Հայաստանը դեռ պետք է մնա նախագահական երկիր. Սահմանադրագետ
Սահմանադրական իրավունքի մասնագետ Գաբրիել Բալայանը համաձայն չէ Սահմանադրական բարեփոխումների անցկացման ընդդիմախոսների այն հայտարարություններին, որոնց համաձայն Սահմանադրության նախագիծը գործող իշխանություններին վերարտադրվելու նոր ու լայն հնարավորություններ է ստեղծում:
«Հիմա ի՞նչն է խանգարում իշխանությանը վերարտադրվել, հիմա չի վերարտադրվո՞ւմ, դա պարզապես իշխանության ցանկությունից է: Այնպես չէ, որ գործող Սահմանադրության տեքստը բացառում է կամ արգելում վերարտադրվելը: Ես դա որոշակի առաջնահերթություն չեմ դիտարկում այս սահմանադրական բարեփոխումներում», -Panorama.am-ի թղթակցի հետ զրույցում ասաց Բալայանը:
Նրա ներկայացմամբ, Ազգային ժողովի ընտրություններում կայուն մեծամասնություն ապահովելու մասին գաղափարը Իտալիայի դիկտատոր Բենիտո Մուսոլինիին է պատկանում:
«Ազգային ժողովի ընտրություններում կայուն մեծամասնություն ստեղծելու նախատիպը, ինչքան էլ զավեշտալի հնչի, Մուսոլինին է իրագործել 1924 թվականին, և կայուն մեծամասնություն ապահովելու գաղափարը հենց Մուսոլինիի գաղափարն է: Դա 24 թվականի ընտրություններում 66 տոկոս ձայն ապահովեց նրան: Մուսոլինին չնայած կարողացավ 20 տարի պահել իշխանությունը, բայց հետագայում, նրա իշխանությունը տապալվելուց հետո, Իտալիան այս սկզբունքը պահպանեց որոշակի փոփոխություններով», -ներկայացրեց մասնագետը:
Բալայանի խոսքով, կայուն մեծամասնության սկզբունքը պահպանվում է Ֆրանսիայի տեղական ինքնակառավարման մարմինների ընտրություններում և 2-րդ փուլ անցնում են առավել թվով ձայներ հավաքած կուսակցությունները: Նրա ներկայացմամբ, կան սահմանադրություններ, որոնցում խորհրդարան անցողիկ շեմը սահմանված է` 5 տոկոս, 7 տոկոս և այլն:
Ինքը` սահմանադրագետը, կողմ է երկրի կառավարման խորհրդարանական մոդելին, բայց այս փուլում այն Հայաստանում կիրառելը վաղ է համարում:
«Նախագահական համակարգը այս քսան տարիների ընթացքում ապացուցել է իր էֆեկտիվությունը գոնե անվտանգության առումով: Ես մի քիչ չեմ կարող ընդունել այս պահին պառլամենտական մոդելին անցնելը, թեպետ կողմնակից եմ այդ համակարգին: Հայաստանի առջև դրված մարտահրավերները ներկայումս այլ բան են թելադրում: Հայաստանը դեռ պետք է մնա նախագահական երկիր», -հավելեց մեր զրուցակիցը:
Բալայանի պնդմամբ, Սահմանադրական բարեփոխումների մասնագիտական հանձնաժողովի գործունեությունը «աննախադեպ թափանցիկ է»:
«Ի տարբերություն նախորդ հանձնաժողովների, այս անգամ մասնագիտական հանձնաժողովը գործում է բաց, թափանցիկ ընդունում առաջարկություններ», -հավելեց մասնագետը:
Թեմային առնչվող հրապարակումներ`
Սահմանադրության նախագիծը դատավորներին անկախության երաշխիք չի տալիս. Սահմանադրագետ
Դատախազի վերաբերյալ Սահմանադրության նախագծում սահմանափակում չկա. Բալայան
Ովքե՞ր են ի պաշտոնե Անվտանգության խորհրդի անդամ լինելու. Սահմանադրագետի դիտարկումները
Սահմանադրության նախագծին դեմ են նրանք, ովքեր 2018-ին ցանկանում են նախագահի թեկնածու լինել. Սամվել Նիկոյան
Նոր Սահմանադրությամբ դատավորների «վախը չափողը» դառնում է ԱԺ-ն. Պարգև Օհանյան
Սահամանադրության նախագծով դատավորների անկախության երաշխիքն ավելի բարձր է, քան գործող Սահամանդրությամբ. Իշխանյան
Սահմանադրության նախագծում ամեն ինչի մեջ տրամաբանություն կա, մնում է լավ աշխատեցնել. Գագիկ Ղազինյան
Արա Զոհրաբյան. Ապագա Սահմանադրությունը, ընդունվելու դեպքում, չպետք է տեղ թողնի նույնասեռ ամուսնությունների համար
Վենետիկի հանձնաժողովը աննախադեպ գոհունակություն է հայտնել Սահմանադրության նախագծի վերաբերյալ. Արա Ղազարյան
2-րդ փուլի անցկացումը ժողովրդավարական ձեռքբերում է. Վարդան Պողոսյան
Իրական ականը հենց նախագծի հիմնադրույթներն աղավաղված ներկայացնելն է. Գևորգ Դանիելյան
Սահմանադրությամբ երկրի կառավարման մոդելի հստակեցումը ժամանակի պահանջն էր. Ռուստամ Մախմուդյան
Լրահոս
Տեսանյութեր
Նկարիչների միության շենքը պետականացնելուց հետո կարող է պայման դնեն՝ Արարատը չնկարեք . Փաստաբան
