Ձեր վստահելի աղբյուրը

Երևանի գեղարվեստի պետական ակադեմիայի գծանկարի ամբիոնի վարիչ պրոֆեսոր Գագիկ Ղազարյանը դասական արվեստագետ է: Դասական երկու իմաստով` ակադեմիական վիրտուոզություն և մարդկանց (հատկապես կանացի) ու կենդանիների մարմնի մերկ կարպերի օրգանական կյանքի նկատմամբ գրեթե պաշտամունքի հասնող ակնածանք, որ հազվադեպ է հայ կերպարվեստում:

Ըստ էության Գագիկ Ղազարյանի սկզբնական տարրական նկարչական կրթությունը Կոջոյանի նկարչական դպրոցում նրան զգայուն է դարձրել ուրվագծի, լույսուստվերի ու տոնայնության նկատմամբ, որ ուղեկցել է նրան ամբողջ կյանքում: Այդ զգայնությունը և անմիջականությունը կիրառման ավելի մեծ հնարավորություններ է ստացել միջնակարգ և բարձրագույն ուսումնառության շրջանում հմուտ և ճանաչված արվեստագետների հսկողությամբ, որոնք միայն խրախուսել են նրա այդ նրբազգացությունը:

Ս. Պետերբուրգի Ռեպինի անվ. ինստիտուտում (հին ակադեմիական ավանդների այդ դարբնոցում) նա ուներ մերկ բնորդների (մանավանդ կանացի) անսահմանափակ ընտրություն: Իսկ բնորդների և բնորդուհիների նման բազմազանությունը արվեստագետի զգայուն հոգուն թելադրել է նաև արտահայտչական և տեխնիկական միջոցների բազմազանություն:

Գ. Ղազարյանի գծանկարների էսթետիկան ձևավորված է բարոկկոյից մինչև պոստիմպրեսիոնիզմ, ընդ որում կարծես անցած Ռոդենի, Մայոլի և Ռենուարի պրիզմայից:

Գծանկարների հաջորդ տիպը ավելի գեղանկարչական է, ավելի մեծ չափով է օժտված գրացիայով, ի տարբերություն նախորդ տիպի զանգվածային լինելուն: Դրանց մի մասը ավելի կենդանի նատուրալիստական է զուտ կենսականության տեսակետից: Այդ գծանկարները ածուխով են, սանգինայով, տուշով, սեպիայով, պաստելով տարբեր հաստության, գույների ու չափերի թղթերի վրա: Հաճախ միաժամանակ օգտագործվում են տարբեր նյութեր` ածուխի կամ սոուսի հետ սանգինա, պաստել և այլն:

Գծանկարների մյուս խումբն ավելի ռոմանտիկ բնույթ ունի` հիշեցնելով Բուշեի, Պրյուդոնի ածխանկարների փափկությունը, լավագույնս արտահայտելով կանացի մաշկի թավշյա քնքշությունը: Այլ գծանկարներ, որոնք պատկանում են մերկ հասուն կանանց կամ դիմացից, կամ թիկունքից` ակադեմիական ստանդարտ դիրքերով, հարուստ հյութեղ կազմվածքի հետ կարծես ներկայացնում են նրանց թաքնված տեմպերամենտը և արյան շրջանառությունը` ինչ որ բան Ռենուարի կանացի մարմինների և Մայոլի բրոնզե աստվածուհիների միջև: Եվ կան տուշով, կոշտ ոճով նկարված նյուեր, որոնք իրենց անողոք ռեալիզմով հիշեցնում են Ռեմբրանդտի ածխականներն ու գրչանկարները:

Այս կարգի նկարների շարքին կարելի է դասել նաև աշխով, սանգինայով ու պաստելով արված կենդանապատկերները – առյուծներ, կատուներ, վարազներ, փղեր, եղնիկներ` չափազանց կենդանի ու պլաստիկ, գրեթե տալով նրանց պողպատյա մկանները, կենդանի էլաստիկությունը, փղային հաստ մորթու խորշոմները իրենց խորդուբորդություններով և այլն:

Աղբյուրը՝ magaghat.am
Արվեստագիտության դոկտոր, պրոֆեսոր Վիգեն Ղազարյան

Առասպելական ու ու դիցաբանական լակոնիկ ֆիգուրներին գալիս են փոխարինելու յուրահատուկ հարթաքանդակները` քարե, գիպսե, բազալտե, բրոնզե, խեցե, կավե: Այս աշխատանքներում նկատում են թեմատիկ, կոմպոզիցիոն և նյութերի ճկունություն: Բրոնզային քանդակները նկարչի համար կարծես լինեն առանցքային: Նրանց մեջ ամփոփված են ակորդային ճոխությունն ու կատարողական տոնիկան: Նյութերի տարբերականությունը ուղիղ համեմատական է տվյալ արվեստագետի վարպետությանը, անարատությանն ու աշխատանքային անհագ նկրտումներին ու բազմազանությանը, որն իհարկե, դատելով աշխատանքներից պերմանենտ է`այն չ’ի ավարտվի, այն կկրկնվի պարբերաբար, յուրաքանչյուրը` մեկնաբանված Գագիկ Ղազարյանի տվյալ ժամանակահատվածի, տվյալ հոգեբանության ու կենցաղի ցիտատումներով…(Հեղինակ՝ Լիլիթ Ստեփանյան):

Կոմիտաս, կաքավի երգը»

«Դավիթն ու Գողիաթը», Էսքիզը` - Ե. Քոչարի, Քանդակի Իրականացումը` Գ. Ղազարյանի, 
Ազգային ժողովի բակ

Հայկական կեպարվեստ շարքը նպատակ ունի նորելու մեր հիշողությունն ու հարգանքը` հանդեպ հայ արվեստի վարպետների ու դասականների:

Շարքի նախորդ հրապարակումները`

Աբստրակտ նկարիչ… Համլետ Հովսեփյան (լուսանկարներ)

Արդյո՞ք արվեստի գործը մեր արտացոլանքն է, թե՞մենք ենք նրա արտացոլանքը... Աշոտ Ավագյան (լուսանկարներ)

Պահի նկարչություն… Մարիամ Համբարյան (լուսանկարներ)

«Վրձինն ու նկարիչը հոգու թելադրանքով են գործում»… Սարգիս Գարուկյան (լուսանկարներ)

Սիրամարգե տիկինը... Սիրուն Երիցյան (լուսանկարներ)

Աբստրակտ նատուրալիզմի հիմնադիր… Արթուր Օշականցի (լուսանկարներ)

Ես երջանիկ եմ... Անատոլի Ավետյան (լուսանկարներ)

Գույնը կյանք է, գույներով եմ ես խոսում. Ալեքսանդր Սադոյան (լուսանկարներ)

Բանաստեղծական խոսքով սփոփել մարդկանց, գեղանկարչության միջոցով բարիացնել կյանքը... Արևշատ Ավագյան (լուսանկարներ)

Պրոֆեսոր նկարիչ... Հրայր Գրիգորյան (լուսանկարներ)

Մանրանկարչության և արդի գեղանկարչության ավանդույթների միահյուսում... Արկո Բաղդասարյան (լուսանկարներ, տեսանյութ)

Դոցենտ նկարիչ... Վարդգես Գուլիկյան (լուսանկարներ)

Չուբարյանի ու Արծրունյանի սանը... Խաչիկ Հարությունյան (լուսանկարներ)

Բազմաժանր աշխատանքների հեղինակ...Վիկտոր Գրիգորյան (լուսանկարներ, տեսանյութ)

«Նայելով նկարներին` ակամայից հիշում եմ Բակունցի խոսքերը»… Մելքոն Հովհաննիսյան (լուսանկարներ)

Բազմաժանր նկարիչ... Պետրոս Մալայան (լուսանկարներ)

«Ես ինձ հիմա որպես մարդ ու արվեստագետ, տնային կալանքի եմ դատապարտել»... Զուլում Գրիգորյան (լուսանկարներ)

Երգիծանկարչության հիմնադիրը Եգիպտոսում… Ալեքսանդր Սարուխան (լուսանկարներ)

Իրենից սփռում է բարություն, գեղեցիկն ընկալելու անհագ ցանկություն… Ստեփան Մինասյան (լուսանկարներ)

«Հայրենիքը երազ էր ինձի համար»... Գրիգոր Նորիկյան (լուսանկարներ)

Մայրություն, անմեղություն, բարություն, կարոտախտ... Բյուզանդ Կոճամանյան (լուսանկարներ)

Իրապաշտական, սեզանական-կուբիստական պատկերային մտածողությունից մինչև սյուրռեալիզմ... Ռիշար Ժերանյան (լուսանկարներ)

Նկարիչ, քանդակագործ, կավագործ, դիզայներ և դասախոս… Լևոն Ժամկոչյան (լուսանկարներ)

Այնթափ, Սիրիա, Փարիզ… Բյուզանդ Թոփալյան (լուսանկարներ)

Ռեալիստական բնանկարների, կենցաղային պատկերների վարպետ ... Մանուել Թոլեկյան (լուսանկարներ)

«Պոպուլիստ» սալոնի առաջին մրցանակակիր... Արմիս (լուսանկարներ)