Ձեր վստահելի աղբյուրը

Համաձայն Numbeo համացանցային բազայի վարկանիշների, Ռուսաստանը կյանքի որակով հավաքում է 86,27 միավոր՝ 200 հնարավորից, այսպիով հայտնվելով Ուկրաինայի հետ  գրեթե նույն աստիճանի վրա:  Forbes-ի հոդվածի հեղինակ Կեննետ Ռապոզան միաժամանակ նշում է, որ որոշ չափանիշներով Ռուսաստանում կյանքն ավելի լավ է, քան ԱՄՆ-ում:

Հեղինակը գրում է, որ, անկասկած, Մոսկվայում կա Մեծ թատրոն, Կարմիր հրապարակ, շքեղ գնումներ ՑՈՒՄ-ում: Ի տարբերություն Նյու-Յորքի, Սան-Պաուլոյի, Մումբայի, ռուսական մայրաքաղաքում յուրաքանչյուր անկյունում մանրադրամ չեն խնդրում: Բայց երբ համեմատվում է կյանքի որակն ընդհանուր առմամբ, Ռուսաստանը վարկանշային ցուցակում բավականին ցածր հորիզոնականում է, քան բոլոր մյուս խոշոր զարգացող տնտեսությունները: Նույնիսկ Մեքսիկան իր կոռուպցիայի չափերով և նարկոբարոններով ավելի լավ դիրքերում է:

Իր տեսակետն ապացելուցելու համար, russian.rt.com-ի հաղորդմամբ, հոդվածի հեղինակը ներկայացնում է Numbeo-ի վիճակագրությունը: Numbeo-ն, օգտատերերի օգնությամբ, կազմում է տարբեր երկրներում և քաղաքներում կյանքի պայմանների, բնակչության կենսամակարդակի, առողջապահության վիճակի  վերաբերյալ համացանցային բազա:

Այդ տվյալների համաձայն, Ռուսաստանի ամենամեծ խնդիրներն են՝ եղանակը, մոսկվյան խցանումները, մեծ քաղաքներում բնակարանների բարձր գներն ու շրջակա միջավայրը: Չնայած մշակույթի և համաշխարհային մակարդակի թանգարանների, Ռուսաստանում կյանքի որակը գնահատվում է 86,27 միավով՝ հայտնվելով Ուկրաինայի հետ  գրեթե նույն մակարդակի վրա, որտեղ կյանքի մակարդակը գնահատվել է 88,28 միավոր:

Մոսկվայում ապրում են ամենաշատ միլիարդատերերը (մեկ շնչի հաշվով), քանի աշխարհի որևէ այլ երկրում, չնայած, հոդվածագիրը նշել է, որ,  նրանք իրենց ժամանակի մեծ մասն անցկացում են Լոնդոնում: Մոսկվայում անշարժ գույքը, լինելով բավականին թանկ, 60 տոկոսով զիջում է Շանհայի գներին: ԲՐԻՔՍ-ի երկրների մեջ կյանքի որակի մակարդակով առաջին տեղում Հնդկաստանն է (99,98)՝ ի շնորհիվ ծառայությունների և ապրանքների ցածր գների: Այնուհետև Բրազիլիան է (94,34), որի քաղաքացիները սիրում են բողոքել ամեն ինչի բարձր գնից: Հեղինակը նշում է, որ հետաքրքիրն այն է, որ Սան-Պաուլոյում բանանը  30 տոկոսով, ձուն 58 տոկոսով ավելի թանկ է, քան Մոսկվայում: Բայց այդ երկիրը վարկանշային ցուցակում երկրորդն է՝ եղանակային պայմանների և երկրում կենսապահովման համեմատաբար ցածր գնի պատճառով՝ առաջ անցնելով Չինաստանից (91,42 միավոր,  բնակարանի բարձր գին և օդի կեղտոտվածություն) և Ռուսաստանից:

Հեղինակը պնդում է, որ հետաքրքիր է նաև ռուսաստանցիների և ամերիկացիների կյանքի որակի համեմատությունը: Այսպես, Numbeo վարկանշում ԱՄՆ հավաքել է 180,02 միավոր հնարավոր 200-ից: ԱՄՆ-ում առավել շատ միավոր են հավաքել՝ Սան-Դիեգո (197,7), Դալլաս (191,8), Կոլումբուս (190,6), Սան-Խոսե (190), Պորտլենդ (187,7):

Numbeo-ի տվյալներով, բնակվելու արժեքով Նյու Յորքը հավաքել է առավելագույն 100 միավոր, Սան Ֆրանցիսկոն՝ 97,3: ՌԴ լավագույն քաղաքներն ավելի էժան են, հատկապես տեղաբնակների համար. Մոսկվան՝ 48,8 միավոր, Սանկտ Պետերբուրգը՝ 45,7 միավոր, Եկատերինբուրգը՝ 39,5 միավոր, Նովոսիբիրսկը՝ 37 միավոր և Կազանը՝ 34,69 միավոր:

Ռապոզան նաև համեմատել է կյանքի որակը երկու երկրներում առանձին չափանիշներով. Ռուսաստանում օդի աղտոտվածության մակարդակը գրեթե երկու անգամ բարձր է, իսկ կլիմայական պայմաններն ավելի վատն են գրեթե 5 անգամ, ամերիկացիների գնողունակությունը ավելի քան երկու անգամ գերազանցում է ռուսներին, ԱՄՆ առողջապահության համակարգը 12 կետով գերազանցում է ՌԴ-ինը: Ռուսաստանը մի փոքր առաջ է ԱՄՆ-ից անվտանգության (ՌԴ՝ 53,81 միավոր, ԱՄՆ՝ 51,69 միավոր)   և կենսապահովման արժեքի առումով (ՌԴ՝ 43,28 միավոր, ԱՄՆ՝ 74,13 միավոր):