Հասարակություն 17:53 29/07/2016 Հայաստան

Բարի մաման

Հեղինակ` Լալա Տեր-Ղազարյան

«Մամ, հիվանդանոցում երեխա են թողել, առավոտ պիտի գնամ»: Մարինայի մայրն արդեն գիտի անելիքը: Տանը հավաքված շորերից ջոկջկում է տարիքին ու սեռին համապատասխան տոտիկները, շապիկները, օրվա որ ժամին էլ լինի՝  լվանում: Արդուկելը 80-ամյա տատիկի գործն է:Առավոտյան լքված փոքրիկին այցելում են բարի մամաները՝ տանելով առաջին անհրաժեշտության պարագաններ՝  տակդիր, ուտելիք, հագուստ…

«Մեր պարանից նորածնի շորերը չեն պակասում»,-Panorama.am-ի հետ զրույցում ժպիտով ասում է Մարինայի մայրը:

«Արսենի համար լավ նորություններ կլինեն», «Հովհաննեսին անհրաժեշտ գիշերանոթը գտանք», «Սիսիան գյուղի վեց երեխաների ուտելիքի հարցը լուծեցինք», «Բարի ամառ»-ի գումարը հավաքվեց», ««Բարի տնակ»-ն արդեն իրականություն է», «Մանկատան 15 սաներ կկարողանան գնալ Մանկական երկաթուղի»…


2016թ. հուլիս, Աղվերան, «Բարի ամառ»: Մանկատան, մանկատնից տուն վերադարձած և հաշմանդամություն ունեցող երեխաներն իրենց մայրիկների հետ:

Մարինա Ադուլյանի օրն անցնում է հաշմանդամություն ունեցող, լքված, ընտանիք վերադարձած, սոցիալական վատ պայմաններում ապրող երեխաների խնդիրներին տեղեկանալով, դրանց մասին բարձրաձայնելով, դրական լուծման մասին ավետելով: Իսկ դրանց մեջտեղում լարված վազք է:

«Բարի մամա» հասարակական կազմակերպությունը, որի հիմնադիրներից է Մարինան, ստեղծվեց 2014-ի վերջին: Ֆեյսբուքյան «Armenian Parents Corner» խմբում ծննդատանը գտնվող մայրիկներից մեկը կեսգիշերին մոտ տեղեկացրել էր, որ կողքի սենյակում առանց թաթիկների, առանց մեկ ոտքի ծնված երեխային ծնողները լքել են: Երեխան  անընդհատ լացում է, տակդիր է պետք,  հագուստ, կաթ:

Խմբի անդամ ծնողներից մի քանիսը հենց այդ գիշերը՝ ժամը 2-ին մոտ ծննդատուն են գնացել:

«Երկրորդ բալիկս նոր էր ծնվել: Հիշում եմ՝ ցուրտ օր էր: Գիշերով հիվանդանոցի պատերի տակ մի քանի մամաներով հավաքվեցինք, ով ինչ ուներ, բերել էր»,-պատմում է Մարինան:

Ծննդատան մոտ հավաքված ծնողներին արգելում են տեսնել երեխային, դա էլ նրանց օգնում է՝ արգելքը հաղթահարելու համար նոր ճանապարհներ փնտրել ու գտնել:

«Մեզ հետ մի մամա կար: Երբ չէին թողնում ներս մտնել ու երեխային տեսակցել, Նոնան հանպատրաստից ասաց՝  ես «Բարի մամա» միջազգային կազմակերպության նախագահն եմ: Ու մենք սկսեցինք մեզ կատակով բարի մամա ասել, հետո ամեն ինչ լրջացավ, այդ անունով ՀԿ հիմնեցինք»,-պատմում է «Բարի Մամա»-ի համահիմնադիրը:

Նույն օրերին բարիներն իմանում են, որ մեկ այլ ծննդատանն էլ արատով ծնված երեխային հարազատները թողել են: Աղջնակին էլ են սկսում  հագուստ, կաթ, տակդիր հասցնել:

«Քանի որ PR մենեջեր էի աշխատում, որոշեցի երգիչ երգչուհիների մասնակցությամբ մի արշավ կազմակերպել: Շապիկներ պատվիրեցինք, դրանց վրա լքված փոքրիկ տղայի ու աղջնակի անունները գրեցինք՝  կոչ անելով, որ նրանց որդեգրեն կամ էլ ընտանիքները վերցնեն երեխաներին»,-ասում է Մարինան:

Հենց այդ արշավից հետո այդ տղայի մայրն իմանում է՝ որդին ողջ է, մինչ այդ գիտեր՝ մահացել է: Ծննդատնից մանկատուն տեղափոխված երեխային այցերն ու աջակցությունը չի ընդհատվում:  Արդյունքում այսօր երկամյա տղան ծնողների հետ է ապրում:

«Ծնողներն ասում են՝ մենք ի՞նչ էինք անելու առանց նրա»,-ասում է Մարինան:

2014-ից մինչ այսօր կազմակերպության ու նրան անդամակցող մայրիկների հոգեբանական, նյութական,  ֆինանսական օժանդակության շնորհիվ 27 լքված բալիկ վերադարձել է կենսաբանական ընտանիք, 14 երեխային լքելու փորձ կանխվել է:

«Տարեկան մոտավոր 70-80 դեպք է գրանցվում, երբ տարբեր խնդիրներով ծնված երեխաներին թողնում են հիվանդանոցներում»,-Աշխատանքի և սոցիալական հարցերի նախարարության ՀԿ-ին տրամադրած տվյալներն է մեջբերում ՀԿ համահիմնադիրը: 

Հիմնադրման պահին մի քանի տասնյակ ծնողներ էին անդամակցում, հիմա արդեն նրանց թիվն անցնում է մի քանի հազարը, ամեն օր 30-40 ծնող անդամակցում է կազմակերպությանն ու միանում նրանց ֆեյսբուքյան խմբի նախաձեռնություններին:

... Արսենի մայրը որոշել էր հղիությունն ընդհատել՝ առանց բժիշկների միջամտության: Սոցիալական վատ պայմաններում էին ապրում, ամուսինն առողջական խնդիրներ ուներ: Դեղերը խմելուց հետո մտածել էր՝ վերջ: Ավելի ուշ պարզվել էր, որ պտուղը տեղում է: Ըստ հետազոտությունների պատասխանների՝ երեխան առողջ էր, առանց խնդիրների:

«Արսենը ծնվում է ողնաշարի ու աճուկային ճողվածքներով, հետանցք չուներ ընդհանրապես, ոտքի խնդիր ուներ: Ծնողները վիրահատությունից հետո երեխային թողել էին վերակենդանացման բաժանմունքում: Բժիշկներն էլ պապային հորդորել էին, թե՝ այդ վիրահատություններն ինքուրույն չեք կարող անել, թողեք մանկատանը...»,-հիշում է Մարինան:

Հոր հրաժարվելու պահին տեղ են հասել բարիները: Օգնել են և օգնում են ընտանիքին հոգալու երեխայի բուժման ծախսերը, երեխան մի քանի վիրահատությունների է ենթարկվել, հիմա ոտքն են բուժում: 11 ամսական Արսենն այսօր  մոր, հոր, եղբոր հետ Երևանում է ապրում՝ վարձած բնակարանում:

Մարինան ու Արսենը՝ հիվանդանոց գնալիս:

Մարինան վստահ է, որևէ ծնող չի ցանկանում երեխային լքել, դրան դրդում են սոցիալական վատ պայմանները, շատ դեպքերում բժիշկների սխալ խորհուրդներն ու հորդորները:

Երևանի պետական համալսարանում ռուսաց գրականություն ու հունարեն դասավանդող Մարինա Ադուլյանն իր ուսանողներին միշտ ասում է՝ արեք, այն ինչ ձեր սրտով է: Համալսարանում դժգոհում են՝  Մարինան գիտության մարդ է: Արդեն բանասիրական գիտությունների թեկնածու էր, երբ որոշեց բարությամբ զբաղվել: Ապրիլյան պատերազմի օրերին Մարինան մյուս մայրիկների հետ զոհված զինծառայողների հարազատների կողքին էր, օգնում էին՝ ինչով կարողանում էին:

Մարինան չի ցանկանում որ իրեն արածի համար շնորհակալություն հայտնեն: Հիշում է մի պատմություն. Հայրն ու տատը հրաժարվում էին տուն ընդունել հաշմանդամություն ունեցող բալիկին: Մարինան երեխայի մորն  օգնում է Արցախ մեկնել: Հետո կինը զանգահարում է, ասում, որ իր կնունքի ոսկե խաչը թողել է Մարինայի մեքենայի մեջ՝  ի նշան շնորհակալության:

«Ես, իհարկե, տաքսի վարձեցի, խաչն ուղարկեցի հետ»,-ասում է Մարինա մաման:

31-ամյա Մարինան խոստովանում է, որ իր ձեռնարկած որևէ գործ հաջողությամբ չէր պսակվի, եթե կողքին չլինեին ամեն վայրկյան կողքին կանգնող ընտանիքի անդամներն ու հարազատները.  «Իմ աշխատավարձով բալիկներիս համար ոչինչ չեմ առել՝  այն ամբողջությամբ «Բարի մամա»-ինն է:   Ամուսինս մենեջեր  է աշխատում: Ամեն պահ իմ կողքին է, մայրիկս, տատիկս… Երկու տարեկան աղջիկս էլ է նույնիսկ ինձ օգնում, երբ հանդիպումների ժամանակ լուռ նստում է, խաղում»:

  
«Բարի տնակ»-ում:

Հիմա նա մտածում է «Բարի տնակ»-ը «Բարի տուն»-ի վերածելու մասին: Գնումների դուրս եկած ծնողները երեխաներին կարող են թողնել «Բարի տնակ»-ի կամավորների հոգատար ձեռքերում, վճարի չափը՝ ըստ հայեցողության է: Այստեղ կազմակերպվում են ֆոտոսեսիաներ, ցուցադրվում թատերական ներկայացումներ և այլն, իսկ ստացած ողջ գումարն ուղղվում է հաշմանդամություն ունեցող երեխաների թերապիաներին ու բուժմանը:

«Բարի տունը լինելու է վայր, որտեղ կարող են ապրել ընտանիքի կողմից մերժված կինն ու հաշմանդամություն ունեցող երեխան: Ինչպես նաև՝ մանկատան հաշմանդամ սաները, որոնք 18 տարին լրանալուց հետո գնալու տեղ չունեն: Մտածում եմ, որ պետք է նրանք կարողանան  մասնագիտություն ձեռք բերել, ինչ-որ բան ստեղծել, հետո վաճառել՝ միգուցե հրուշակեղեն, խմորեղեն, ձեռագործ ինչ-որ բաներ: Տեսնենք, կախված է տարածքից»,-ասում է նա:

Իր առաջ դրած նպատակներով ու դրանց կատարմամբ, բարի մաման չի բավարարվում:  Մտքում էլի բաներ կան, առայժմ չի բարձրաձայնում:

 Լուսանկարները Panorama.am-ին տրամադրել է «Բարի մամա» ՀԿ-ն՝ ծնողների համաձայնությամբ:



Աղբյուր` Panorama.am
Share |

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

Լրահոս

22:32
Վրաստանում գրանցվել է կորոնավիրուսի առաջին դեպքը
Վրաստանի առողջապահության նախարար Էկատերինա Տիկարաձեն քիչ առաջ անցկացրած արտակարգ մամուլի ասուլիսի ժամանակ հայտարարեց, որ Վրաստանում արձանագրվել...
Աղբյուր` Panorama.am
22:27
«Այո»-ի տարբերանշան. Գումարը կբաշխվի բնօրինակը ստեղծողների միջև
ՔՊ կուսակցության հասարակայնության հետ կապերի համակարգող Վահագն Ալեքսանյանը Facebook-ի իր էջում գրել է. « Դե ինչ, ընկերներ,...
Աղբյուր` Panorama.am
20:35
Առաջիկա օրերին սպասվում է առանց տեղումների եղանակ
Հանրապետության տարածքում փետրվարի  27-29-ը, մարտի 2-ի ցերեկը սպասվում է առանց տեղումների եղանակ։ Մարտի 1-ին շրջանների զգալի մասում, 2-ի...
Աղբյուր` Panorama.am
20:30
Կամերային երաժշտության ազգային կենտրոնը կհամալրվի երաժշտական նոր գործիքներով
ՀՀ ԿԳՄՍ նախարարությունում Հայաստանում Ճապոնիայի դեսպանության և «Կամերային երաժշտության ազգային կենտրոն» ՊՈԱԿ-ի միջև Ճապոնիայի...
Աղբյուր` Panorama.am
20:27
Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար
Արտակարգ իրավիճակների նախարարությունը տեղեկացնում է, որ փետրվարի 26-ի ժամը 17:00-ի դրությամբ ՀՀ տարածքում կան փակ և դժվարանցանելի...
Աղբյուր` Panorama.am
20:23
Հանդես կգամ հայտարարությամբ. հանրաքվեի «Այո»-ի տարբերանշանի հեղինակ
Սահմանադրական փոփոխությունների հանրաքվեի «Այո» քարոզչական կողմի տարբերանշանի հեղինակ Garoon գործակալության տնօրեն Ռաֆայել Դանիելյանը...
Աղբյուր` Panorama.am
20:21
Փաունդը մարզիկներին հորդորել է չմտածել մրցումները չեղյալ հայտարարելու մասին, խաղերը կկայանան
Միջազգային օլիմպիական կոմիտեի (ՄՕԿ) անդամ Ռիչարդ Փաունդը կարծում է, որ մինչև մայիսի վերջ պետք է վերացնել  բոլոր կասկածները ամառային...
Աղբյուր` Panorama.am
20:16
Հայաստանում ավելի քան 1 միլիոն մարդու աշխատավարձը կամ թոշակը կամ նպաստը բարձրացել է. Փաշինյան
ՀՀ վարչապետ Նիկոլ Փաշինյանը ֆեյսբուքյան իր էջում գրել է. «2018 թվականի մայիսից մինչ օրս Հայաստանում ավելի քան 1 միլիոն մարդու...
Աղբյուր` Panorama.am
20:14
«Քննադատությունը և դրա հիմք հանդիսացող ինֆորմացիան տեղ է հասել, շնորհակալ ենք»
ԱԺ «Իմ քայլ»-ը խմբակցության պատգամավոր Վահագն Թադևոսյանը ֆեյսբուքյան իր էջում անդրադառնալով «Այո» քարոզչական կողմի...
Աղբյուր` Panorama.am
20:11
Անչափահասը ձերբակալվել է՝ մեկ այլ անչափահասի դիտավորությամբ ծանր մարմնական վնաս պատճառելու կասկածանքով
2020թ. փետրվարի 22-ին՝ ժամը 16:50-ին,  ոստիկանության Հրազդանի բաժնում «Հրազդան» ԲԿ-ից հաղորդում է ստացվել  այն մասին,...
Աղբյուր` Panorama.am
20:06
Զ.Մնացականյանը Պաղեստինի ԱԳ նախարարին ներկայացրել է ԼՂ խաղաղ կարգավորման գործընթացում Հայաստանի դիրքրքշումը
ՄԱԿ Մարդու իրավունքների խորհրդի 43-րդ նստաշրջանին մասնակցելու նպատակով Ժնևում գտնվող ՀՀ ԱԳ նախարար Զոհրաբ Մնացականյանը   հանդիպել է...
Աղբյուր` Panorama.am
20:01
Նման դեպքերում ամենավնասակար ազդեցությունը կարող է ունենալ խուճապը, որը պետք է հիմնովին բացառել.Իրանում ՀՀ դեսպան
Իրանի Իսլամական Հանրապետությունում Հայաստանի Հանրապետության արտակարգ և լիազոր դեսպան Արտաշես Թումանյանը հորդորել է խուճապ չտարածել կորոնավիրուսի...
Աղբյուր` Panorama.am
19:56
Շարապովան հեռանում է մեծ սպորտից
Ռուս թենիսիստուհի Մարիա Շարապովան հեռացել է մեծ սպորտից։ Այս մասին նա գրել է «Vanity Fair»-ի իր հոդվածում։ Lenta.ru-ն գրում է,...
Աղբյուր` Panorama.am
19:51
Երկրի առաջին դեմքը պետք է զերծ մնա նախընտրական տրամաբանությունից բխող հայտարարություններից. Կ.Քոչարյան
Քաղաքական տեխնոլոգ  Կարեն Քոչարյանը ֆեյսբուքյան իր էջում հրապարակել է բաց նամակ՝ ուղղված ՀՀ վարչապետ Նիկոլ Փաշինյանին:  ...
Աղբյուր` Panorama.am
19:46
Սիրողական բռնցքամարտի միջազգային ասոցիացիայի եվրոպական ֆորումը չեղարկվել է կորոնավիրուսի պատճառով
Սիրողական բռնցքամարտի միջազգային ասոցիացիայի եվրոպական ֆորումը, որ պետք է տեղի ունենար փետրվարի 29-ին Իտալիայում, չեղարկվել է կորոնավիրուսի...
Աղբյուր` Panorama.am
19:44
Գագիկ Խաչատրյանը ևս 2 ամիս կմնա կալանքի տակ
ՊԵԿ նախկին նախագահ, ֆինանսների նախկին նախարար Գագիկ Խաչատրյանի կալանքի ժամկետը երկարացվել է ևս երկու ամսով։ Այս մասին տեղեկացրել է ...
Աղբյուր` Panorama.am
19:32
Պետական իշխանության մարմիններում հաստիքների առավելագույն թիվն ավելացել է երկուսով
Պետական իշխանության մարմիններում հաստիքների առավելագույն թիվը ավելացել է։ Այս մասին տեղեկանում ենք Հայաստանի Հանրապետության վարչապետի պաշտոնական...
Աղբյուր` Panorama.am
19:21
Թեհրան-Երևան ինքնաթիռի 52 ուղևորի մոտ որևէ գանգատ կամ ջերմություն չի արձանագրվել
Այսօր աշխարհի առանձին երկրներում, մասնավորապես՝ Չինաստանում, նոր կորոնավիրուսային վարակով (CՕVID-19) պայմանավորված համաճարակային իրավիճակը դեռևս...
Աղբյուր` Panorama.am
19:14
ԱԳ նախարարը հանդիպել է Ուզբեկստանի Օլի Մեջլիսի փոխխոսնակ Ակտամ Խաիտովի հետ
Ժնևում փետրվարի 26-ին տեղի է ունեցել ՀՀ ԱԳ նախարար Զոհրաբ Մնացականյանի հանդիպումը Ուզբեկստանի Օլի Մեջլիսի (խորհրդարան – խմբ.) փոխխոսնակ...
Աղբյուր` Panorama.am
19:03
Ոռոգման սեզոնի մեկնարկին ընդառաջ առկա խնդիրները
ՀՀ էկոնոմիկայի նախարարի տեղակալ Տիգրան Գաբրիելյանը փետրվարի 26-ին կազմակերպել էր հանդիպում, որի հիմնական նպատակն էր քննարկել ոռոգման սեզոնի...
Աղբյուր` Panorama.am
18:53
Իրանից ՀՀ քաղաքացիներին բերող օդանավը 16:00-ին վայրէջք է կատարել. Ա.Ավագյան
Իրանի Իսլամական Հանրապետությունից ՀՀ քաղաքացիների առաջին խումբը հատուկ չվերթով վերադարձել է Հայաստան: «Արմենպրես»-ի հետ զրույցում...
Աղբյուր` Panorama.am
18:51
«Norma» ապրանքանիշը կվերսկսի արտադրությունը
ՀՀ սննդամթերքի անվտանգության տեսչական մարմինը, պետական վերահսկողության արդյունքում հայտնաբերված սանիտարահիգիենիկ նորմերի խախտումների հիման վրա,...
Աղբյուր` Panorama.am
18:42
Երևանում մեկնարկել է Հայաստանի սպորտային մարմնամարզության առաջնությունը
Երևանում այսօր սկսվեց Հայաստանի սպորտային մարմնամարզության առաջնությունը, տեղեկացնում է ՀԱՕԿ-ը:  Կանայք մրցում են Հրանտ Շահինյանի, իսկ...
Աղբյուր` Panorama.am
18:34
Ամենայն Հայոց Կաթողիկոսն ընդունեց ՀՀ-ում Ավստրալիայի դեսպանին
Փետրվարի 26-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Հայաստանի...
Աղբյուր` Panorama.am
18:28
Պակիստանը մարել է ՌԴ-ին ունեցած 93,5 միլիոն դոլար պարտքը
Պակիստանը  վճարել է ՌԴ-ին ունեցած  93,5 միլիոն դոլար պարտքը, որը գոյացել էր  Խորհրդային Միության հետ առևտրի ընթացքում։ Այս...
Աղբյուր` Panorama.am
18:18
Հայկական ժանյակի բացառիկ նմուշները բրիտանական «Լեյս» ամսագրում
Հովհաննես Շարամբեյանի անվան ժողովրդական ստեղծագործության կենտրոնում ցուցադրվող հայկական ժանյակի բացառիկ նմուշները տեղ են գտել Մեծ Բրիտանիայում...
Աղբյուր` Panorama.am
18:14
Մարինա Գրիգորյան. Խոջալուի օպերացիան Ստեփանակերտի բնակչության համար ապրելու, գոյությունը պաշտպանելու հնարավորություն էր
«Խոջալուի ռազմական օպերացիայի մասին խոսելիս շատ կարևոր է նշել, թե ինչ էր տեղի ունեցել մինչև այդ  և ինչո՞ւ էր հայկական կողմը ստիպված...
Աղբյուր` Panorama.am
18:12
Շիրակի մարզի 65-ամյա բնակչուհուն մեղադրանք է առաջադրվել՝ պոռնկությամբ զբաղվելուն առերևույթ նպաստելու համար
ՀՀ քննչական կոմիտեի Շիրակի մարզային քննչական վարչությունում քննվող քրեական գործով պարզվել է, որ Շիրակի մարզի 65-ամյա բնակչուհին, աշխատելով նույն...
Աղբյուր` Panorama.am
18:01
Արվեստագետն առաջարկ է արել վարչապետին ու նախագահին
Սահակ Պողոսյանը նաև ֆլեշմոբ է հայտարարել:
Աղբյուր` Panorama.am
17:52
Արմինե Ադիբեկյան. Xocali.net կայքով մենք տասը տարի առաջ ուժգին հարված հասցրեցինք ադրբեջանական քարոզչամեքենային
«Տասը տարի առաջ մենք շատ ուժգին հարված հասցրեցինք ադրբեջանական քարոզչամեքենային Xocali.net կայքում բացահայտելով և հանրությանը հանձնելով...
Աղբյուր` Panorama.am

Տեսանյութեր

Սերժ Սարգսյանը շնորհակալություն հայտնեց դատարանի դիմաց հավաքված իր աջակիցներին
16:42 25/02/2020

Սերժ Սարգսյանը շնորհակալություն հայտնեց դատարանի դիմաց հավաքված իր աջակիցներին

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.header.spell_message1":"\u0546\u0577\u057e\u0561\u056e \u057d\u056d\u0561\u056c\u0568` ","core.blocks.header.spell_message2":"\u0548\u0582\u0572\u0561\u0580\u056f\u0565\u055e\u056c \u0570\u0561\u0572\u0578\u0580\u0564\u0561\u0563\u0580\u0578\u0582\u0569\u0575\u0578\u0582\u0576 \u057d\u056d\u0561\u056c\u056b \u0574\u0561\u057d\u056b\u0576:"}