Ձեր վստահելի աղբյուրը

Եգիպտահայ նկարիչ Բյուզանդ Կոճամանյանը (1909 թ. Տրապիզոն-1993 թ. Լոս Անջելես) հիմնականում ճանաչված է Բյուզանդ անունով, որով ստորագրում էր իր կտավները, սակայն ազգանունը առնչվում է իր ծննդավայրի մոտիկ, Թուրքիայի հյուսիսում գտնվող Սամսուն քաղաքի գյուղերից մեկի՝ «Կոճաման բազե» անվան հետ: 1915-ի Եղեռնի օրերին կորցնում է ընտանիքը, բայց ինքը փրկվում է՝ շնորհիվ քուրդ մի ընտանիքի: 1927-ից բնակություն է հաստատում Եգիպտոսում, իսկ 1972-ից ԱՄն-ում:

Նրա արվեստին և ստեղծագործություններին անդրադարձել են տարբեր ազգությունների արվեստաբաններ: Բյուզանդ Կոճամանյանը ստեղծել է ուժեղ էքսպրեսիոնիստական ոճ, որն աստիճանաբար զարգացրել և հարստացրել է: Նրա ոճի կարևորագույն աղբյուրներից կարելի է համարել բյուզանդական սրբանկարները, այնուհետև գերմանական արդի էսքպրեսիոնիզմը և հին եգիպտական արվեստը: Մայրության թեման գերակշռել է նրա արվեստում: Մեծ սիրահար էր նաև խոտակեր կենդանիների, մասնավորապե՝ եղնիկների: Ամեն առիթով և ամեն ձևով նկարել էր նրանց՝ ձեռքի արագ, րոպեական շարժումով: Իր ասելով՝ եղնիկներին սիրում էր, որովհետև բացի իրենց նրբագեղությունից, նրանք բարության և անմեղության խորհրդանիշներ էին իր համար: Նկարել է նաև կովեր, ձիեր և ցուլեր, որոնք բոլորն էլ ինչ-որ խորհրդանշական իմաստ էին արտահայտում, հոգեբանական ենթատեքստով:

Բյուզանդի ստեղծագործություններում խորը մարդկային բովանդակություն կա, ուժեղ էքսպրեսիոնիստական ոճով արտահայտված: Նա իր եգիպտական ակունքներին ընդմիշտ հավատարիմ է մնացել, չնայած իր «կերպարներին» և ընդհանրապես կտավներին ավելացրել է նոր գույներ (մոխրագույն, սրճագույն), ինչպես նաև կարոտախտի տարրեր:

Աղբյուրը՝ azg.am

Աղթամար եկեղեցին

Բնանկար. Անտառ

Կնոջ դիմանկար (նկարչի մայրը)

Մայրը

Մայրը երկու երեխայով

Շինարարություն

Ցուլ

Հայկական կեպարվեստ շարքը նպատակ ունի նորելու մեր հիշողությունն ու հարգանքը` հանդեպ հայ արվեստի վարպետների ու դասականների:

Շարքի նախորդ հրապարակումները՝

Իրապաշտական, սեզանական-կուբիստական պատկերային մտածողությունից մինչև սյուրռեալիզմ... Ռիշար Ժերանյան (լուսանկարներ)

Նկարիչ, քանդակագործ, կավագործ, դիզայներ և դասախոս… Լևոն Ժամկոչյան (լուսանկարներ)

Այնթափ, Սիրիա, Փարիզ… Բյուզանդ Թոփալյան (լուսանկարներ)

Ռեալիստական բնանկարների, կենցաղային պատկերների վարպետ ... Մանուել Թոլեկյան (լուսանկարներ)

«Պոպուլիստ» սալոնի առաջին մրցանակակիր... Արմիս (լուսանկարներ)