Ձեր վստահելի աղբյուրը

Ալ. Սպենդիարյանի անվան օպերայի և բալետի ակադեմիական թատրոնում երեկ տեղի ունեցավ 4-րդ Համահայկական խաղերի փակման պաշտոնական արարողությունը: Մեդալների քանակով առաջին տեղը զբաղեցրել է Երևանի թիմը, որին հաջորդում են Վանաձորի և Գլենդեյլի թիմերը: Փակման արարողության ընթացքում վարչապետ Սերժ Սարգսյանը հաղթողներին պարգևների հետ միասին Համահայկական խաղերի մասնակից գեղեցիկ աղջիկներին նվերներ նվիրեց: Իսկ «Միսս Համահայկական 4-րդ խաղեր» տիտղոսին արժանացավ երևանցի թենիսիստուհի Գայանե Թունյանը: Փակման արարողության վերջում Ազատության հրապարակում տեղի ունեցավ տոնական համերգ` այսպես ասած հայ աստղերի մասնակցությամբ:

Հիշեցնենք, որ 4-րդ Համահայկական խաղերի մեկնարկը տրվել էր օգոստոսի 18-ին, երբ ավանդույթի համաձայն Գառնիից վառվող ջահը բերվել էր Վ. Սարգսյանի անվան Հանրապետական մարզադաշտ: Այս անգամ 4-րդ Համահայկական խաղերին մասնակցել է 94 երկրներից Հայաստան ժամանած սպորտսմենների պատվիրակություն: Իսկ պետբյուջեից խաղերի անցկացման նպատակով հատկացվել է 80 մլն դրամ:

5-րդ Համահայկական խաղերը տեղի են ունենալու 2011 թվականին: