Ձեր վստահելի աղբյուրը

Ամերիկյան ֆենտեզի ժանրով «Գահերի խաղը» դրամատիկ հեռուստասերիալը հայտնի է գրեթե բոլորին, իսկական «սերիալային հսկա» է, որը  համարյա ամեն տարի ստանում է հեղինակավոր մրցանակներ, մեծ եկամուտ է բերում կինոընկերությանը:  Ըստ  gmbox.ru կայքի, պարզվում է, որ ֆիլմը հարստացնում է ոչ միայն հեռուստասերիալի խմբին և կինոընկերությանը, այլ նաև Հյուսիսային Իռլանդիային: Northern Ireland Screen-ի հաշվարկներով, 2010 թվականից, երբ ներկայացվեց ֆիլմը, այն Իռլանդիային բերել է մոտ 206 միլիոն դոլար:

Իսկ ինչ կապ կա ֆիլմի և Հյուսիսային Իռլանդիայի միջև: Սերիալում  բազմաթիվ  վայրերի համար օգտագործվել է Հյուսիսային Իռլանդիայի լանդշաֆտը: Բացի այդ, հենց Իռլանդիայում է գտնվում «Վինտերֆելլ» ամրոցը, որն իրականում Ուարդ ամրոցն է:

NI Screen -ի հաշվարկներով՝ 206 միլիոն դոլար գումարը գոյացել է մի քանի աղբյուրից՝ վճար նկարահանումների թույլտվության համար, առանձին կառույցների վարձակալություն, տուրիստների թողած գումարներ, ովքեր գալիս են նայելու իրենց սիրելի սերիալի գործողության վայրերի նախատիպերը, և այլն:

Բացի այս, «Գահերի խաղը» ոչ միայն Իռալանդիայի պետական գանձարանն է հարստացրել,  նաև տեղի բնակիչներին. ֆիլմի նկարահանումների մեջ ներգրավվել է 2800 մարդ, ովքեր կատարել են այս կամ այն աշխատանքը: Առաջիկա երկու տարվա ընթացքում սերիալի նկարահանումները շարունակվելու են: NI Screen-ի կանխատեսմամբ, այդ ընթացքում Իռլանդիայի տնտեսությունը կհարստանա ևս 25 միլիոն դոլարով: