Ավելի քան 30 երկրի խաղաղարար կանայք կոչ են անում սատար կանգնել սիրիացի կանանց
Ավելի քան երեսուն երկրի կին խաղարարներ, որոնք օրեր առաջ եղել են Երևանում, տարածել են հայտարարություն օգնել սիրիացի կանանց: «Democracytoday»-ի տարածած հայտարարության մեջ ասված է.
«Մենք՝ տարբեր կազմակերպությունների ներկայացուցիչներս` ավելի քան 30 երկիր և երկրամաս ներկայացնող կին խաղաղարարներս, 2017թ. հունիսի 7-9 Երևանում մասնակցելով «Ժամանակակից մարտահրավերները լուծելու նոր ուղիների որոնում: Կին խաղաղարարների պատմությունները» վերտառությամբ հինգերորդ միջազգային կոնֆերանսին` կոչ ենք անում բոլոր կառավարություններին, մարդասիրական և մարդու իրավունքի հարցերով զբաղվող միջազգային կազմակերպություններին՝
Ընդառաջել սիրիացի կնոջ առաջարկին, այն է՝ ՄԱԿ-ի վերահսկողության տակ հիմնել ժամանակավոր հանձնաժողով:
Տրամադրել ուժեղ պաշտպանության միջոցներ սիրացի փախստականների ճամբարներում և ձեռնարկել հատուկ միջոցներ` բռնությունից և շահագործումից կանանց ու երեխաներին պաշտպանելու համար:
Հիմնել մշտադիտարկման թիմ՝ ավելի քան հիսուն տոկոս կանանց մասնակցությամբ՝ վերահսկելու և փաստագրելու սիրիացի կանանց իրավիճակը հարևան երկրներում:
Մշակել գործողությունների ծրագիր՝ սիրիացի կանանց պաշտպանության և քաջալերման համար, որի առաջնահերթ նպատակը կլինի նրանց կարիքները հոգալը:
Աջակցել Սիրայում և հարևան երկրներում գտնվող կանանց համար նախատեսված հատուկ տնտեսական ծրագրերին` նրանց հնարավորություն տալու տնօրինել իրենց ընտանիքի կենսապահովման միջոցները և դիմագրավել խախտումներին ու շահագործմանն իրենց ընտանիքում և համայնքում:
Հատկացնել հատուկ ֆինանսավորում՝ կառավարությունների և միջազգային կազմակերպությունների կողմից` սիրիացի կանանց կարիքներին (հոգեբանական, կրթական, տնտեսական, իրավական, քաղաքական) ուղղված հատուկ ծրագրեր մշակելու համար:
ՄԱԿ-ի վերահսկողության տակ դպրոցներ բացել տեղահանված տարածքներում և փախստականների ճամբարներում: Այս դպրոցները ՄԱԿ-ի հաստատած ուսումնական ծրագրերի առարկան են, և պետք է հաշվի առնել այն, որ այդ ծրագրում ընդգրկված աղջիկների ներկայությունը 50% է կազմում:
Բացել կանանց համար հատուկ առողջապահական կենտրոններ, որոնք հոգ կտանեն կանանց և աղջիկների առողջության ու հոգեբանական վիճակի մասին և կապահովեն նրանց անհրաժեշտ կարիքները:
Պահանջել կառավարությունից և բոլոր այլ հակամարտող կողմերից հայտնել առևանգվածների ու կին կալանավորվածների անունները, նրանց ճակատագրի մասին ու ազատել նրանց իրենց երեխաների հետ միասին»:
Հարակից հրապարակումներ`
- Economist. Թուրքիայում աճում է սիրիացի կանանց և երեխաների սեռական շահագործումը
- Բարեգործական ցուցահանդես վաճառքին իրենց արտադրանքներով մասնակցելու են նաև սիրիահայ կանայք
- Սիրիահայ կանայք Ամանորին պատրաստվելու տրամադրություն չունեն. «Մամաս և քույրիկս հոն ձգած, եկած եմ» (Լուսանկարներ)
- Սիրիայի ՄԻՊ. Թուրքիայում սիրիացի կանանց են բռնաբարում