Թուրքիայում քրիստոնեական ժառանգությունը պաշտպանող օրինագիծն ընդունվել է Ներկայացուցիչների պալատի կողմից
Ներկայացուցիչների Պալատը միաձայն ընդունել է 306-րդ բանաձևը, որը կոչ է անում Թուրքիայում պաշտպանել քրիստոնեական ժառանգությունը և բռնագրավված եկեղեցական սեփականությունը վերադարձնել իրենց օրինական տերերին: Այս մասին հաղորդում է Ամերիկայի Հայկական Համագումարը (Համագումար):
«Երկու կուսակցությունների աջակցությունը վայելող այս օրինագիծը արտացոլում է Ամերիկայի արժեհամակարգը և կարևոր քայլ է Թուրքիայում հայ համայնքի և այլ փոքրամասնությունների համայնքների ժառանգության պահպանման ուղությամբ»,- Վաշինգտոնում նշել է Հայկական եկեղեցու արևելյան թեմի արքեպիսկոպոս Վիգեն Հայկազյանը:
Մինչ երեկվա քվեարկությունը Համագումարը նամակներ էր հղել կոնգրեսի անդամներին` կոչ անելով կողմ քվեարկել 306-րդ բանաձևի անցկացմանը. նամակը, որն հովանավորել էին կոնգրեսական Էդ Ռոյսը, ներկայացուցիչներ Հովարդ Բերմանը, Իլեանա Ռոս-Լետինենը, Ադամ Շիֆը, Ջիմ Կոստան, Աննա Էշուն, Ֆրենկ Փալոնե Կրտսերը, Ջիմ ՄկԳովենը, Բարնի Ֆրենկը, Ջոու Բական, Դեյվիդ Սիսիլինը, Գրեյս Նապոլիտանոն, Ջոն Սարբանեսը, Գերի Ակերմանը, Ջոզեֆ Կրոուլին, Դևին Նունյեսը, Ջուդի Չուն, Կարոլին Մելոնին, Էլիոտ Էնգելը, Բրեդ Շերմանըմ, Բրյուս Բրելին, Ֆրենկ Վուլֆը, Ստիվեն Ռոթմանը, Գաս Բիլիկարիսը, Ջեքի Սփիերը, Թադեուս ՄկԿոտլերը, Դեն Լունգրենը, Ջիմ Լանգևինը, Էլտոն Գալեգլին, Դուգ Լամբորնը, Ջեֆ Դենհամը, Դենիս Կարդոզան և Ռոբերտ Դոլդը, արտացոլում է Ամերիկայի կողմից կրոնական ազատությունների և մարդու իրավունքների արժևորումը:
Բանաձևի հետ մեկտեղ հովանավոր կոնգրեսական Ռոյսը իր գործընկերների հետ մեկտեղ հիշեցրել է Հայոց Ցեղասպանության և Թուրքիայի շարունակական ժխտողական քաղաքականության մասին: Ներկայացուցիչներից Հովարդ Բերմանը, Ադամ Շիֆը, Էլիոտ Էնգելը և Ֆրենկ Փալոնե Կրտսերը խոսել են ի պաշտպանություն օրինագծին: Թուրքական խմբի համանախագահ Էդվարդ Ուիթֆիլդը ժամանակ խնդրել է ընդդեմ բանաձևի ճառ պատրաստելու համար:
306-րդ բանաձևն իրենից ներկայացնում է երկու կուսակցությունների աջակցությունը վայելող մի օրինագիծ(Բերման - Ցիցիլին), որն այս տարի ձայների ճնշող մեծամասնությամբ անցկացվել է Ներկայացուցիչների պալատի Արտաքին գործերի հանձնաժողովում (43 կողմ, մեկ դեմ): Հանձնաժողովում անցկացվող քննարկումների ժամանակ Համագումարը Արևելյան և Արևմտյան եկեղեցական թեմերի հետ միասին պատրաստել և նամակներ է հղել Ներկայացուցիչների պալատի հանձնաժողովի անդամներին` կոչ անելով աջակցել նրան:
Օրինագիծը կոչ է անում Թուրքիային պահպանել իր քրիստոնեական ժառանգությունը և վերադարձնել բռնագրավված եկեղեցական սեփականությունը հետևյալ կերպ.
1) վերջ դնել կրոնական ցանկացած խտրականություններին
2) թուլատրել քրիստոնեական եկեղեցիների օրինական սեփականատերերին առանց որևէ արգելքների և սահմանափակումների կազմակերպել և իրականացնել աղոթքի ծառայություններ, կրոնական ուսուցում, հոգևորականների վերապատրաստումներ, ընդունելություններ, օծումներ, կրոնական համայնքային հավաքույթներ, հասարակական ծառայություններ` ներառյալ աղքատների և հիվանդներին ապավեն կանգնելու և այլ կրոնական ծառայությունների իրականացում
3) Իրենց օրինական սեփականատերերին վերադարձնել բոլոր քրիստոնեական եկեղեցիները և բոլոր այլ աղոթավայրերը, վանատները, դպրոցները, հիվանդանոցները, հուշարձանները, սրբավայրերը և կրոնական այլ սեփականությունը` ներառյալ շարժական գույքը, ինչպիսիք են արվեստի գործերը, ձեռագրերը, զգեստները, անոթները և այլ իրեր
4) թույլատրել քրիստոնեա եկեղեցիների և եկեղեցական սեփականության օրինական տերերին առանց արգելքների և սահմանափակումների պահպանել, վերակառուցել, վերականգնել, ինչպես ճիշտ են գտնում, բոլոր քրիստոնեական եկեղեցիները և այլ աղոթավայրերը, վանատները, դպրոցները, հիվանդանոցները, հուշարձանները, սրբավայրերը և այլ կրոնական սեփականությունը Թուրքիայում:
Լրահոս
Տեսանյութեր
Անահիտ աստվածուհու արձանը կցուցադրվի Հայաստանի պատմության թանգարանում պահվող բացառիկ նմուշների հետ