Հասարակություն 20:30 04/11/2016 Հայաստան

Ադամն իր կյանքի տաղանդավոր գծանկարը գծեց մարտի դաշտում՝ ապրիլի 1-ի լույս 2-ի գիշերը

Ալեքսանդր Թամանյանի անվան ճարտարապետության ազգային թանգարան-ինստիտուտի «Թամանյան» սրահում այսօր բացվեց ապրիլյան պատերազմի հերոս Ադամ Սահակյանի՝ Ճարտարապետության և շինարարության Հայաստանի ազգային համալսարանում ուսանած տարիների ընթացքում արված գրաֆիկական աշխատանքների ցուցահանդեսը: 

Ճարտարապետության և շինարարության Հայաստանի ազգային համալսարանի դիզայնի ֆակուլտետում  մեկ տարի ուսանելու ընթացքում Ադամը հեղինակել էր երկու տասնյակից ավելի գրաֆիկական աշխատանքներ, որոնք, ընտանիքի արխիվից այսօր ներկայացվեցին հանրությանը:

Ցուցահանդեսը մարդաշատ էր, այնտեղ էին ոչ միայն Ադամի բարեկամներն ու ընկերները, այլև անծանոթ մարդիկ, երիտասարդներ, որոնք Ադամին ճանաչեցին նրա հերոսանալուց հետո:

«Ապրիլյան պատերազմում հերոսացած Ադամ Սահակյանի հետ կապված ամեն մի հուշը, պատմությունը թանկ է մեզ համար: Եւ ոչ միայն Ադամի, այլև բոլոր հերոսների, որոնք զոհվեցին ապրիլյան պատերազմում»,- ասում են երիտասարդները:

Ադամի ծնողների համար իրենց որդու ամեն մի աշխատանքը որդուց մնացած հուշ է։
«Ցուցահանդեսում ներկայացված է 22 աշխատանք, որոնք Ադամի նախահամալսարանական շրջանի և համալսարանում սովորած տարիների  ընթացքում ստեղծված գործերն են: Դրանք ոչ միայն մեզ, այլև շատերի համար թանկ գործեր են: Այս ցուցահանդեսը բացվել է նաև այն մարդկանց ցանկությամբ, որոնք սիրեցին Ադամին, իմ բարի ու պարզ տղային»,- Panorama.am-ի թղթակցի հետ զրույցում նշում է Ադամի մայրը՝ Գայանե Սահակյանը: 

Ադամի մայրը լի էր և հպարտությամբ, և տխրությամբ: Որքան էլ դժվար է, բայց մայրը խոստովանում է՝  որդին զոհվել է հանուն հայրենիքի, ինչն ամենից թանկ է, և երբեք չի փոշմանել, որ Ադամին հենց այսպիսին է դաստիարակել: «Կյանքով լեցուն, կյանքը սիրող երիտասարդ էր, շատերից չտարբերվող, բայց նաև տարբերվող Ադամը ծնվել էր հերոս լինելու համար»,- ասում է տիկին Գայանեն:

Ադամի աշխատանքները տեսնելուց հետո ճարտարապետ Նարեկ Սարգսյանը խոստովանում է՝  մենք կորցրել ենք շատ լավ ճարտարապետի:

«Պետք է անկեղծ ասեմ՝  ակնհայտ երևում է, որ Ադամը շնորհալի, տաղանդավոր երիտասարդ է եղել,  և մենք կորցրել ենք շատ լավ ճարտարապետի: Նայում եմ իր աշխատանքները, գծանկարները, տարածական պատկերացումները, գծի նկատմամբ իր զգացմունքներն ու հասկանում, որ նա իսկապես ստեղծագործ, մտավորական երիտասարդ էր, և այդ ամեն ինչն արտահայտվում է նաև այսօրվա ցուցահանդեսում: Դրա համար եմ շատ ցավում: Մեր երիտասարդների հիշատակը, որոնք զոհվեցին հայրենիքը պաշտպանելու համար, պետք է ամեն կերպ փորձենք վառ պահել»,- նշում է Քաղաքաշինության պետական կոմիտեի նախագահ Նարեկ Սարգսյանը՝ հավելելով, որ ինքն Ադամի ծնողներին առաջարկել է՝ այս գրաֆիկական աշխատանքները տպագրեն և ամփոփեն ալբոմում:

Ազգային ժողովի փոխնախագահ Հերմինե Նաղդալյանն էլ իր շնորհակալությունը հայտնեց  Ադամի ծնողներին, հերոսներ ծնող և դաստիարակող հայ ծնողներին. «Շնորհակալություն Ադամին, շնորհակալություն մեր մյուս հերոս տղաներին, որոնք ոչ մի վայրկյան չվարանեցին հայրենիքի համար, ոչ մի վայրկյան չմտածեցին, բայց վստահ եմ, որ մտածելու դեպքում էլ հաստատ նույն որոշումն էին կայացնելու, նույն կերպ էին վարվելու, քանի որ այդպես են դաստիարակել իրենց ծնողները, որովհետև այդպիսի կրթություն ու դաստիարակություն են ստացել իրենց ուսուցիչներից, որովհետև այդ դասն ու պատգամն են ստացել հայոց մեծերից: Ուզում եմ շնորհակալություն հայտնել Ադամի մայրիկին ոչ միայն  նրա համար, որ ինքը Ադամ ծնեց, այլ  նաև նրա համար, որ մեր երիտասարդությանը օրինակ տվեց՝ ինչպես կարելի է որդի դաստիարակել: Հպարտ եմ մեր տղաներով, Ադամով և իր ընկերներով, յուրաքանչյուր հայ մարդ այսօր կարող է հանգիստ ապրել՝ իմանալով, մեր երկիրն ունի այնպիսի զավակներ, ինչպիսին Ադամն էր»:

Ադամի եղբոր՝ Մուշեղ Սահակյան խոսքերով, եղբոր կորստի ցավը չի մեղմացել, այսօր էլ դժվարությամբ է հավատում, որ Ադամը չկա, բայց երախտագիտության զգացումով է լցվում, երբ տեսնում է, որ եղբորը բոլորն են հիշում:

«Մենք այն ազգերի թվին ենք պատկանում, որ միշտ հիշում ենք մեր հերոսներին, այն հերոսներին, որոնք պայքարել են հայրենի հողի համար: Ապրիլին և ապրիլից հետո տեսնում ենք, թե ինչպես է հայ ժողովուրդը հիշում ու ճանաչում իր հերոսներին, շնորհակալ ենք դրա համար»,- ասում է Մուշեղը ու հավելում, որ  այդ ամենը երևում է նաև սոցիալական ցանցերում, գրված մեկնաբանություններում, որտեղ մարդիկ իրենց երախտագիտություն են հայտնում Ադամին և մեր մյուս հերոսներին:

«Այո, կարոտը կա, մենք կարոտում ենք Ադամին և միևնույն ժամանակ հպարտություն ենք զգում: Նրանք առասպելական հերոսներ են և իզուր չէ, որ ապրիլյան պատերազմը նախագահը համեմատեց Սարդարապատի դեպքերի հետ՝ նշելով, որ տղաները նույն Սարդարապատի, Բաշ-Ապարանի, Ղարաքիլիսայի հերոսներն են և հարյուր տարի հետո էլ երախտապարտ սերունդները հիշելու են նրանց»,- նշում է Մուշեղ Սահակյանը:

Եղբայրը պատմում է, որ սերժանտ Ադամ Սահակյանը 2016թ.-ի ապրիլի 1-ի լույս 2-ի գիշերը, գտնվելով առաջնագծում և լինելով 112-րդ մարտական դիրքի ավագը, գլխավորել է մարտը՝ զինակից ընկերների հետ մարտնչելով թշնամու դեմ և վերջինիս հասցրել զգալի կորուստներ: Ադամի՝ թշնամու դեմ մղած ժամեր տևած պայքարը հնարավորություն է տվել Ջաբրայիլի գնդին տեղակայվել և ամրանալ ռազմաճակատի 2-րդ գծում:

Արդյունքում՝ Ադամն  իր զինակից ընկերներով կոտրելով  թշնամու ողնաշարը՝ կանխել են նրա առաջխաղացումը դեպի երկրի խորքը և տապալել հակառակորդի մշակած՝ կայծակնային պատերազմի միջոցով արագ հաղթանակի հասնելու ծրագիրը:

«Ադամը 9 հոգանոց ջոկատով կանգնեցրել է հարյուրավոր հատուկ ջոկատայինների: Տղաներն ընդամենը 18-20 տարեկան էին, բայց պայքարել են մինչև արյան վերջին կաթիլը:

Փամփուշտները վերջանալուց հետո էլ Ադամը  հետ չի վերադարձել և բազմաթիվ կյանքեր է փրկել, իսկ եթե նահանջեր, ապա հետևանքները կարող էր անդառնալի լիներ Արցախի համար: Այդ պայքարի շնորհիվ է նաև, որ կասեցվել է հակառակորդի գրոհը՝ տապալելով բլից-կրիգը, և առաջին տապալողներից մեկը եղել է Ադամ Սահակյանը: Մենք պարտավոր ենք հիշել Ադամին և Ադամներին»,- ասում է Ադամի եղբայրը և ավելացնում. «Ադամի ամենամեծ ստեղծագործությունը եղել է մարտի դաշտում՝ ապրիլի 1-ի լույս 2-ի գիշերը, որտեղ իր ընկերների հետ նա մնալով 112 դիրքում մինչև արյան վերջին կաթիլը պայքարեց թշնամու դեմ: Նրանք հաղթանակ բերեցին մեզ և խոշոր պարտություն՝ Ադրբեջանին: Մենք այդ գլուխգործոցի համար պետք է շնորհակալ լինենք Ադամին և բոլոր տղաներին»:



Աղբյուր` Panorama.am
Share |

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

Լրահոս

10:24
Ալմ Աթիում Նազարբաևից ոչինչ չի մնացել
Ղազախստանի Ալմ Աթի քաղաքը հրաժեշտ է տվել  այդ երկրի առաջին նախագահ Նուրսուլթան Նազարբաևին։ Քաղաքում նրա համար այլևս տեղ չկա։ MK.ru-ն...
Աղբյուր` Panorama.am
10:15
Պեսկովը հնարավոր է համարել ԱՄՆ-ի հետ բոլոր կապերի խզումը
Մոսկվայի դեմ ԱՄՆ-ի նոր պատժամիջոցները, այդ թվում՝ Ռուսաստանի Դաշնության ղեկավարության դեմ, կարող են հանգեցնել երկու երկրների հարաբերությունների...
Աղբյուր` Panorama.am
10:07
Թուրքիայում մահացած են գտել ՄԱԿ-ի համակարգող անդամին
Թուրքիայի Էրջիես լեռնադահուկային հանգստավայրի փրկարարները հայտնաբերել են ՄԱԿ-ի համակարգող անդամ, Կանադայի քաղաքացի Մայքլ Կրիֆթի դին։ Այս մասին...
Աղբյուր` Panorama.am
10:00
Սպուտնիկ V-ով պատվաստվածներին թույլ են տվել մուտք գործել Ավստրալիա
Ավստրալիայի ներքին գործերի նախարարությունը թույլ է տվել Սպուտնիկ V-ի երկու չափաբաժին պատվաստված մարդիկ մուտք գործեն երկիր։ Ռիա նովոստիի...
Աղբյուր` Panorama.am
09:49
Գառնու տաճարը ներառվել է Հռոմեական կայսրության օրոք կառուցված աշխարհի լավագույն հուշարձանների ցանկում
Բելգիական ճանաչված Le Vif Weekend առցանց պարբերականը հրապարակել է Հին հռոմեական ժամանակաշրջանի (մ.թ.ա. 754/753 - մ.թ. 476) ժառանգությանը...
Աղբյուր` Panorama.am
09:40
Ալմաթիում անկարգությունների հետևանքով հասցված վնասի չափը ճշգրտվել է
Ալմաթիում անկարգությունների և ահաբեկչական գործողությունների հետևանքով հասցված վնասի նախնական չափը հասել է գրեթե 260 մլն դոլարի, այդ թվում ՝...
Աղբյուր` Panorama.am
09:31
Արքայազն Հարրին հայց կներկայացնի Մեծ Բրիտանիայի կառավարության դեմ
Արքայազն Հարրին որոշել է հայց ներկայացնել Մեծ Բրիտանիայի կառավարության դեմ՝ պահանջելով վերադարձնել իրեն ոստիկանական պաշտպանությունը։...
Աղբյուր` Panorama.am
09:22
Սյունիքի, Արագածոտնի և Շիրակի մարզերի ավտոճանապարհներին մերկասառույց է
Արտակարգ իրավիճակների նախարարությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ։ Փակ է Արագածոտնի մարզում...
Աղբյուր` Panorama.am
09:15
Համազգային դիմադրության ձևավորումը այլընտրանք չունի. Իշխան Սաղաթելյան
ՀՅԴ Հայաստանի Գերագույն մարմնի անդամները և ԱԺ «Հայաստան» խմբակցության պատգամավորները յոթ քաղաքներում հանդիպումներ են ունեցել իրենց համակիրների հետ:
Աղբյուր` Panorama.am
09:09
Մահացել է Հայաստանի վաստակավոր նկարիչ Ռուբեն Արուտչյանը
Հրաժեշտի արարողությունը կկայանա հունվարի 18-ին, ժամը 12:00-13:00 Հայաստանի նկարիչների միության շենքից
Աղբյուր` Panorama.am
09:00
Այսօրվա հոսանքազրկումների մասին
Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ հունվարի 17-ին պլանային նորոգման աշխատանքներ իրականացնելու...
Աղբյուր` Panorama.am
23:43
Ուխտագնացություն՝ Գանձասարի Սուրբ Հովհաննես Մկրտիչ Եկեղեցի
Գանձասար էին ժամանել Տավուշի թեմի հոգևորականաց դասը՝ առաջնորդությամբ Տեր Բագրատ եպիսկոպոս Գալստյանի, զոհված և անհայտ կորած ազատամարտիկների ծնողներ և Արցախի թեմի հավատավոր զավակներ:
Աղբյուր` Panorama.am
23:30
Տեղի բնակչի հետ կապված միջադեպով էլի շրջանառության մեջ դրվեց անթույլատրելի քաղաքական մոտեցումը. ՄԻՊ
«Մինչև սահմանների որոշման պաշտոնական գործընթացների ավարտը ի՞նչ գործ ունեն ադրբեջանական զինված ծառայողներ, որոնք հիմնովին խաթարել են մարդկանց բնականոն կյանքը»:
Աղբյուր` Panorama.am
23:23
Ժիրինովսկին ենթադրում է՝ Նազարբաևը մահացել է, նրան հուղարկավորել են
Ռուսաստանի Լիբերալ-դեմոկրատական կուսակցության հիմնադիր և նախագահ Վլադիմիր Ժիրինովսկին ենթադրում է, որ Ղազախստանի նախկին նախագահ Նուրսուլթան...
Աղբյուր` Panorama.am
23:00
Վարդան Ոսկանյան. Հայաստանում պետք է արմատավորել «Արցախը հետ բերենք, որ լավ ապրենք» մտայնությունը
Իրանագետ Վարդան Ոսկանյանը գրում է. «Սոցցանցերում ադրբեջանցի օգտատերերը բողոքում են իրենց երկրում սոցիալ-տնտեսական իրավիճակի...
Աղբյուր` Panorama.am
22:31
Սեքսուալ համատեքստ ու պարտության վախ. Ինչպե՞ս է Պորոշենկոյի կուսակցությունը սատարում նրան
«Մարտում պետք է Պորոխ, և ոչ թե վաԶելին»,-նման կարգախոս է ընտրել «Եվրոպական համերաշխություն» կուսակցությունն ի...
Աղբյուր` Panorama.am
22:27
Սերժ Սարգսյանը «Արցախյան հակամարտության խաղաղ կարգավորման բանակցային գործընթացը» թեմայով բանախոսությամբ է հանդես եկել
Քաղաքացիական կրթության դպրոցի մասնակիցներից բացի հանդիպմանը մասնակցել են նաև ոլորտի փորձագետներ և ԼՂ հակամարտության խաղաղ կարգավորման բանակցային գործընթացով հետաքրքրված գործիչներ:
Աղբյուր` Panorama.am
21:40
Աշոտյանի արձագանքը Լևոն Տեր-Պետրոսյանին
«Նախագահ Սարգսյանն ու Հանրապետականը բազմիցս են ապացուցել իրենց համար պետական շահի գերակայության իմպերատիվը, ինչում առիթներ է ունեցել համոզվելու նաև Լեւոն Տեր-Պետրոսյանը»։
Աղբյուր` Panorama.am
21:21
Խաղաղապահների միջնորդությամբ Արցախի քաղաքացին փոխանցվել է հայկական կողմին. ԱՀ ԱԱԾ
Այսօր ռուսական խաղաղապահ ուժերի միջնորդությամբ հայկական կողմին է փոխանցվել հունվարի 14-ին մոլորվելու հետևանքով ադրբեջանցիների մոտ հայտնված՝...
Աղբյուր` Panorama.am
21:00
Գիտնականներն անսպասելիորեն հայտնաբերել են ցրված սկլերոզի պատճառը
Ցրված սկլերոզն անհայտ էթիոլոգիայի ծանր հիվանդությունը, ամենայն հավանականությամբ՝ Էպշտեյն-Բար վիրուսից առաջացած հերպեսի տեսակից վարակի...
Աղբյուր` Panorama.am
20:00
Հաշմանդամություն ունեցող երեխաների ծնողները կարում են էկո/կտորե տոպրակներ
«Էկո պայուսակ #ինձհետ» սոցիալական ձեռնարկատիրությունը   մեկնարկել է #ինձհետ սոցիալ-բնապահպանական էկո-արշավը, որի նպատակն է...
Աղբյուր` Panorama.am
19:51
ՄԱԿ. Անհնար է մինչև 2022 թվականի կեսերը երկրի բնակիչների 70 տոկոսին պատվաստել
ՄԱԿ-ի գլխավոր քարտուղար Անտոնիո Գուտերեշը հայտարարել է, որ աշխարհի բնակչության 70 տոկոսին մինչև այս տարվա կեսերը հնարավոր չի լինի պատվաստել...
Աղբյուր` Panorama.am
19:50
Ի՞նչ ենք մենք հակադրում Ադրբեջանի և Թուրքիայի ուղղակի և անուղղակի հակահայկական օրակարգերին. Արտակ Զաքարյան
«Թուրքիան Ադրբեջանին ներգրավում է տարածաշրջանային հակառուսական պրոյեկտներում, ինչը հնարավորություն կտա ՌԴ հետ նոր սակարկություններ սկսել, որտեղ կարող են տրորվել նաև Հայկական շահերը»։
Աղբյուր` Panorama.am
19:45
Հայաստանի ազգային հավաքականը Երևանում ընկերական խաղ կանցկացնի Մոնտենեգրոյի հետ
Հայաստանի ազգային հավաքականը մարտի 25-ին Երևանում ընկերական հանդիպում կանցկացնի Չեռնեգերիայի ազգային հավաքականի դեմ։ Այս մասին հայտնում է...
Աղբյուր` Panorama.am
19:34
2022 թվականին տնտեսական առումով անբարենպաստ է լինելու Թուրքիայի և Բրազիլիայի համար.Փորձագետ
Ֆինանսական տեխնոլոգիաների և թվային տնտեսության ուսումնասիրության Skolkovo-NES կենտրոնի տնօրեն Օլեգ Շիբանովը «Prime» գործակալությանը...
Աղբյուր` Panorama.am
19:30
Աճյունների որոնողական աշխատանքներն արդյունք չեն տվել
Ռազմական գործողությունների ընթացքում զոհված և անհետ կորած համարվող զինծառայողների, ինչպես նաև քաղաքացիական անձանց աճյունների (մասունքների)...
Աղբյուր` Panorama.am
19:25
Գիշերային ակումբները Վրաստանում այսօրվանից կդադարեցնեն գործունեությունը
Հունվարի 14-15-ի իրադարձություններից հետո գիշերային ակումբները նախատեսում են անորոշ ժամանակով դադարեցնել գործունեությունը։ Այս մասին, ըստ Ալիք...
Աղբյուր` Panorama.am
19:16
Բժիշկը պատմել է, թե ինչպես է «օմիկրոնն» արտահայտվում երեխաների մոտ
Կորոնավիրուսի «օմիկրոն» նոր շտամը երեխաների մոտ առավել հաճախ դրսևորվում է բրոնխիոլիտի ախտանիշներով՝ փոքր բրոնխների բորբոքումով, որը...
Աղբյուր` Panorama.am
19:08
Ամենագրավիչ դիմակները
Քարդիֆի համալսարանի փորձագետ Մայքլ Լյուիսը, որը մասնագիտացած է դեմքի արտահայտությունների հոգեբանության մեջ, նշել է դիմակների ամենագրավիչ...
Աղբյուր` Panorama.am
18:58
Վիկտորյա Նուլանդ. ԱՄՆ-ն 18 սցենար է պատրաստել Ուկրաինա «ռուսական ներխուժման» դեպքում
ԱՄՆ նախագահ Ջո Բայդենի վարչակազմը գործողությունների 18 տարբեր սցենար է պատրաստել Ուկրաինայում՝ Արևմուտքի ենթադրած «ռուսական...
Աղբյուր` Panorama.am

Տեսանյութեր

Հայաստանի և Թուրքիայի հատուկ ներկայացուցիչները ժամանել են Մոսկվա
12:13 14/01/2022

Հայաստանի և Թուրքիայի հատուկ ներկայացուցիչները ժամանել են Մոսկվա

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.header.spell_message1":"\u0546\u0577\u057e\u0561\u056e \u057d\u056d\u0561\u056c\u0568` ","core.blocks.header.spell_message2":"\u0548\u0582\u0572\u0561\u0580\u056f\u0565\u055e\u056c \u0570\u0561\u0572\u0578\u0580\u0564\u0561\u0563\u0580\u0578\u0582\u0569\u0575\u0578\u0582\u0576 \u057d\u056d\u0561\u056c\u056b \u0574\u0561\u057d\u056b\u0576:"}