Ձեր վստահելի աղբյուրը

«Iarex» պարբերականը տպագրել է ռուս վերլուծաբան Ստանիսլավ Տարասովի` «Ինչու է Թուրքիան տարանջատում` Ռուսաստանի և սփյուռքի հայերին» խորագրով հոդվածը: Տարասովն անդրադարձել է Թուրքիայի ԱԳ նախարար Ահմեդ Դավութօղլուի Հայաստան կատարած այնցին:

Ստորև ներկայացնում ենք հոդվածը` որոշ կրճատումներով.

«Այնպիսի տպավորություն է, որ թուրքական կողմը կամ չի համաձայնեցնել Բաքվի հետ կամ նրան հասկացրել է, որ պետք է 1915 թ.-ի վերաբերյալ գնահատականով հանդերձ գա, որն էլ ադրբեջանական կողմին ձեռնտու չի եղել: Սևծովյան տնտեսական համագործակցության գագաթաժողովից առաջ թուրքական ԶԼՄ-ները բացահայտ քննարկում էին Թուրքիայի 2014թ ռազմավարական ծրագիրը, որի նպատակն է հինգ կարևոր արտաքին քաղաքական հարցերի շուրջ, որոնք ձախողվել են, դրական լուծում գտնել:

Ինչպես պնդում է թուրքական «Aksam»-ը առաջին տեղում է գտնվում Հայաստանի հետ հարաբերությունների կարգավորումը, ապա Կիպրոսի կարգավորումը, Իրաքի հետ երկխոսությասն վերականգնումը, Իսրայելի և Սիրիայի հարցում էլ ճգնաժամից դուրս գալը:

Հիմա, երբ Թուրքիան այլ իրավիճակում է հայտնվել, քանի որ Հայաստանին աջակցություն է ցուցաբերում Մաքսային միությունը, նոր սցենարներ են ի հայտ գալիս. Թուրքիան իր քայլերը համաձայնեցնում է ոչ թե Բաքվի, այլ Վաշինգտոնի հետ: Պատահական չէ, որ Երևան այցից առաջ Դավութօղլուն ԱՄՆ պետքարտուղարի հետ հեռախոսազրույց էր ունեցել: Եվ դրան հաջորդեց նրա սենսացիոն հայտարարությունը. «Հայերի տեղահանությունը 1915թ-ին անմարդակային քայլ էր և Թուրքիան երբեք էլ չի աջակցել այդ քաղաքականությանը»,-նշել էր Դավութօղլուն Երևան կատարած այցից հետո:
Այստեղից կարելի է եզրակացնել, որ նոր թուրքական դիրքորոշումը արմատապես տարբերվում է ադրբեջանականից: Թուրքիան կճանաչի 1915թ. ողբերգական իրադարձությունները, այն անվանելով «տեղահանություն», և ոչ թե Ցեղասպանություն:

Անկարան բացահայտ կերպով տարանջատում է Ռուսաստանի հայերին հայկական սփյուռքից: Ցյուրիխյան արձանագրությունները Հայոց ցեղասպանության հարցում հանվել է մեծ քաղաքականությունից և մտցվել պատմաբանների վերլուծության տեսադաշտ:  Եթե Անկարան վավերացնի այդ փաստաթղթերը, դիվանագիտական հարաբերություններ հաստատի Երևանի հետ, և կբացի իր սահմանը, ապա նա այդպիսով կտարանջատի հայակական սփյուռքը Հայաստանից և նրա հետ բանակցությունների կվարի:

Սա նաև նշանակում է, որ Թուրքիան դուրս կգա Ղարբաղյան «խաղից»: Այսպիսով` Ադրբեջանը Անդրկովկասում կարող է մնալ առանց Թուրքիայի աջակցության: Սակայն, նա ավանդաբար հայտարարելու է Բաքվի վերաբերյալ իր կարգախոսները: Բառերը պետք է տարանջատել գործողություններից»: