՀՀ հատուկ քննչական ծառայության քննիչների վարույթին։
Աղբյուր՝ prosecutor.am

15:30 Հայաստան
Երևանի քաղաքապետարանում և վարչական շրջանների ղեկավարների աշխատակազմերում սահմանված ժամանակացույցով շարունակվում է քաղաքացիների ընդունելությունը

Բարձրացված հարցերի գերակշիռ մասին տրվել են  սպառիչ պատասխաններ և համապատասխան պարզաբանումներ: Քաղաքապետարանի լիազորություններից դուրս հարցերի առնչությամբ քաղաքացիներն ուղղորդվել են իրավասու կառույցներ:
Աղբյուր՝ Երևանի քաղաքապետարան

15:17 Աշխարհում
ՀՀ տրանսպորտի, կապի և տեղեկատվական տեխնոլոգիաների նախարարը մասնակցել է «Տրանսպորտային ոլորտի ներդրումային հնարավորություններ» համաժողովի և Արևելյան գործընկեր երկրների նախարարական նիստի աշխատանքներին

Նախարարը ներկայացրել է ՀՀ- ում իրականացվող տրանսպորտային ենթակառուցվածքային ծրագրերը, ինչպես նաև ֆինանսական աջակցության կարիք ունեցող նոր նախագծեր, դրանցում կարևորել պետություն - մասնավոր հատված համագործակցությունը:
Աղբյուր՝ mtcit.am

14:56 Հայաստան
Միջպետական և հանրապետական նշանակության ավտոճանապարհներին առանց տեղումների եղանակ է:

ՀՀ միջպետական և հանրապետական նշանակության բոլոր ավտոճանապարհները բաց են:
Աղբյուր՝ ՀՀ տրանսպորտի, կապի և տեղեկատվական տեխնոլոգիաների նախարարություն

13:53 Հայաստան
Պետական գույքի կառավարման վարչությունում շարունակվում է կառավարության գործունեության ծրագրից բխող՝ 2017թ-ին նախատեսված միջոցառումների և գերակա խնդիրների իրականացումը

Տարվա գերակա խնդիր է հայտարարվել պետական՝ չաշխատող ակտիվների վերագործարկումը խթանող մեխանիզմների ներդրումը: Պետական գույքի կառավարման գերակա խնդրի լուծումը կապահովի պետական բյուջեի մուտքերի ավելացումն անշարժ գույքի օտարումից: Կանխատեսվում է, որ 2017 թվականի 1-ին կիսամյակում մոտ 265 մլն դրամ կգոյանա միայն չօգտագործվող տարածքների օտարումից: ՀՀ պետական բյուջեի մուտքերը կավելանան նաև չօգտագործվող գույքը վարձակալության տրամադրելու, ներդրումային նոր ծրագրերի ներգրավման միջոցով:
Աղբյուր՝ spm.am

 

13:40 Աշխարհում
Մարտի 22-ին ԱՄՆ-ում ՀՀ դեսպան Գ. Հովհաննիսյանը Կոնգրեսում հանդիպումներ է ունեցել հանրապետական կոնգրեսականներ, Կոնգրեսի Հայկական հարցերով հանձնախմբի համանախագահներ

Դ. Վալադաոյի, Դ. Թրոթի, հանձնախմբի անդամ Դ. Լամբըրնի հետ: Զրուցակիցները մտքեր են փոխանակել հայ-ամերիկյան հարաբերությունների օրակարգային հարցերի վերաբերյալ, քննարկել տարածաշրջանային մի շարք խնդիրներ, այդ թվում, Մերձավոր Արևելքում քրիստոնյա փոքրամասնությունների պաշտպանության և Հայաստանի կողմից բազմաթիվ փախստականներ ընդունելու հարցերը:
Աղբյուր՝ mfa.am

13:25 Հայաստան
«Եթե բոլորը» ծրագրի շրջանակում հավաքագրվող հանգանակությունները շարունակում են ճակատագրեր փոխել

14-ամյա Աստղիկի մոտ ախտորոշվել էր օստեոսարկոմա (ոսկրային ուռուցքի տեսակ)։ Առաջին ալիքի «Եթե բոլորը»  ծրագրի շրջանակներում հեռուստադիտողների հանգանակությունների և այլ մարդկանց ու կազմակերպությունների աջակցության շնորհիվ հնարավոր է դարձել փրկել Աստղիկին: Նա ոչ միայն չկորցրեց ոտքը, այլև արդեն կարողանում է ազատ քայլել։
Աղբյուր՝ 1tv.am

 

13:18 Հայաստան
Մարտի 23-ին Սարոյանի անվան թիվ 138 դպրոցում մեկնարկել է «Ճանաչենք Սարոյանին» խորագրով դասախոսությունների շարքը՝ կազմակերպված «Ինտելեկտուալ Ռենեսանս» հիմնադրամի կողմից

Առաջին դասախոսությունը «Սարոյանի մուտքը հայ թատրոն» կարդացել է Երևանի թատրոնի և կինոյի պետական ինստիտուտի դասախոս Ա. Ասլիբեկյանը: «Սարոյանի մուտքը հայ թատրոն» վերնագրով դասախոսությունը առաջինն է դասախոսությունների շարքից, որnվ «Ինտելեկտուալ Ռենեսանս» հիմնադրամը «Սարոյան Հաուս» նախագծի շրջանակներում կազմակերպում է մարտից մայիսն ընկած ժամանակահատվածում Երևանի բուհերում և դպրոցներում:
Մամուլի հաղորդագրություն

12:51 Հայաստան
Ֆրանսիացի երաժիշտ Ժան Ժոֆրոն մարտի 25- ին Թումոյում դասախոսություն կվարի երաժշտության մեջ կատարողի մեկնաբանման կարևորության մասին

Նա կբացատրի, թե ինչպիսի փոփոխությունների կարող է երաժշտական գործը ենթարկվել կատարողի շնորհիվ, և կցուցադրի այդ ամենը՝ նվագելով Յոհան Սեբաստիան Բախի մի շարք ստեղծագործություններ մարիմբա գործիքով։ Սկիզբը՝ 17:00- ին:

12:27 Հայաստան
Boo creative-ը հրավիրում է մասնակցելու Shadows համերգին։

Դաշնակահար Ալեքսանդր Եղիազարյանը և ջութակահար Իվանե Եսայանը այլ հյուրերի հետ մեկտեղ կներկայացնեն հայտնի երգերի և դասական մի շարք գործերի քովեր տարբերակներ։ Համերգը կկայանա մարտի 25- ին 19:00- ին, Առնո Բաբաջանյան համերգասրահում:

12:14 Աշխարհում
1834 թվականի մարտի 24- ին ծնվել է անգլիացի նկարիչ և դիզայներ, բանաստեղծ Ուիլյամ Մորիսը

1877 թվականին նա հիմնադրել է Հնագույն շենքերի պահպանության ընկերություն, 1890-1891 թվականներին՝ Քելմսկոտյան հրատարակչությունը:

11:43 Աշխարհում
Մարտի 24- ին նշվում է թոքախտի դեմ պայքարի միջազգային օրը

1882 թվականին գերմանացի մանրէաբան Ռոբերտ Կոխը հայտնաբերել է տուբերկուլյոզի հարուցիչը: Դրանից 11 տարի անց` 1993 թվականից ի վեր, մարտի 24-ը ողջ աշխարհում նշվում է որպես տուբերկուլյոզի դեմ պայքարի օր:

11:28 Հայաստան
Euromag- ի հոդվածը Երևանի գինու օրերի մասին

Գարնանը Երևան կբերվեն հայկական գինու լավագույն օրինակները: 2 օրվա ընթացքում քաղաքի կենտրոնը կվերածվի համերգների, վարպետության դասերի և հայկական գինու համտեսումների մեծ հրապարակի:
Աղբյուր՝ Euromag

11:00 Աշխարհում
Ռուսաստանում կարող է բարձրացվել զինակոչի տարիքը

Նախաձեռնությունը Պետդումայի պատգամավորներին է եղել, մասնավորապես՝ պաշտպանության հանձնաժողովինը: Պատգամավորներն առաջարկում են զինակոչային տարիքը բարձրացնել մինչև 30- ը:

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}