Այսօր գիշեր Մոսկվայի արևմտյան հատվածում տեղակայված սրճարանի հրդեհի պատճառով երեք մարդ է տուժել: Այս մասին «ՌԻԱ Նովոստի» գործակալությանը հայտնել են իրավապահ մարմիններից:
Աղբյուրի փոխանցմամբ, հրդեհը տեղի է ունեցել առավոտյան ժամը 4:30-ին` «Արևելյան Հեքիաթ» սրճարանում:
«Հրդեհի տարածքը կազմել է 20 խորանարդ մետր, Հրշեջները կարողացել են արագ հանգցնել կրակն ու փրկել երեք մարդու, ովքեր այրվածքներով ու ծխից թունավորված տեղափոխվել են հիվանդանոց: Տուժածների անձը դեռևս հաստատված չէ»,-ասել է գործակալության աղբյուրը:
Նշենք, որ ներկայումս պարզվում են հրդեհի բռնկման պատճառները: