
Բորիս Շատվերյանը` բրոնզե մեդալակիր
Ռումինիայի Պլոեշտի քաղաքում մեկնարկած սամբոյի 2016 թ. աշխարհի պատանիների և երիտասարդների առաջնության մրցումային երրորդ օրը հայ մարզիկներից Բորիս Շատվերյանը Հայաստանի համար նվաճել է երրորդ մեդալը:
Ինչպես տեղեկացնում է Հայաստանի սամբոյի ֆեդերացիայի մամուլի ծառայությունը, 70 կգ քաշային կարգում հանդես եկող մեր պատանի մարզիկը կիսաեզրափակչում հանդիպել է Վրաստանի ներկայացուցիչ Գագի Լիչելիի հետ և պարտություն կրեց: Բորիսը նվաճել է աշխարհի առաջնության բրոնզե մեդալ:
Հիշեցնենք, որ ևս մեկ բրոնզե մեդալ էր նվաճել 52 կգ քաշային կարգում հանդես եկող Արմեն Նիկողոսյանը, իսկ մրցումային առաջին օրը հայ մարզիկներից Արթուր Մանուկյանը` 48 կգ, արժանացել էր արծաթե մեդալի:
Լրահոս
Տեսանյութեր



