Լրահոս

ԿԱՐՃ ԼՈՒՐԵՐ

15:44 Աշխարհում
Ապրիլի 24-ին Սոչիի Լազարևսկի շրջանի հայաբնակ Ալտմեց (Նոր Լույս) գյուղում Հայոց ցեղասպանության զոհերին նվիրված կամար-հուշակոթողի մոտ տեղի է ունեցել պատարագ,

որին հաջորդել է ծաղկեպսակների զետեղման արարողությունը: Միջոցառմանը ներկա են եղել հայ համայնքի բազմաթիվ ներկայացուցիչներ, պետական պաշտոնյաներ: Ելույթով հանդես են եկել «Ռուսաստանի հայերի միության» Սոչի քաղաքի նախագահ Հ. Ուստյանը, Սոչիում ՀՀ հյուպատոս Տ. Սարգսյանը և Սոչիի եզդի համայնքի ներկայացուցիչներ:
Աղբյուր՝ mfa.am

15:30 Հայաստան
The Guardian. Հայ պատգամավորները կոչ են անում այրել տրանսգենդերին նրա ելույթից հետո

Տրանսգենդեր կնոջ ելույթը տեղի էր ունեցել 2 շաբաթ առաջ:
Աղբյուր՝ The Guardian

15:17 Հայաստան
2019 թվականի ապրիլ ամսից «Հայոց ցեղասպանության թանգարան-ինստիտուտ» հիմնադրամը հրավիրում է հանրակրթական միջին և ավագ դպրոցների աշակերտներին մասնակցելու

ՀՑԹԻ կողմից կազմակերպված «Հայոց ցեղասպանության թեմայի ուսուցում» կրթական ծրագրին: Հաշվի առնելով թեմայի ներկայացման բարդությունը և բազմազանությունը՝ Կրթական ծրագրերի բաժինը և նրա ղեկավար Քրիստինե Նաջարյանը, մշակել են հատուկ մեթոդաբանությամբ և ստեղծարար մոտեցումներով դասընթաց: Խմբի անդամների քանակը սահմանափակ է՝ 20-25 աշակերտ: Մասնակցելու համար պետք է նախապես գրանցվել՝ ուղարկելով դպրոցի անունը, դասարանը, հեռախոսահամարը [email protected] էլեկտրոնային հետևյալ հասցեին:
Մամուլի հաղորդագրություն

 

15:05 Հայաստան
«Լուսավոր Հայաստան» կուսակցության կառավարման խորհրդի որոշմամբ Արեն Պետունցը նշանակվել է կուսակցության մամուլի խոսնակ

 

Արեն Պետունցը 2018թ․ սեպտեմբերի 1-ից մինչ օրս ԵՊՀ արևելագիտության ֆակուլտետի Թյուրքագիտության ամբիոնի դասախոս է: 2019թ. հունվարի 23-ից մինչ օրս ՀՀ ազգային ժողովի պատգամավորի օգնական:
«Լուսավոր Հայաստան» կուսակցություն

 

14:42 Հայաստան
ՀՀ արդարադատության նախարար Ա. Զեյնալյանը մասնակցել է «Լրատվական ոլորտի առաջնահերթությունները Հայաստանում ժողովրդավարական ինստիտուտների զարգացման ճանապարհին» համաժողովին

Երևանի մամուլի ակումբի կազմակերպած միջոցառմանը մասնակցել են նաև ՀՀ մարդու իրավունքների պաշտպան Ա. Թաթոյանը, ՀՀ ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ Ն. Զոհրաբյանը, ԱՄՆ ՄԶԳ հայաստանյան առաքելության տնօրեն Դ. Գրիզերը, Երևանի մամուլի ակումբի նախագահ Բ. Նավասարդյանը, ԱԺ պատգամավորներ և այլք:
Աղբյուր՝ ՀՀ ԱՆ

14:30 Հայաստան
Երևանի պետական համալսարանի կենտրոնական մասնաշենքում տեղի է ունենում «Սոցիալական ձեռնարկատիրության զարգացումը» խորագրով համապետական համաժողով,

որն ուղեկցվում է սոցիալական ձեռնարկությունների ցուցահանդես-վաճառքով: Սոցիալական ձեռնարկատիրությունը ձեռնարկատիրական գործունեություն է, որի բիզնես մոդելի հիմքում դրված են սոցիալական խնդիրների լուծումն ու սոցիալական արժեքների ստեղծումը, որի շահույթի մեծ մասը ծառայում է սոցիալական բարեփոխումների իրականացմանը, սոցիալական խնդիրների լուծմանը: Միջոցառումը հնարավորություն է տալիս ոլորտի դերակատարներին քննարկելու սոցիալական ձեռնարկատիրության էկոհամակարգին առնչվող կարևորագույն խնդիրներն ու դրանց հնարավոր լուծումները։
Մամուլի հաղորդագրություն


 

14:04 Հայաստան
Վերջին օրերի տեղումնառատ եղանակի պատճառով միջպետական և հանրապետական նշանակության ավտոճանապարհների ընդհատված փոսային նորոգման աշխատանքները եղանակի վերսկսվել են

Ասֆալտբետոնի խառնուրդի անհրաժեշտ խտացումն ու կպչողականությունն ապահովող ջերմաստիճանի պայմաններում փոսային նորոգումներ են իրականացվում Արարատի, Ապարանի, Դիլիջանի, Էջմիածնի, Մարտունու, Սևանի, Եղեգնաձորի, Վայքի տարածաշրջանների ավտոճանապարհներին։ Միջպետական և հանրապետական նշանակության ավտոճանապարհների փոսային նորոգման աշխատանքները նախատեսվում է ավարտել մայիսի 15-20-ն ընկած ժամանակահատվածում։
ՀՀ տրանսպորտի, կապի և տեղեկատվական տեխնոլոգիաների նախարարություն

13:40 Հայաստան
ՀՀ Քննչական կոմիտեի նախագահ Հ. Գրիգորյանն ընդունել է ՔԿ ՀԿԳ քննության գլխավոր վարչությունում քննվող քրեական գործի շրջանակներում մեղադրյալի կարգավիճակ ունեցող քաղաքացու հարազատներին

Քննչական կոմիտեի նախագահը լսել է քաղաքացիների մտահոգություններն ու նկատառումները՝ ինչպես դեպքի, այնպես էլ՝ քրեական գործով քննության ընթացքի վերաբերյալ: ՔԿ նախագահ Հ. Գրիգորյանը հավաստիացրել է, որ վարույթն իրականացնող մարմինը, իր լիազորությունների շրջանակներում, իրականացնում է անհրաժեշտ բոլոր քայլերը՝ բազմակողմանի, օբյեկտիվ և լրիվ քննությունն ապահովելու, ենթադրյալ հանցագործություն կատարած անձանց շրջանակը հստակեցնելու և նրանց գործողություններին համարժեք քրեաիրավական գնահատական տալու ուղղությամբ։
ՀՀ քննչական կոմիտե

13:25 Հայաստան
ՀՀ ԱԳՆ-ում կայացել է ՀՀ-ԵՄ Համապարփակ և ընդլայնված գործընկերության համաձայնագրի (ՀԸԳՀ) կիրարկման ճանապարհային քարտեզի նախագծի՝

հարկմանը, շրջակա միջավայրին, կլիմայի փոփոխությանն առնչվող գործողություններին և գյուղական համայնքների զարգացմանը, սպառողների պաշտպանությանն առնչվող հարցերի շուրջ կառավարություն-քաղաքացիական հասարակություն քննարկումը։ ԱԳՆ լրատվության և հանրային դիվանագիտության վարչությունից հայտնում են, որ քննարկմանը մասնակցել են ՀՀ արտաքին գործերի նախարարի տեղակալ Ա. Ադոնցը, բնապահպանության նախարարի առաջին տեղակալ Ի. Ղափլանյանը, ֆինանսների նախարարի տեղակալ Ա. Պողոսյանը և այլք:
Մամուլի հաղորդագրություն

13:00 Հայաստան
ՀՀ ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովը Մ. Հայրապետյանի նախագահությամբ մայրաքաղաքի մշակութային օջախների ղեկավարների հետ

աշխատանքային քննարկում է կազմակերպել գնումների ոլորտին առնչվող հարցերի շուրջ: Հանձնաժողովի նախագահը նշել է, որ հիմնական նպատակն է վեր հանել ոլորտում առկա խնդիրները և փորձել կառավարության հետ համատեղ դրանց տալ օրենսդրական լուծումներ: Երևանի տիկնիկային թատրոնի տնօրեն Ռ. Բաբայանի հավաստմամբ՝ գործող «Գնումների մասին» օրենքը ոչ թե կարգավորում է բնագավառը, այլ միայն ստեղծում է խոչընդոտներ, հաշվի չի առնում ոլորտի առանձնահատկությունները: Բանախոսը խնդիրներից առանձնացրել է մրցույթ կազմակերպելու գործընթացը, ինչը, ըստ նրա, չի ապահովում որակյալ ապրանքի ձեռքբերում:
Մամուլի հաղորդագրություն

12:14 Աշխարհում
Ապրիլի 24-ին, Հայոց ցեղասպանության 104-րդ տարելիցի կապակցությամբ, Բաթումի Սուրբ Փրկիչ Հայ առաքելական եկեղեցում կատարվել է բարեխոսության կարգ՝

ՀԱԵ վիրահայոց թեմի՝ տարածաշրջանի հոգևոր հովիվ Տեր Արարատ քահանա Գումբալյանի մատուցմամբ: Այնուհետև, եկեղեցու բակում գտնվող Հայոց Մեծ Եղեռնի զոհերի հիշատակին նվիրված խաչքարի մոտ, կայացել են ծաղիկների խոնարհման և մոմավառության արարողություններ՝ Բաթումում ՀՀ գլխավոր հյուպատոսության, ՀԱԵ վիրահայոց թեմի հովվության, համայնքային կառույցների, հայ համայնքի ներկայացուցիչների և հյուրերի մասնակցությամբ: Կազմակերպվել է բացօթյա ցուցահանդես, որում ներկայացվել են դեպքերին ականատես գերմանացի հումանիստ Արմին Թ. Վեգների՝ Մեծ Եղեռնի դրվագները պատկերող լուսանկարները:
Աղբյուր՝ mfa.am

12:00 Աշխարհում
Լոս Անջելեսի մարզի կառավարիչ Ջենիս Հանի գլխավորությամբ Լոս Անջելեսի կառավարիչների խորհուրդն ընդունել է Հայոց ցեղասպանությունը ոգեկոչող հռչակագիր,

որում խորհրդի անդամները դատապարտում են 1915-23թթ. Օսմանյան կայսրության կողմից 1,5 մլն հայերի ցեղասպանությունը: Փաստաթղթի համաձայն, ապրիլի 24-ը հռչակվել է Հայոց ցեղասպանության հիշատակի օր: Ավելի վաղ, Լոս Անջելեսի մարզի կառավարիչների խորհուրդը, Հայոց ցեղասպանության փաստից ելնելով, ապրիլ ամիսը հռչակել էր Պատմության ամիս: Փաստաթուղթը ստորագրել են Լոս Անջելեսի մարզի կառավարիչների խորհրդի բոլոր հինգ անդամները:
Աղբյուր՝ ՀՀ ԱԳՆ

11:43 Հայաստան
ՀՀ ԿԵ սննդամթերքի անվտանգության տեսչական մարմինը Հայաստանի ազգային ագրարային համալսարանի հետ համատեղ, կազմակերպել են

«Գիտության և գիտական հաստատությունների դերն անասնաբուժության ոլորտի զարգացման գործում» խորագրով գիտաժողով՝ նվիրված Անասնաբույժի միջազգային օրվան: Գիտաժողովին մասնակցել են ՍԱՏՄ պետ Գ. Ավետիսյանը, ՀԱԱՀ ռեկտոր Վ. Ուռուտյանը, ներկայացուցիչներ ՀՀ գիտությունների ազգային ակադեմիայից, դասախոսներ, անասնաբույժներ, ինչպես նաև ուսանողներ: Ագրարային համալսարանի ռեկտոր Վ. Ուռուտյանը տեղեկացրել է, որ առաջիկայում կառուցվելու է ժամանակակից տեխնոլոգիաներով հագեցած անասնաֆերմա, որն անասնաբույժ ուսանողների համար լսարանից դուրս սովորելու և աշխատելու սիրելի վայր լինելուց զատ հնարավորություն կտա լավ մասնագետ դառնալու:
Աղբյուր՝ snund.am

11:28 Աշխարհում
Ապրիլի 23-ին Սոդերթելյեի Սբ․ Մարիամ Աստվածածին եկեղեցում Տեր Վաղարշ քահանա Իսախանյանի օրհնությամբ կատարվել է բարեխոսական կարգ՝ ի հիշատակ Հայոց ցեղասպանության սուրբ նահատակների

Միջոցառման մասնակիցները ծաղիկներ են զետեղել եկեղեցու բակում տեղադրված Սրբոց Նահատակաց խաչքարի առջև, որից հետո ներկա են գտնվել Շվեդիայի ՀՅԴ երիտասարդական միության կազմակերպած հուշ երեկոյին, որի ընթացքում ելույթ է ունեցել Շվեդիայում Հայաստանի դեսպան Ալեքսանդր Արզումանյանը։
Աղբյուր՝ ՀՀ ԱԳՆ

11:14 Աշխարհում
Ապրիլի 24-ին Հռոմի Սուրբ Նիկողայոս եկեղեցում տեղի է ունեցել Հայոց ցեղասպանության զոհերի հիշատակին նվիրված Սուրբ պատարագ և հոգեհանգստի կարգ

Իր ելույթում դեսպան Վիկտորյա Բաղդասարյանը նշել է, որ ավելի քան մեկ դար է անցել այն օրերից, երբ փորձ է արվել հայերին զրկել ոչ միայն ներկայից ու ապագայից, այլև անցյալից։ Սակայն մոխիրներից վերածնված հայ ժողովուրդը, ծիլեր տալով աշխարհի տարբեր անկյուններում, շարունակում է այսօր էլ ապրել ու արարել, պահպանել իր հավատը, լեզուն ու մշակույթը։՚
Աղբյուր՝ ՀՀ ԱԳՆ

11:00 Աշխարհում
Ապրիլի 24-ին Նիդերլանդների տարբեր բնակավայրերում տեղի են ունեցել Հայոց ցեղասպանության 104-րդ տարելիցին նվիրված ոգեկոչման արարողություններ,

որոնց ներկա են եղել և ելույթներով հանդես եկել ՀՀ դեսպան Տ. Բալայանը, Նիդերլանդների օրենսդիր մարմնում ներկայացված տարբեր քաղաքական ուժեր ներկայացնող պատգամավորներ Ս. Քարաբուլութը, Ջ. Վորդևինդը  և այլք։ Ասենում կայացած հիշատակի արարողությանը հայ, թուրք և քուրդ երիտասարդները համատեղ ծաղկեպսակ են զետեղել Եղեռնի հիշատակը հավերժացնող խաչքարի մոտ։ Նիդերլանդներում Հայոց ցեղասպանության 104-րդ տարելիցին նվիրված միջոցառումները լայնորեն լուսաբանվել են հոլանդական մամուլում։
Մամուլի հաղորդագրություն

10:51 Աշխարհում
Ապրիլի 24-ին Ժնևի Սուրբ Հակոբ եկեղեցում տեղի է ունեցել Հայոց ցեղասպանության նահատակներին նվիրված պատարագ,

որին հաջորդել է եկեղեցու բակում տեղադրված Հայոց ցեղասպանության խաչքար-հուշակոթողի մոտ ծաղկեպսակների զետեղման արարողությունը: Ելույթով հանդես են եկել Հայ առաքելական եկեղեցու շվեյցարական թեմի առաջնորդական տեղապահ Գուսան վարդապետ Ալճանեանը, Շվեյցարիայում ՀՀ դեսպանության գործերի ժամանակավոր հավատարմատար Անահիտ Հարությունյանը, Շվեյցարիայի հայկական միության նախագահ Հիլդա Ավագյանը:
Աղբյուր՝ ՀՀ ԱԳՆ

10:41 Հայաստան
2019 թվականի ապրիլի 12-20-ն ընկած ժամանակահատվածում քրեակատարողական հիմնարկների աշխատակիցների կողմից հայտնաբերվել և կանխվել է մի շարք արգելված իրերի մուտքը ՔԿՀ-ներ

Ապրիլի 20-ին ՀՀ ոստիկանության Կենտրոնական բաժնի կողմից 2009թ. դեկտեմբերի 26-ից միջազգային հետախուզման մեջ գտնվող Լիբերիայի Հանրապետության և Շվեդիայի Թագավորության քաղաքացի Ֆրանսիզ  Ռ-ն հայտնաբերվել և տեղափոխվել է ՀՀ ԱՆ «Արմավիր» քրեակատարողական հիմնարկ, որտեղ զննության ընթացքում վերջինիս ճամպրուկի աջ անիվի միջից հայտնաբերվել է 0,9 գրամ սև, կասկածելի կոշտ զանգված։ Հայտնաբերվածն ուղարկվել է դատաքիմիական փորձաքննության։ Փաստի առթիվ նախապատրաստվում են նյութեր:
Աղբյուր՝ ՀՀ ԱՆ

10:39 Հայաստան
Քաղաքապետ Հ. Մարությանն ընդունել է պաշտոնական այցով Երևանում գտնվող Լիոնի քաղաքապետի առաջին տեղակալ Ժ. Կեպենեկյանի գլխավորած պատվիրակությանը

Կարևորելով Երևանի և Լիոնի միջև իրականացված ծրագրերը՝ մասնավորապես, հայ–ֆրանսիական մասնագիտացված ուսումնական կենտրոնի ստեղծումը,  «Լիոնի այգու» կառուցումը,  տեխնիկական և փորձագիտական աջակցության տարբեր նախաձեռնություններն ու փորձի փոխանակումը, Հայկ Մարությանը նկատել է, որ երկու քաղաքների միջև պետք է բարձրացնել համագործակցության արդյունավետությունը: Կողմերը կարևորել են առողջապահության (պոլիկլինիկական համակարգի աշխատանքի արդյունավետության բարձրացում), բարձրագույն կրթության, մշակույթի, սպասարկման, հատկապես հանրային սննդի ոլորտներն ու զբոսաշրջության զարգացմանն ուղղված ծրագրերի իրականացումը:
Աղբյուր՝ Երևանի քաղաքապետարան

10:25 Հայաստան
Արդարադատության նախարարի տեղակալներ Վ. Քոչարյանի և Ա. Ասատրյանի մասնակցությամբ մեկնարկել է ԵՄ/ԵԽ համագործակցությամբ իրականացվող

«Գործընկերություն հանուն լավ կառավարման» ծրագրի երկրորդ փուլը: Միջոցառմանը մասնակցել են նաև ԵԽ երևանյան գրասենյակի ղեկավար Ն. Վուտովան, ԵԽ մարդու իրավունքների քաղաքականության և համագործակցության բաժնի ղեկավար Մ. Լոբովը, ԵՄ Հայաստանյան պատվիրակության համագործակցության բաժնի ղեկավար Գ. Ս. Դե Լա Ռոսան և ՀՀ ԱԳՆ ԳԼԿ ազգային համակարգող Տ. Սամվելյանը: Միջոցառման ընթացքում տրվել է նաև «Աջակցություն դատական բարեփոխումներին քրեական արդարադատության ոլորտում» ծրագրի մեկնարկը:
Աղբյուր՝ ՀՀ ԱՆ

10:12 Հայաստան
Համագործակցության և փոխադարձ աջակցության մասին փոխըմբռնման հուշագիր է կնքվել ՀՀ Տավուշի մարզպետարանի և Հայկական Կարմիր խաչի ընկերության (ՀԿԽԸ) միջև,

որը ստորագրել են ՀՀ Տավուշի մարզպետ Հայկ Չոբանյանը և ՀԿԽԸ նախագահ Մխիթար Մնացականյանը։ Հուշագրի համաձայն՝ մարզպետարանը և ՀԿԽԸ-ն կհամագործակցեն՝ արտակարգ իրավիճակներին համատեղ նախապատրաստվելու և արձագանքելու նպատակով: Հայկական Կարմիր խաչի ընկերությունը (ՀԿԽԸ) կընգրկվի ՀՀ Տավուշի մարզային արտակարգ իրավիճակների հանձնաժողովի և Աղետների ռիսկի նվազեցման մարզային թիմի կազմում, կազմակերպչական և փորձագիտական հարցերով կաջակցի կամավորական արձագանքման թիմի համար նախատեսված վերապատրաստման դասընթացներին։
Մամուլի հաղորդագրություն

 

20:30 Աշխարհում
Սուպերմարկետների համար խելացի սայլակ է ստեղծվել

Սուպերմարկետներում անվտանգության խնդրով զբաղվել է Ford ընկերությունը:

19:45 Աշխարհում
«People» ամսագիրն ընտրել է տարվա կնոջը

Ամսագրի ներկայացուցիչները 47- ամյա ամերիկացի դերասանուհի Ջենիֆեր Գարներին տարվա ամենագեղեցիկ կինն են համարել:

19:00 Արցախ
Արցախի Հանրապետության նախագահ Բակո Սահակյանը Ստեփանակերտի Վ. Փափազյանի անվան պետական դրամատիկական թատրոնի երիտասարդ դերասանների հետ քննարկել է

թատրոնին և հանրապետության թատերական կյանքին վերաբերող հարցեր: Նախագահը գոհունակությամբ նշել է, որ Արցախում արդեն իսկ ձևավորվել է տաղանդավոր երիտասարդ դերասանների խումբ, ինչը հանդիսանում է թատրոնի ապագայի կարեւոր հիմքերից մեկը:
Մամուլի հաղորդագրություն

18:33 Հայաստան
Արդարադատության նախարարի տեղակալ Ա. Վարդապետյանը ԵԽ Մարդու իրավունքների քաղաքականության և համագործակցության բաժնի ղեկավար Մ. Լոբովի գլխավորած պատվիրակությանը ներկայացրել է

ՀՀ կողմից մշակվող Քրեական և Քրեական դատավարության օրենսգրքերի նախագծերի ուղղությամբ տարվող աշխատանքների ընթացքը: Ա. Վարդապետյանն ընդգծել է, որ Արդարադատության նախարարությունն ունի հստակ վերջնաժամկետներ նախագծերը Խորհրդարան ներկայացնելու համար: Մ. Լոբովը կարևորել է վերոնշյալ օրենքների նախագծերի մշակման աշխատանքները: Հանդիպման ավարտին կողմերը վերահաստատել են սերտ համագործակցության պատրաստակամությունը:
Աղբյուր՝ ՀՀ ԱՆ

18:20 Հայաստան
Տեղի է ունեցել Բարձրագույն դատական խորհրդի նիստը, որի ընթացքում Խորհուրդը, հանդես գալով որպես դատարան, դատավորի միջնորդության հիման վրա դռնփակ կարգով քննել է

ՀՀ դատավորների ընդհանուր ժողովի կարգապահական հարցերի հանձնաժողովի կողմից ներկայացված միջնորդությունը՝ Երևան քաղաքի առաջին ատյանի ընդհանուր իրավասության դատարանի դատավոր Նելլի Բաղդասարյանին կարգապահական պատասխանատվության ենթարկելու հարցը լուծելու վերաբերյալ: Նույն օրը 15։00-ին կայացած նիստում Խորհուրդը դռնփակ կարգով քննել է նաև Հանձնաժողովի կողմից ներկայացված ևս մեկ միջնորդություն՝ Երևանի առաջին ատյանի ընդհանուր իրավասության դատարանի դատավոր Հ. Մանուկյանին կարգապահական պատասխանատվության ենթարկելու հարցը լուծելու վերաբերյալ:
Բարձրագույն դատական խորհուրդ

18:06 Աշխարհում
Ապրիլի 24-ին Մոսկվայի Հայ առաքելական եկեղեցու վանական համալիրի տարածքում տեղադրված Հայոց ցեղասպանության զոհերի հիշատակին նվիրված հուշակոթողի դիմաց տեղի է ունեցել

ծաղկեպսակների տեղադրման և ծաղիկների խոնարհման արարողություն՝ ի հիշատակ Հայոց ցեղասպանության անմեղ զոհերի։ Արարողությանը մասնակցել են Մոսկվայում աշխատանքային այցով գտնվող ՀՀ պաշտպանության նախարար Դավիթ Տոնոյանը, ՌԴ-ում ՀՀ դեսպան Վարդան Տողանյանը, ՀԱԵ Ռուսաստանի և Նոր Նախիջևանի Հայոց թեմի առաջնորդ Եզրաս արքեպիսկոպոս Ներսիսյանը, ՌԴ-ում և տարածաշրջանային կառույցներում ՀՀ լիազոր ներկայացուցիչները, հայ համայնքային կառույցների ղեկավարները, դեսպանության անձնակազմն ու բազմաթիվ մոսկվաբնակ հայեր։
Աղբյուր՝ mfa.am

17:53 Հայաստան
Ապրիլի 24-28-ը Հայաստանում կազմակերպվում է Կին ձեռներեցների համաշխարհային ասոցիացիայի (FCEM) միջազգային համաժողովը

FCEM միջազգային համաժողովի թեման շրջակա միջավայրն է, որը ներառում է բնապահպանական տեսանկյունից պատասխանատու բիզնես, պատասխանատու հանքարդյունաբերություն, այլընտրանքային էներգիա, սոցիալական ձեռներեցություն թեմաները: FCEM միջազգային համաժողովին մասնակցում են FCEM նախագահներ և պատվիրակություններ տարբեր երկրներից, Հայաստանը ներկայացնող կին ձեռներեցներ, պետական և միջազգային կառույցների ներկայացուցիչներ, լրատվամիջոցներ:
Մամուլի հաղորդագրություն

 

 

 

17:00 Աշխարհում
Հայոց ցեղասպանության 104-րդ տարելիցի կապակցությամբ ապրիլի 24-ին Վիեննայի Ֆրիդրիխ Շիլլերի հրապարակում տեղադրված ավստրիացի գրող Ֆրանց Վերֆելի հուշարձանի մոտ տեղի է ունեցել

զոհերի հիշատակին նվիրված արարողություն: Միջոցառմանը ներկա են եղել Ավստրիայում ՀՀ դեսպան Արմեն Պապիկյանը, դեսպանության աշխատակազմը, Ավստրիայի Հայ առաքելական եկեղեցու և Մխիթարյան միաբանության հոգևոր հայրերը, Ավստրիայի հայկական կազմակերպությունների, հայ համայնքի ներկայացուցիչներ, Ավստրիայի Ազգային խորհրդի պատգամավոր, Ավստրիա-Հայաստան խորհրդարանական բարեկամության խմբի ղեկավար Գուդրուն Քուգլերը:
Աղբյուր՝ mfa.am

16:33 Աշխարհում
ԵՊԲՀ-ում դասախոսությամբ հանդես է եկել UCLA համալսարանի մանկական նյարդաբանության բաժանմունքի մասնագետ և բժշկական համալսարանի այցելու պրոֆեսոր Թալին Բաբիկյանը

Նախքան դասախոսություն կարդալը, պրոֆեսորը ողջունել է ներկաներին՝ նշելով, որ անչափ ուրախ է գտնվելու բժշկական համալսարանում՝ հույս հայտնելով, որ համագործակցությունը կլինի շարունակական: Պրոֆեսորը ներկայացրել է մանկական նեյրոհոգեբանությանն ուղղված մի շարք ուսումնասիրություններ, որոնք շարունակում են իրենց արդիականությունը պահպանել ինչպես ամբողջ աշխարհում, այնպես էլ Հայաստանում:
Մամուլի հաղորդագրություն

16:06 Աշխարհում
Ավստրիայի դաշնային խորհրդարանում կայացել է ՀՀ դեսպան Ա. Պապիկյանի հանդիպումն Ավստրիայի Ազգային խորհրդի 3-րդ նախագահի և Ավստրիա-Հայաստան բարեկամության խմբի ղեկավար հետ

Դեսպան Պապիկյանը խորհրդանշական և կարևոր է համարել Հայոց Ցեղասպանության 104-րդ տարելիցի օրը Ավստրիայի խորհրդարանում հանդիպումը և շնորհակալություն հայտնել այդ հարցում Ավստրիայի խորհրդարանի կողմից 2015 թվականին ընդունված որոշման համար։ Դեսպանը կարևորել է նաև Հայաստանի և Ավստրիայի խորհրդարանական համագործակցության հետագա խթանումը՝ այդ թվում նաև երկու խորհրդարաններում գործող բարեկամության խմբերի միջև ակտիվ շփումների միջոցով:
Աղբյուր՝ ՀՀ ԱԳՆ

15:05 Հայաստան
ՀՀ ՊՆ Վ.Սարգսյանի անվան ռազմական համալսարանի պետի գլխավորած աշխատանքային խումբը մասնակցում է

Նուրսուլթան քաղաքում ապրիլի 25-ից 26-ը անցկացվող ԱՊՀ անդամ պետությունների բարձրագույն ռազմական ուսումնական հաստատությունների ասոցիացիայի կազմակերպչական նիստին:
Աղբյուր՝ ՀՀ ՊՆ

14:30 Հայաստան
ՀՀ գլխավոր դատախազ Ա. Դավթյանը և ԵԽ մարդու իրավունքների գլխավոր տնօրինության Մարդու իրավունքների քաղաքականության և համագործակցության վարչության պետ Մ.Լոբովի գլխավորած պատվիրակությունը

քննարկել են արդյունավետ քննությունների իրականացման, խափանման միջոց կալանքի պրակտիկայի, Զինված ուժերում մարդու իրավունքների, մասնավորապես՝ կանանց իրավունքների պաշտպանության, միջազգային իրավական համագործակցությանը միտված դատախազների վերապատրաստման ոլորտներում համատեղ ծրագրերի իրականացմանն առնչվող հարցեր:
Աղբյուր՝ prosecutor.am

13:51 Աշխարհում
Ապրիլի 23-ին ՀՀ ԶՈՒ ներկայացուցիչները Ռյազան են մեկնել

ՌԴ Ռյազանի օդադեսանտային բարձրագույն հրամանտարական ուսումնարանում ՀՀ ԶՈւ դեսանտագրոհային ստորաբաժանումների սպայական կազմի վերապատրաստման կազմակերպման գործընթացին ծանոթանալու նպատակով:
Աղբյուր՝ ՀՀ ՊՆ

13:49 Հայաստան
ՀՀ և ՌԴ պաշտպանության նախարարությունների երկկողմ համագործակցության պլանի համաձայն Երևանում անցկացվող ռադիացիոն, քիմիական և կենսաբանական պաշտպանության ոլորտում

փոխգործակցության հարցերով աշխատանքային հանդիպմանը մասնակցելու նպատակով Հայաստան է ժամանել ՌԴ զինված ուժերի աշխատանքային խումբը:
Աղբյուր՝ ՀՀ ՊՆ

13:47 Աշխարհում
ՀՀ զինված ուժերի ներկայացուցիչները Մոսկվայում մասնակցում են ՀԱՊԿ միացյալ շտաբի հենքի վրա ապրիլի 24-ից 27-ը անցկացվող

ՀԱՊԿ անդամ պետությունների զինված ուժերի գլխավոր շտաբերի օպերատիվ վարչությունների պետերի աշխատանքային հանդիպմանը:
Աղբյուր՝ ՀՀ ՊՆ

Տեսանյութեր

ԲՀԿ-ն բոյկոտեց տնտեսական հանձնաժողովի նիստը
15:22 25/04/2019

ԲՀԿ-ն բոյկոտեց տնտեսական հանձնաժողովի նիստը

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.newsline.short_news.source":"\u0531\u0572\u0562\u0575\u0578\u0582\u0580` "}