Ձեր վստահելի աղբյուրը

Հայաստանում վերջին օրենսդրական փոփոխություններից հետո որոշ կազմակերպություններ` այդ թվում նաև բանկերը, ապահովագրական և վարկային կազմակերպությունները, համապատասխանաբար 2009 և 2010 թթ. հունվարից իրենց ֆինանսական հաշվետվությունները պետք է կազմեն ՖՀՄՍ-ի` Ֆինանսական հաշվետվությունների միջազգային ստանդարտի համաձայն: ՓՄՁ-ների համար ՖՀՄՍ-ն կարող է փոխակերպել ամբողջ աշխարհի մասնավոր ընկերությունների հաշիվների կազմման գործընթացը, կարծում է «Գրանթ Թորնթոնը»` ողջունելով Հաշվապահական Միջազգային Ստանդարտների Խորհրդի կողմից նոր ստանդարտի հրապարակումը: Ըստ «Գրանթ Թորնթոն Ինթերնեշնլը»-ի, այն բացառիկ հնարավորություն է ընձեռում աշխարհի մասնավոր ընկերություններին ստանդարտվացված հաշվապահական համակարգ ստեղծելու համար:

ՓՄՁ-ների ՖՀՄՍ իրենից ներկայացնում է մասնավոր հատվածի ընկերությունների համար մշակված, միջազգայնորեն ճանաչված հաշվապահական սկզբունքների մի փաթեթ: Նոր ստանդարտը մասնավորապես օգտակար կլինի միջազգային գործունեություն ծավալող ընկերությունների համար: Յուրաքանչյուր երկիր այժմ արդեն կարող է նկատի առնել այս ստանդարտը, քննարկել տեղական շահառուների հետ և որոշել, թե արդյո՞ք այն կիրառելի է տվյալ երկրում և ե՞րբ այն ներմուծել: Յուրաքանչյուր երկիր նաև ինքը կընտրի, թե որ կազմակերպությունների համար կարելի է կիրառել նոր ստանդարտը:

Այլ կազմակերպություններ, որոնց վրա պահանջը չի տարածվում, կարող են իրենց ընտրությամբ այսուհետ տեղական ստանդարտներից անցում կատարել դեպի ՖՀՄՍ:

Եվրամիության երկրներում ՓՄՁ-ներն այսօր կիրառում են մոտ 55 ֆինանսական հաշվետվությունների համակարգեր:
Անցումը հաշվապահական հաշվառման նոր ստանդարտների մշտապես պահանջում է որոշ ֆինանսական և ռեսուրսներին առնչվող ծախսեր: Ընկերություններն ու նրանց խորհրդատուները պետք է սովորեն նոր տերմինաբանություն և հաշվապահության վարման մանրամասներ, ինչպես նաև փոփոխություններ կատարեն օգտագործվող համակարգչային ծրագրերում: Չնայած այս մարտահրավերների առկայությանը` «Գրանթ Թորնթոն»-ում կարծում են, որ այս կարճաժամկետ անհարմարության դիմաց ամբողջ աշխարհի մասնավոր ընկերությունները մեծապես կշահեն երկարաժամկետ կտրվածքում: