Ձեր վստահելի աղբյուրը

«Թիվ 1 շուկա» ՍՊԸ-ին ոչ թե առաջարկվել, այլ պահանջվել է սկսվել քանդման աշխատանքներ»: Panorama.am-ի հարցմանը ի պատասխան, թե Փակ շուկայում շարունակվում են առանց նախագծի հաստատման շինարարական աշխատանքները, արդեն նոր հարկ է կառուցվում, ի՞նչ քայլեր է ձեռնարկել մշակույթի նախարարությունը, փոխանցեց նախարարության Պատմության ու մշակույթի հուշարձանների պահպանության գործակալության Երևանի տարածքային բաժնի պետ Կարո Այվազյանը:

«Մեզ ներկայացրել են նախագիծ: Մշակույթի նախարարությունում խորհրդակցության է եղել, որին մասնակցել է նաև «Թիվ 1 շուկա» ՍՊԸ-ի ներկայացուցիչը, ճարտարապետը: Մենք ասացինք, որ պետք է քանդվի այն, ինչ-որ արվել է, իհարկե, ոչ լրիվ: Այն մասերում, որտեղ կամարներն են` վեց-յոթ հատ, պետք է քանդվի, իսկ ետնամասում կառուցված կարկասը թողնվի: Մենք նախագիծը հետ ենք ուղարկել, ասել ենք, որ նախագծում պետք է նաև արտացոլվի քանդման աշխատանքները: Նախնական ասեմ, որ ուրբաթ պետք է նախագիծը բերվի մշակույթի նախարարության համաձայնեցման»,-ասաց Կ. Այվազյանը:

Պատասխանելով մեր այն դիտարկմանը, թե պատկան մարմինները, կոնկրետ այս պարագայում մշակույթի նախարարությունը ամեն անգամ պարզաբանում է ներկայացնում, թե ժամանակ են տվել ՍՊԸ-ին, որ ներկայացնի նախագիծ, դադարեցնի աշխատանքները, բայց որևէ արդյունք չի տվել, Կ. Այվազյանը նշեց. «Մշակույթի նախարարարությունը ուժային լծակներ չունի: Մենք համապատասխան նամակներ ենք ուղարկել տեսչություն, քաղաքապետարան, դատախազություն, Կենտրոնի քննիչները մեզանից ինչ-որ թղթեր էին պահանջում, մենք տալիս էինք այդ փաստաթղթերը: Մենք ինչ անենք: Ինչ որ մեզանից պահանջվում է, անում ենք»:

Նախորդող նորություններ` «Փակ» շուկան վերանում է. Ահազանգ-խնդրանք` ՀՀ նախագահին

 Բողոքի ակցիա Ծածկած շուկայի դիմաց… Վերադարձրեք նախկին տեսքին և վերջ (տեսանյութ)

Փակ շուկա-«ֆորսմաժոր». Ձեզ ո՞վ էր ասում շենքին ձեռք տալ

Ծածկած շուկայի վերգետնյա հատվածի էսքիզային նախագիծը հաստատված է… «…մի երկու կամար չի լինելու»