ԿԱՐՃ ԼՈՒՐԵՐ

14:16 Հայաստան
Հայաստանի և Վրաստանի հանրապետությունների վարչապետերի նախնական հանդիպման և պայմանավորվածությունների շրջանակներում Հայաստան է այցելելու գործարար պատվիրակություն՝

էկոնոմիկայի և կայուն զարգացման նախարար Գ. Գախարիայի գլխավորությամբ: Հունիսի 29-ին ժամը 12-ին կկայանա Հայ-վրացական բիզնես ֆորում, որին մասնակցելու են երկու երկրների նախարարներ, առևտրաարդյունաբերական պալատների նախագահներ, պաշտոնատար այլ այրեր, գործարարներ: Լիագումար նիստին, կլոր սեղաններին ու բիթուբի հանդիպումներին քննարկվելու են շինարարությանը, առողջապահությանը, տուրիզմին, ազատ տնտեսական գոտիներին և այլ ոլորտներին վերաբերող հարցեր: ՀՀ և Վրաստանի առևտրաարդյունաբերական պալատների նախագահներ Մ. Սարգսյանը և Ն. Չիկովանին ստորագրելու են համագործակցության հուշագիր:  
Աղբյուր՝ ՀՀ առևտրաարդյունաբերական պալատի լրատվական ծառայություն

12:43 Հայաստան
ԵՊՀ գիտխորհրդի նիստերի դահլիճում տեղի է ունեցել հայագետ, թարգմանիչ Դորա Սաքայանի «Նրանց քշում են անապատները…» գրքի շնորհանդեսը

Գիրքը հեղինակի նույնանուն՝ 2016 թ.-ին Ցյուրիխի «Լիմաթ» հրատարակչության կողմից լույս տեսած գերմաներեն բնագրի հայերեն տարբերակն է, որին հեղինակը ավելացրել է վերջաբան:
Աղբյուր՝ ysu.am

12:14 Հայաստան
«Նարեկացի» արվեստի միությունում տեղի կունենա ջազային երեկո,

որի ընթացքում կհնչեն գործիքային և վոկալ կատարումներ: Սկիզբը՝ հունիսի 28- ին 19:00- ին: Մուտքն ազատ է:

12:00 Աշխարհում
1838 թվականի հունիսի 27- ին ծնվել է գերմանացի կոնստրուկտոր և գործարար Պաուլ Մաուզերը

1868 թվականին նա իր եղբոր և ամերիկացի Նարիսի հետ գրանցել են իրենց հայտնագործած բռնակոթի վրա տեղադրված զսպանակով հրացանը:

11:00 Հայաստան
Հունիսի 26-ին Նորք-Մարաշ բժշկական կենտրոնն, անվճար հիմունքներով, կազմակերպել էր նեղ մասնագիտական բուժզննում

ապրիլյան քառօրյա մարտական գործողությունների ընթացքում զոհված զինծառայողների հարազատների համար։ Բուժզննում անցածներին տրամադրվել են անժամկետ հավաստագրեր, որոնց միջոցով  հետագայում նույնպես, սրտանոթային համակարգի հետ կապված հնարավոր խնդիրների ի հայտ գալուն պես, նրանք կարող են անվճար բուժում ստանալ բժշկական կենտրոնում: Նույն օրն անցկացվել է ապրիլյան մարտական գործողությունների ընթացքում զոհված զինծառայողներին նվիրված հուշ-ցերեկույթ: ՀՀ պաշտպանության նախարար Վ. Սարգսյանը Նորք-Մարաշ բժշկական կենտրոնի տնօրեն Լ. Մուրադյանին պարգևատրել է «Գարեգին Նժդեհ» մեդալով։
Աղբյուր՝ ՀՀ ՊՆ

10:51 Աշխարհում
Հունիսի 22-ից 26-ը Գերմանիայում ՀՀ դեսպանության հրավերով և գերմանահայոց համայնքային կառույցների աջակցությամբ Գերմանիայի Քիլ, Քյոլն և Համբուրգ քաղաքներում

համերգային ծրագրով հանդես է եկել «Արցախի ձայներ» երգչախումբը` գեղարվեստական ղեկավար Լ. Քոչարյանի գլխավորությամբ: Ներկաներին ուղղած իր խոսքում դեսպան Սմբատյանը նշել է, որ այս համերգային ծրագիրը մեկ այլ կարևոր միջոց է հայկական հարուստ պատմական ժառանգությունը երաժշտության լեզվով ներկայացնելու, Արցախի շունչն ու ոգին լայն հասարակայնությանը փոխանցելու համար:
Մամուլի հաղորդագրություն

10:39 Հայաստան
Հունիսի 26-ին ՀՀ ԱԳ նախարար Է. Նալբանդյանը և Հունաստանի ԱԳ նախարարի տեղակալ Տերենս-Նիկոլաոս Քուիքը մտքեր են փոխանակել

առևտրատնտեսական կապերի զարգացման ուղղությամբ ձեռնարկվող քայլերի շուրջ։ Փոխնախարար Քուիքը տեղեկացրել է, որ, ի կատարումն երկու երկրների արտգործնախարարների պայմանավորվածության, աշխատանքներ են ընթանում հայ-հունական գործարար համաժողով կազմակերպելու ուղղությամբ։
Աղբյուր՝ ՀՀ ԱԳՆ

10:25 Հայաստան
ՀՀ բնապահպանության նախարար Ա. Մինասյանը ՀՀ- ում ԵՄ պատվիրակության ղեկավար, դեսպան Պ. Սվիտալսկու ղեկավարած պատվիրակությանը ներկայացրել է

ոլորտում գերատեսչության կողմից իրականացվող գործողությունների ռազմավարությունը և բարեփոխումների ընթացքը` տեղեկացնելով, որ վերոհիշյալ միջոցառումների շրջանակում կատարվող հիմնական քայլերից մեկն ուղղված է համակարգում կոռուպցիոն ռիսկերի նվազեցմանը: Այդ նպատակով ներկայում ձևավորվում է բնապահպանական թույլտվությունների միասնական էլեկտրոնային համակարգ` էականորեն թեթևացնելով տնտեսվարող սուբյեկտների և ֆիզիկական անձանց թույլտվությունների տրամադրման գործընթացը:
Աղբյուր՝  ՀՀ բնապահպանության նախարարություն

10:12 Հայաստան
Հունիսի 26-ին տեղի է ունեցել «Անապատի տխուր մեղեդին. պետուին հայերը Նուրհան Պալեանի լուսանկարներում» եռալեզու պատկերագրքի շնորհանդեսը

Սիրիահայ լուսանկարիչ Նուրհան Պալյանը 1936-1958թթ. ապրել է Սիրիայի Դեր-Զոր քաղաքում, որտեղ էլ լուսանկարել է Ցեղասպանությունից փրկված և անապատի բեդվինների միջավայրում ապրած հայերին:
Աղբյուր՝ ՀՀ սփյուռքի նախարարություն

20:00 Աշխարհում
Իսպանիայի դատարանը որոշել է գերեզմանից հանել Սալվադոր Դալիի մարմինը

Դա անհրաժեշտ է, որպեսզի հաստատվի՝ արդյոք համաշխարհային նկարիչը համարվում է Ժիրոնի «պայծառատես» Մարի Պիլար Աբել Մարտինեսի հայրը:

19:31 Աշխարհում
Բրիտանական արքայական գվարդիան առաջին անգամ կին է գլխավորել

Կապիտանի պաշտոնը ստացել է 24- ամյա Մեգան Կոյոտոն:
Աղբյուր՝ Independent

18:21 Հայաստան
ՀՀ ԱԺ փոխնախագահ Է. Շարմազանովը ներկա է գտնվել «Նորք-Մարաշ» բժշկական կենտրոնում կազմակերպված հիշատակի ցերեկույթին

Միջոցառմանը մասնակցել են ՀՀ պաշտպանության նախարար Վ. Սարգսյանը, ՀՀ ԱԺ պատգամավորներ, ՀՀ պաշտպանության նախարարության և Երևանի քաղաքապետարանի ներկայացուցիչներ, ապրիլյան քառօրյա պատերազմում զոհված հայորդիների ծնողներ, բժիշկներ:
Ծրագրում առայժմ ընդգրկված են 25 ընտանիքներ՝ Երևանից և Գյումրիից, սակայն, ինչպես նշել է «Նորք-Մարաշ» բժշկական կենտրոնի տնօրեն Լ. Մուրադյանը, ծրագիրը շարունակական դարձնելու նպատակ կա:
Աղբյուր՝ ՀՀ ԱԺ

18:18 Հայաստան
ՀՀ տարածքային կառավարման և զարգացման նախարարի առաջին տեղակալ Վ. Տերտերյանը ներկա է գտնվել Սյունիքի մարզի Գորայքի համայնքապետարանում Քաղաքացիների սպասարկման գրասենյակի

(ՔՍԳ) պաշտոնական բացման արարողությանը: Բացման արարողությանը մասնակցել են նաև  Արևելյան Եվրոպայի և Եվրասիայի հետ համագործակցության բաժնի ղեկավար Է. ֆոն Կեպլերը, Հարավային Կովկասում Շվեյցարիայի համագործակցության գրասենյակի տնօրեն Օ. Բուրկին, ԳՄՀԸ հայաստանյան գրասենյակի տնօրեն Ա. Քեմփան և այլք: Վ. Տերտերյանն իր ելույթում կարևորել է Քաղաքացիների սպասարկման գրասենյակի բացումը Գորայքում, նշել, որ այն թույլ կտա «մեկ պատուհան, մեկ կանգառ» սկզբունքի համաձայն քաղաքացիներին մատուցել բարձրորակ ծառայություններ:
Աղբյուր՝ ՀՀ տարածքային կառավարման և զարգացման նախարարություն

18:06 Հայաստան
ՀՀ ԳԱԱ-ն և Ռուսաստանի Ընդհանուր ֆիզիկայի ինստիտուտը հստակեցնում են տիեզերքի ուսումնասիրության նոր համատեղ ծրագրեր

ՀՀ ԳԱԱ նախագահ ակադեմիկոս Ռ. Մարտիրոսյանը հունիսին Մոսկվա կատարած այցի շրջանակներում հանդիպել է Ռուսաստանի Ընդհանուր ֆիզիկայի ինստիտուտի տնօրեն Ռուսաստանի գիտությունների ակադեմիայի ակադեմիկոս Ի. Շերբակովի հետ: Ռ. Մարտիրոսյանն այցելել է իր ուսուցչի` Նոբելյան մրցանակի դափնեկիր, քվանտային էլեկտրոնիկայի հիմնադիրներից Ալեքսանդր Պրոխորովի հուշարձան:
Աղբյուր՝ ՀՀ ԳԱԱ

18:01 Հայաստան
ՀՀ աշխատանքի և սոցիալական հարցերի նախարար Ա. Ասատրյանը և Աշխատանքի միջազգային կազմակերպության Արևելյան Եվրոպայի և Կենտրոնական Ասիայի Մոսկվայի գրասենյակի տնօրեն տիկին Օ. Կուլաևան քննարկել են

«Արժանապատիվ աշխատանք» ծրագրի մշակման և իրականացման աշխատանքները:  Ծրագրի շրջանակներում նախատեսվում է կատարելագործել ՀՀ- ում զբաղվածության կարգավորմանն ուղղված պետական քաղաքականությունը, աշխատանքային հարաբերությունների կարգավորման մեխանիզմները, հզորացնել Գործատուների միության և Արհմիությունների կարողությունները:
Աղբյուր՝ ՀՀ աշխատանքի և սոցիալական հարցերի նախարարություն

17:58 Հայաստան
«Ես տիեզերքի մի մասնիկն եմ» խորագիրը կրող կրթական ծրագրին հունիսի 25-ին «Մեծամոր» պատմահնագիտական արգելոց-թանգարանում ներկա են եղել բազմաթիվ այցելուներ

ու աստղագիտությամբ հետաքրքրվողներ: «Մեծամոր» պատմահնագիտական արգելոց-թանգարանի ու «Գուդրայք Ջոն» աստղասերների հասարակակական կազմակերպության նախաձեռնած  միջոցառման նպատակը կրթական ծրագրերի միջոցով այցելուների հետաքրքիր ժամանցն ապահովելն է, հնաստղագիտության ու դիտարկվող մարմինների մասին հետաքրքիր  տեղեկություններ փոխանցելը:
Աղբյուր՝ «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի լրատվության բաժին

17:55 Հայաստան
Հունիսի 24-ին Վանաձորի տեխնոլոգիական կենտրոնում (ՎՏԿ) կայացել է Հայաստանում առաջին անգամ կազմակերպվող Ինժեներական համաժողով-ցուցահանդեսը՝

Ձեռնարկությունների ինկուբատոր հիմնադրամի, ՀՀ կառավարության, Լոռու մարզպետարանի, «Աջակցություն ՓՄՁ զարգացմանը Հայաստանում» ծրագրի, ՏՀՏ գործատուների միության, Յունիքոմփ ընկերության և Նորարարական լուծումների և տեխնոլոգիաների կենտրոնի նախաձեռնությամբ: Միջոցառման նպատակն է եղել քննարկել ոլորտի գլոբալ զարգացումները, ինժեներական կրթության և գործարար միջավայրի մարտահրավերները, ինչպես նաև խրախուսել փորձի և գաղափարների փոխանակումը կազմակերպությունների և ոլորտի հիմնական դերակատարների հետ համատեղ:
Աղբյուր՝ Ձեռնարկությունների ինկուբատոր հիմնադրամ

17:40 Աշխարհում
ՀՀ ԱԺ փոխնախագահ Է. Շարմազանովը և աշխատանքային այցով ՀՀ ժամանած Հունաստանի ԱԳ նախարարի տեղակալ Թ. Ն. Քուիքն անդրադարձել են տարածաշրջանային խնդիրներին,

Հայոց ցեղասպանության ճանաչման և դատապարտման հարցին, Արցախի, ինչպես նաև Կիպրոսի հիմնախնդիրների կարգավորման հարցերին: ԱԺ փոխնախագահը նշել է, որ Հայաստանը և Արցախն արցախյան հիմնախնդրի կարգավորումն ակնկալում են բացառապես խաղաղ ճանապարհով՝ ԵԱՀԿ Մինսկի խմբի շրջանակում: 
Աղբյուր՝ ՀՀ ԱԺ

15:30 Հայաստան
ՀՀ ԱԻ նախարար Դ. Տոնոյանը, ՀՀ- ում Չինաստանի դեսպան Թ. Էրլունի և Չինաստանի սեյսմիկ վարչակազմի փոխտնօրեն Ջ. Հեպինի գլխավորած պատվիրակությյունը քննարկել են երկու պետությունների միջև

սեյսմիկ պաշտպանության ոլորտում հմագործակցությունը: Պայմանավորվածություն է ձեռքբերվել նախկինում ստորագրված Փոխըմբռնման հուշագրի շրջանակում կազմել սեյսմիկ ոլորտում համագործակցության ընդհանուր ծրագիր, որը ներառելու է երկրաշարժերի կանխատեսման և սեյսմիկ մոնիթորինգի կազմակերպման ոլորտներում չինական փորձի ուսումնասիրություն, Սեյսմիկ պաշտպանության ծառայության Ազգային դիտացանցի արդիականացում և տեխնիկական օժանդակություն, շենքերի և շինությունների սեյսմիկ խոցելիության գնահատման փորձի փոխանակում, մասնագետների վերապատրաստում:
Աղբյուր՝ ՀՀ ԱԻՆ

15:19 Հայաստան
Հաագայում տեղի ունեցած ՄԱԿ-ի պետական ծառայության ֆորումի շրջանակում ՀՀ առողջապահության նախարարի տեղակալ Ս. Մարգարյանը մասնակցել է

«Ինչպե՞ս խթանել նորարարությունները պետական ծառայության ոլորտում» խորագով նախարարական զրույցին: Ֆորումի մասնակիցները հնարավորություն են ունեցել առցանց հարցեր ուղղելու նախարարական զրույցի մասնակիցներին: Ֆորումի ավարտին կայացել է ՄԱԿ-ի տնտեսական և սոցիալական հարցերով դեպարտամենտի կողմից ամեն տարի հայտարարվող ՄԱԿ-ի պետական ծառայության մրցույթի հաղթողների պարգևատրման արարողություն։ ՀՀ ԱՆ ՁԻԱՀ-ի կանխարգելման հանրապետական կենտրոնը հաղթող է ճանաչվել «Առողջապահական ծառայությունների տրամադրման գործում նորարարություն և գերազանց որակ» անվանակարգում: Մրցանակաբաշխության տեսագրությունն՝ այստեղ:

15:05 Հայաստան
Թումանյանի այգու «Թումո» ստեղծարար տեխնոլոգիաների կենտրոնի հարակից հատվածում տեղի է ունեցել ընտանեկան մարզամշակութային YereFUN խորագիրը կրող առաջին փառատոնը

Այն իրականացվել է Երևանի քաղաքապետարան-մասնավոր հատված համագործակցությամբ:
Փառատոնի մասնակիցներն իրենց ուժերն են չափել տարբեր քվեստներում, մարզական, ջրային խաղերում, էստաֆետներում և այլ մրցաձևերում: Փառատոնի լավագույն մասնակիցները ստացել են նվեր-մրցանակներ:
Աղբյուր՝ Երևանի քաղաքապետարան

14:42 Աշխարհում
Չինաստանում Նոբելյան մրցանակակրին բանտից ազատազրկել են անբուժելի հիվանդության պատճառով

Նա 2010 թվականին 11 տարվա ազատազրկման էր դատապարտվել պետական համակարգը քայքայել հրահրելու պատճառով:

13:53 Հայաստան
Վրաստանում ՀՀ ԳՆ սննդամթերքի անվտանգության պետական ծառայության պետի խորհրդական Ե. Մարգարյանը գործընկեր կառույցի՝ Սննդամթերքի ազգային գործակալության պետ Զ. Չեկուրաշվիլու հետ քննարկել է

բուսասանիտարական հսկողության բեռների տեղափոխման կազմակերպումը «Վերին Լարս» անցակետով: Անդրադարձ է կատարվել նաև արտահանման ընթացակարգերը հնարավորինս պարզեցնելու և վարչարարությունը նվազեցնելու հարցին, և, այս համատեքստում, կարևորվել է «Մեկ կանգառ, մեկ պատուհան» համակարգի աշխատանքը: 
Աղբյուր՝ snund.am

13:25 ԼՂՀ
2017 թվականի առաջին եռամսյակում Արցախի Հանրապետության առողջապահության նախարարության Հանրապետական բժշկական կենտրոնի Անգիոգրաֆիայի բաժանմունք է դիմել 122 հիվանդ.

94 հիվանդ ենթարկվել է կորոնար անոթների անգիոգրաֆիայի, 36 հիվանդի տեղադրվել է 42 ստենտ: Հունվար, փետրվար, մարտ ամիսներին սրտի անհետաձգելի վիրահատության Stent for life ծրագրով 26 հիվանդի կատարվել է կորոնար անոթների անգիոպլաստիկա: Ստենտավորման ծառայության ստեղծումից ի վեր հանրապետությունում 353 սրտամականի սուր ինֆարակտ է գրանցվել, որոնցից 190-ն անմիջապես ստենտավորվել է անգիոգրաֆիկ սարքի միջոցով:
Աղբյուր՝ moh.nkr.am
   
   

13:12 Հայաստան
Հունիսի 19-ից 23-ը Հարկադիր կատարման ծառայության կողմից ֆիզիկական և իրավաբանական անձանցից ստացվել է 2038 դիմում և գրություն,

իսկ թեժ գիծ ծառայության կողմից ստացվել և ընթացք է տրվել թվով 433 հեռախոսազանգի: Նույն ժամանակահատվածում ընթացք է տրվել ՀՀ գլխավոր հարկադիր կատարողին հասցեագրված թվով 19 բողոքի: Հունիսի 19-ից 23-ը Ծառայության վարչական շենքում տեղակայված արագ սպասարկման գրասենյակ է այցելել և սպասարկվել 1675 քաղաքացի:
Աղբյուր՝ Հարկադիր կատարման ծառայություն

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}