Ձեր վստահելի աղբյուրը

Եթե Ստամբուլից դուրս հայեր կան, ապա նրանք թուրքերի կողմից անվանվում են «Շուռ տված հայեր», քանի որ որպես կանոն նրանք հիմնականում քուրդ կամ թուրք են դիտվում:Մեզանում ընդունված է նրանց անվանել կրոնափոխ կամ ծպտյալ հայեր:

Այս մասին այսօր ասուլիսում ասաց ԵՊՀ հայագիտության կենտրոնի գիտաշխատող Քեյթ Գունդակչյանը:

Ծպտյալ հայերը իրենց ինքնությունը ինչ որ կերպ պահպանել են, սակայն փոխել են կրոնը:

«Ամենակարևորը, նրանք գենետիկորեն չեն խառնվում տեղի բնակչությանը: Այս հայերը ամուսնանում են միայն իրար հետ, մահմեդականների հետ ամուսնություններ չեն գրանցում»,-ասաց Ք. Գունդակչյանը:

Խոսքը վերաբերում է հատկապես համշենահայերին: Ի դեպ, համշենահայերը երբեք չեն համարում, թե իրենք ապրում են ոչ իրենց հայենիքում: Ինչպես նշեց Ք. Գունդակչյանը, երբ խոսք է գնում Հայասատնում վերաբնակվելու մասին, ապա համշենահայերը ասում են, թե թող ՀՀ-ն հզորանա և միանա իրենց, քանի որ իրենք ապրում են իրենց 5 հազարամյա հայրենի հողի վրա:

Իսկ ինչ վերաբերում է Թուրքիայում գործող հայկական եկեղեցիներին, ապա ինչպես նշեց բանախոսը.

«Պոլսում գործում են 36 եկեղեցիներ, իսկ ողջ Թուրքիայի տարածքում մինչև այս տարի կար 43 գործող եկեղեցի, որոնց ևս մեկն ավելացավ: Մնացյալ եկեղեցիները, որոնք չեն գործում Ստամբուլում, այն տարածքներում են, որտեղ ընդունված է ասել, թե հայեր չկան, սակայն եկեղեցի գնացողներ կան:
Այս 36 եղեկցիներում ոչ բոլոր կիրակիներին կարող են սրբազան պատարագ մոտուցել, քանի որ չկան այդքան քահանաներ»:

«Ընդամենը 22 քահանաներ կան այս 43 եկեղեցիներում: Թուրքիայի կառավարույթունը թույլ չի տալիս քահանա ձեռնադրել ոչ թուրքահպատակ մարդկանց»,- հավելեց Ք. Գունդակչյանը:
Ըստ նրա, ցանկալի է, որ քահանա ձեռնադրվողը ծննդով պոլսեցի լինի: