Վանի հայկական պատմական եկեղեցին թուրք զինվորներն օգտագործել են որպես զուգարան
Թուրքիայի Վանի նահանգի Բաշքալե շրջանի Ալբայարաք (պատմ. Աղբակ) թաղամասում գտնվող հայկական Սուրբ Բարդուղիմեիոս վանքը թուրք զինվորների կողմից օգտագործվել է որպես զուգարան:
«Էրմենիհաբեր»-ի հաղորդմամբ, թուրքական «Dicle» լրատվական գործակալության թղթակից Սելման Քելեշը գործակալության կայքում հրապարակված իր հոդվածում անդրադարձել է եկեղեցու պատմությանը:
Ըստ Քելեշի` վանքը երկար ժամանակ գտնվել է ռազմական գոտում և ավերվել թուրք զինվորների կողմից: Զինվորները գանձ որոնելու նպատակով ցանկապատել են եղեկեցու շրջակայքը, վնասել պատերի սրբապատկերները:
«13-14րդ դդ. կառուցված վանքը իր վրա կրում է մշակութային ցեղասպանության հետքերը: 4-րդ դարում մահացած Սբ. Բարդուղիմեոսի գերեզմանի վրա կառուցված եկեղեցին մինչև Առաջին աշխարհամարտը գործող եկեղեցի է եղել, սակայն հայերի նկատմամբ իրագործված ցեղասպանության ժամանակ, հայերի ճակատագրի պես եկեղեցին էլ է ավերվել: Այնուհետև հանրապետության տարիներին, տարիներ շարունակ ռազմական գոտում գտնվող եկեղեցու շրջակայքում զինվորները խրամատներ են փորել իսկ ներսում իրենց բնական կարիքները հոգացել»-ասվում է հոդվածում:
Հեղինակի հավաստմամբ` պատմական հուշարձան հանդիսացող վանքը ներկայումս էլ գտնվում է ավերված և բարձիթողի վիճակում: Հուշարձանի պահպանության ու վերականգնման համար որևէ աշխատանք չի նախատեսվում:
Լրահոս
Տեսանյութեր
Ամեն սարի գլխին, փեշին, անտառներում հայկական հետքեր են. Քաշաթաղի հուշարձանները՝ մեկ գրքում