Քաղաքական 20:34 04/07/2017 Աշխարհում

Կատարը՝ արաբական խանդի «զոհ»

Հեղինակ` Արմեն Պետրոսյան

Հուլիսի 3-ին Քուվեյթի միջնորդությամբ Սաուդյան Արաբիան, ԱՄԷ-ն, Բահրեյնը, Եգիպտոսը հայտարարել են 48 ժամով երկարացնել Կատարի իշխանություններին ներկայացված 13 կետից բաղկացած պահանջագրին (վերջնագիր) պատասխանելու ժամկետը, որի տասնօրյա վերջնաժամկետը լրացել էր հուլիսի 2-ին. ավելի վաղ՝ հուլիսի 1-ին, Կատարի ԱԳՆ-ը հայտարարել էր, որ ներկայացված պահանջներն անիրականանալի են, քանի որ վտանգում են երկրի ինքնիշխանությունը: Իսկ հուլիսի 5-ին վերոնշյալ արաբական երկրների ներկայացուցիչները հանդիպելու են Կահիրեում՝ «վճռելու Կատարի ճակատագիրը»:

Պարսից ծոցում շուրջ 1 ամիս շարունակվող ճգնաժամի հանգուցալուծման և Կատարի դեմ իրականացվող մեկուսացման քաղաքականության դադարեցման համար ներկայացված վերոնշյալ վերջնագրի առավել առանցքային կետերն են՝ Իրանի հետ դիվանագիտական հարաբերությունների մակարդակի իջեցումը, Al-Jazeera, Arabi21 և Middle East Eye լրատվամիջոցների ֆինանսավորման դադարեցումը, Կատարում թուրքական ռազմաբազայի գործողության դադարեցումը և թուրք զինծառայողների հեռացումը, ահաբեկչական կառույցների, այդ թվում՝ «Իսլամական պետության», «Մուսուլման եղբայրների», «Համասի» հետ հարաբերությունների խզումը, ԱՄՆ-ի ահաբեկչական ցուցակում ներառված բոլոր կազմակերպություններին ֆինանսական աջակցության դադարեցումը, ինչպես նաև ահաբեկչական կառույցների հետ կապեր ունեցող վերոնշյալ արաբական երկրների մի շարք քաղաքացիների արտահանձնումը, որոշակի տուգանքների, փոխհատուցումների վճարումը և այլն: Ընդ որում, ընդգծվել է նաև, որ արաբական երկրները մտադիր չեն ուժային մեթոդների դիմել, եթե Դոհան հրաժարվի իրականացնել ներկայացված պահանջները: Բացի այդ, որպես գործընթացի վերահսկողության իրականացնողներ, փորձ է արվել դրանում ներքաշել նաև ԱՄՆ-ին և ԵՄ-ին:

Կատարի իշխանություններից բացի, պահանջագրի անիրատեսականության և խնդիրները քաղաքական ճանապարհով կարգավորելու անհրաժեշտության վերաբերյալ տարաբնույթ ձևակերպումներով հայտարարություններ են հնչել նաև Վաշինգթոնից, Բեռլինից, Բրյուսելից, Մոսկվայից, Կատարի մեկուսացմանը դեմ են հանդես եկել միջազգային որոշ կառույցներ, իսկ Անկարան և Թեհրանը շատ ավելի կտրուկ են արձագանքել՝ Դոհայի դեմ իրականացվող քաղաքականությունը որակելով «անընդունելի»:

Ընդհանուր առմամբ, Կատարի դեմ նպատակաուղղված և թիրախավորված գործողությունները մեկնարկեցին ս.թ. մայիսի վերջին ԱՄՆ-ի նախագահ Դ.Թրամփի առաջին արտագնա՝ Սաուդյան Արաբիա կատարված այցի ավարտից անմիջապես հետո: Այդ այցի շրջանակներում ԱՄՆ-ի նոր վարչակազմի կողմից ընդգծվեց Սաուդյան Արաբիայի թագավորության առաջատար դերը արաբական, մուսուլմանական երկրների շարքում. հենց ալ-Ռիադին էր վերապահվելու տարածաշրջանային տարաբնույթ գործընթացներում, իսկ ներկայում ամենաառաջնային՝ հակաահաբեկչական պայքարում ԱՄՆ-ի կարևորագույն դաշնակիցներից մեկը լինելու «պատիվը»:

Ոգևորված իրենց վերապահված նոր դերակատարությունից՝ սաուդյան իշխանությունները գործի անցան անմիջապես՝ նպատակ ունենալով սանձել նաև  նույն դերին հավակնող թագավորության կարևորագույն ու ճամբարակից մրցակից Կատարին. «մեծ հավակնություններով գաճաճ պետությունը» մեկ անգամ չէ, որ մրցակցության լուրջ հայտ է ներկայացրել Սաուդյան Արաբիային՝ Թունիսից, Լիբիայից, Եգիպտոսից մինչև Պաղեստին ու Սիրիա՝ ընդ որում արձանագրելով նաև լրջագույն հաջողություններ: Հատկապես 2010-11թթ. սկիզբ առած «արաբական գարնան» գործընթացների շրջանակներում Կատարի հովանավորած «Մուսուլման եղբայրներ» իսլամական արմատական կազմակերպության տարբեր ճյուղավորումները գործող վարչակարգերի դեմ ռազմական և քաղաքական պայքարի առաջնագծում են հայտնվել վերոնշյալ և մի շարք այլ արաբական երկրներում, իսկ Կատարում իշխող ընտանիքի անմիջական հովանու ներքո գործող Al-Jazeera հեռուստաալիքը վերածվել էր ոչ միայն արաբական երկրներում տեղի ունեցող վերափոխումների հրահրման հիմնական քարոզչամեքենան, այլև՝ կատարյան հովանավորյալ ուժերի անմիջական խոսափողը:

Սա է պատճառը, որ հունիսի 5-ին Սաուդյան Արաբիան, նրա տարածաշրջանային որոշ դաշնակիցների և հատկապես՝ ԱՄԷ-ի, Եգիպտոսի, Բահրեյնի հետ միասին, հիմք ընդունելով Կատարի էմիրին վերագրված վիճահարույց հայտարարությունները, մեղադրեցին Դոհային վերոնշյալ վերջնագրում ներկայացված ուղղություններում և հայտարարեցին Կատարի դեմ դիվանագիտական, տնտեսական, ճանապարհային մեկուսացման քաղաքականության մասին՝ փակելով Կատարի միակ ցամաքային սահմանը Սաուդյան Արաբիայի հետ և հաղորդակցային խոչընդոտներ ստեղծելով օդային ու ծովային ուղիներում: Ալ-Ռիադի նախաձեռնությունն աջակցություն ստացավ, ընդհանուր առմամբ, շուրջ 1 տասնյակ երկրների կողմից՝ նաև ոչ արաբական, որոնցից յուրաքանչյուրի շահերից էր «այս կամ այն չափով» բխում էմիրության հետ հաշիվների պարզումը:

Մինչդեռ սաուդյան իշխանությունների և նրանց գործընկերների հաշվարկները չարդարացան. «կայծակնային կապիտուլյացիա» տեղի չունեցավ, Կատարը «զենքերը վայր չդրեց», իսկ գործընթացի հաջորդած հետագա զարգացումներն արդեն անմիջական լուրջ սպառնալիքներ են խոստանում նաև Դոհայի հակառակորդների համար:

Ինչ խոսք, այս մրցակցության հարթակում Կատարի մանևրելու հնարավորությունները խիստ սահմանափակ են, մինչդեռ էմիրության իշխանություններն, առանց «շփոթվելու», մոբիլիզացրին ունեցած ողջ զինանոցը՝ ընդ որում, թե՜ երկրի ներսում, թե՜ դրանից դուրս՝ կանխելու համար իրենց իշխանության դեմ հնարավոր սպառնալիքները: Հենց նման կարողություններով է նաև Կատարը տարբերվում արաբական բազմաթիվ այլ երկրներից. նրա նախկին և ներկա էմիրները երկրի քաղաքական զարգացման հիմքում դրել են ենթակառուցվածքային և վարչական վերափոխումները՝ հնարավորինս հավասարակշռելով տարբեր ներքին և արտաքին գործոններից կախվածության մակարդակը:

Կատարի պատասխան քայլերի շրջանակն ընդհանրացնելով՝ կարելի է ներկայացնել հետևյալ հիմնական ուղեգծերի ներքո՝

1. Երկրի ներսում հակաճգնաժամային շտաբի ձևավորում, որի նպատակը սեփական և հակառակորդի հնարավորությունների գնահատումն է, պատասխան գործողությունների համակարգումն ինչպես երկրից դուրս՝ արտաքին դերակատարների դիրքորոշումների ճշգրտման առումով, այնպես էլ՝ հենց Կատարում՝ էմիրի դեմ դժգոհությունների, հեղաշրջման հնարավոր փորձերի կանխման նպատակով: Ի դեպ, նշված շտաբի ղեկավարումն իրականացնում է ներկայիս էմիր Թամիմ բին Համադ Ալ Թանիի հայրը՝ «Կատարյան հրաշքի» գլխավոր հեղինակ Համադ բին Խալիֆա Ալ-Թանին:

2.Տարաբնույթ հարաբերությունների՝ քաղաքական, տնտեսական, ռազմական սերտացում Սաուդյան Արաբիայի մրցակիցների հետ, ինչպես տարածաշրջանում, այնպես էլ դրանից դուրս:

Նշված ուղեգիծն իր հերթին կարող է ունենալ մի քանի բաղադրիչ՝
ա) Թուրքիա. Անկարան իր համակողմանի աջակցությունը հայտնեց Կատարին՝ ցուցաբերելով ինչպես դիվանագիտական, պարենային աջակցություն, այնպես էլ համաձայնելով առավել ամրապնդել դեռևս 2015թ. 2 երկրների միջև ձեռք բերված համաձայնությունների հիման վրա ստեղծված թուրքական ռազմաբազան, որտեղ ներկայում ծառայում են, տարբեր տվյալներով, 100-300 թուրք զինծառայողներ: Կողմերի միջև արդեն թարմացված նոր համաձայնության հիման վրա՝ Սաուդյան Արաբիայի հենց քթի տակ գործուն դերկատարություն է ունենալու տարածաշրջանում և «սուննիական աշխարհում» նրա ամենաառանցքային մրցակիցներից մեկի՝ Թուրքիայի 3-5 հազարանոց ռազմական կոնտինգենտը: Բացի այդ, Թուրքիան դարձավ շրջափակման հետևանքով կատարյան շուկայում առաջացած առաջնային անհրաժեշտության ապրանքների գլխավոր մատակարարը, ինչի հետևանքով դեպի Կատար թուրքական արտահանումը վերջին 1 ամսվա ընթացքում աճել է շուրջ 3 անգամ: Իսկ այն իրողությունը, որ Անկարան շարունակելու է գործուն աջակցությունը Կատարի իշխանություններին, որևէ կասկած չի հարուցում, քանի որ

Ռ.Թ.Էրդողանի և Կատարի էմիր Թամիմ բին Համադի բարեկամությունը նաև բավական ամուր անձնական հիմքեր ունի. տարբեր հետախուզական տվյալների համաձայն՝ Թուրքիայի նախագահի խնդրանքով հենց Կատարի  հատուկ նշանակության էլիտար ուժերն են ապահովել անձամբ Էրդողանի անվտանգությունը 2016թ. հուլիսին Թուրքիայում տեղի ունեցած հեղաշրջման անհաջող փորձի ընթացքում: 

բ) Ռուսաստան. այս ուղղությամբ գործողությունները դեռևս մանևրային հարթությունում են: Կատարի իշխանությունները ակտիվ դիվանագիտական շփումներ են վարում Մոսկվայի հետ ինչպես ԱԳ նախարարների մակարդակով, այնպես էլ երկու երկրների ղեկավարների պարբերական հեռախոսազրույցների միջոցով:

գ) Իրան. այս ուղղությամբ գործողությունները Կատարի պահեստային զինանոցում են և առավել առարկայորեն կկիրառվեն լարվածության սրացման տարբերակի պարագայում: Չնայած Իրանի կողմից առկա է ավելի լայնածավալ աջակցության պատրաստակամություն, այսուհանդերձ պաշտոնական Դոհան դեռևս սահմանափակվում է դիվանագիտական աջակցության և պարենային մատակարարումների ուղղություններով՝ զգուշանալով «սուննիական ճամբարն» առավել բորբոքելու հնարավորությունից:

3. Ակտիվ դիվանագիտական գործունեություն: Կատարի ԱԳ նախարար շայիխ Մուհամմադ բին Աբդ ալ-Ռահման բին Յասիմ Ալ Թանին անցյալ 1 ամսվա ընթացքում այցելել է տարածաշրջանային և աշխարհաքաղաքական գլխավոր կենտրոններ՝ հանդիպումներ ունենալով նաև տարաբնույթ միջազգային կառույցների ղեկավար շրջանակների հետ՝ հասնելով ստեղծված ճգնաժամի հետ կապված առնվազն քաղաքական չեզոքության դիրքորոշման, իսկ որոշ դեպքերում՝ անգամ բացահայտ աջակցության:

4. Միջամտություն հակառակորդ երկրների ներքին գործերին սեփական հովանավորյալ տարաբնույթ խմբավորումների միջոցով. այս ուղղությունը ևս հեռանկարային զինանոցի գործիքներից է:

5. Քարոզչական դաշտում պատասխան գործողությունները: Չնայած այն հանգամանքին, որ Կատարի մեկուսացման գործընթացին միացած երկրների մեծ մասն արդենիսկ արգելափակել է կատարյան առանցքային քարոզչամեքենայի՝ Al-Jazeera-ի գործունեությունը, այնուամենայնիվ, այս լրատվամիջոցը շարունակում է ակտիվորեն անդրադառնալ տարբեր արաբական երկրներում ծավալվող գործընթացներին, իսկ նրա հրապարակումները հաճախ մեջբերվում են միջազգային բազմաթիվ ԶԼՄ-ների կողմից:

Այսպիսով, շուրջ 1 ամիս շարունակվող ճգնաժամի ընթացքում Կատարի իշխանությունները վերոնշյալ ուղղություններով տարբեր ծավալի քայլեր արդեն իսկ կատարել են՝ էականորեն բարդացնելով հակառակորդ ճամբարի մանևրելու հնարավորությունները՝ ներքին հեղաշրջման ձախողված փորձերից մինչև ուղղակի ռազմական ներխուժման հնարավորություն:

Մինչդեռ ակնհայտ է նաև մեկ այլ իրողություն, որ բուն արաբական ջանքերով խնդրի քաղաքական կարգավորման հեռանկարները խիստ մշուշոտ են, ուստի արտատարածաշրջանային դերակատարների միջամտությունը գործընթացին, կարծես թե, այլընտրանք չունի: Հատկապես արդեն հուլիսի 5-ին նախանշված Կահիրեի հանդիպումից հետո, որի ընթացքում մեծ հավանականությամբ կհստակեցվի արաբական 4 երկրների հետագա մարտավարությունը Կատարի դեմ(մեծ հավանականությամբ հնարավոր գործողությունները կծրագրվեն Դոհայի քաղաքական և տնտեսական շրջափակման օղակն ավելի սեղմելու ուղեգծի ներքո), որոշակիորեն կուրվագծվի նաև խնդրի կարգավորման հետագա նոր հարթակների հնարավորությունը, որոնց մասին որոշակի պայմանավորվածություններ կարող են ձեռք բերվել նաև հուլիսի 7-8-ին Համբուրգում կայանալիք G-20 գագաթնաժողովի ընթացքում:

Հ.Գ. Պարսից Ծոցի վերոնշյալ ճգնաժամին բնորոշ կարևորագույն յուրահատկություններից մեկն էլ հիմնախնդրի մասնակից հիմնական երկրների իշխող արքայատոհմերի կամ քաղաքական վարչակարգերի որոշ ներկայացուցիչների միջև անձնական մրցակցության, անգամ թշնամանքի հանգամանքն է, ինչը զարգացումների հետագա ընթացքին հավելյալ անկանխատեսելիության մթնոլորտ է հաղորդում: Ճգնաժամի առանցքային դերակատարներն են այնպիսի հավակնոտ, անկանխատեսելի առաջնորդներ, ինչպիսիք են Կատարի էմիրը, Թուրքիայի նախագահը, Բահրեյնի թագավորը, Եգիպտոսի նախագահը, ԱՄԷ-ի և Սաուդյան Արաբիայի գահաժառանգ արքայազները: Ի դեպ, վերջինը՝ Մուհամմադ բին Սալմանը, նաև սաուդյան թագավորության ներսում սեփական դիրքերն առավել ամրապնդելու և իր հավակնոտ քաղաքականությունն իրականացնելու ճանապարհին հնարավոր խոչընդոտները վերացնելու նպատակով ընդամենը օրեր առաջ «պալատական հեղաշրջում» իրականացրեց՝ զրկելով Մուհամմադ բին Նայիֆին գահաժառանգ արքայազնի և մի շարք այլ կարևոր պաշտոններից՝ զբաղեցնելով նրա տեղը:



Աղբյուր` Panorama.am
Share |
Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter:

Լրահոս

20:00
«Հաց կեր, որ կշտանաս»․ Հայաստանում կա պարենային ապահովության խնդիր
Չի կարող մի երկրում, որտեղ կա աղքատության և ծայրահեղ աղքատության նման պատկեր, պարենային ապահովության հետ կապված  խնդիր չլինել։ Այս մասին...
Աղբյուր` Panorama.am
19:45
Հայտնի են դարձել Բիլ Գեյթսի ամուսնալուծության մանրամասները
Ենթադրվում էր, որ Բիլ Գեյթսը և նրա կինը՝ Մելինդան, ամուսնալուծության մասին պետք է հայտարարեին դեռ մարտ ամսին: Ըստ «ՌԻԱ նովոստի»-ի՝...
Աղբյուր` Panorama.am
19:30
Bloombreg». «Amazon»-ի հիմնադիրը որոշել է 500 միլիոն դոլարով զբոսանավ կառուցել
«Amazon»-ի հիմնադիրը որոշել է գնել զբոսանավ, որի կառուցումը գնահատվում է ավելի քան 500 միլիոն դոլար: «Գազետա ռու»-ի...
Աղբյուր` Panorama.am
19:15
Հռոմի պապը կոչ է անում չեղարկել COVID-19 պատվաստանյութերի արտոնագրերը
Հռոմի Ֆրանցիսկոս պապը շաբաթ օրը խոսել է COVID-19 կորոնավիրուսի դեմ պատվաստանյութերի արտոնագրերի վերացման օգտին: Արևմտյան լրատվամիջոցների տարածած...
Աղբյուր` Panorama.am
19:00
Կալիֆոռնիայի բնակչությունը նահանգի պատմության մեջ առաջին անգամ 2020 թվականին նվազել է
Ամերիկյան ամենախիտ բնակեցված նահանգի՝ Կալիֆորնիայի բնակչությունը 1850 թվականին հիմնադրվելուց ի վեր առաջին անգամ նախորդ տարի նվազել է ավելի քան...
Աղբյուր` Panorama.am
18:45
Ցածր եկամուտ ունեցող երկրները հրաժարվում են գնել Pfizer և BioNTech պատվաստանյութերը
Pfizer-ի գործադիր տնօրեն Ալբերտ Բուրլան ասել է, որ ցածր և միջին եկամուտ ունեցող երկրները հրաժարվել են կորոնավիրուսի պատվաստանյութի գնումից, որը...
Աղբյուր` Panorama.am
18:30
Ամերիկյան դատարանն առաջին անգամ կքննի փղի հայցը կենդանաբանական այգու դեմ
Նյու Յորքի վերաքննիչ դատարանը վարույթ է ընդունել և կքննարկի Հեփի փղի հայցը կենդանաբանական այգում իրեն պահելու օրինականության վերաբերյալ:...
Աղբյուր` Panorama.am
18:23
Վարդան Օնանյան. Շահեն ջան, լավ է լինելու, դեռ վերադառնալու ենք Մատաղիս, Շուշի, Արցախ
Հայտնի հեռուստալրագրող Վարդան Օնանյանը, որ Արցախի վերջին պատերազմում վիրավորվել էր ու ամիսներ շարունակ հիվանդանոցում էր, գրել է....
Աղբյուր` Panorama.am
18:15
Նեյմարը մինչեւ 2025 թվականը երկարաձգել է պայմանագիրը ՊՍԺ-ի հետ
Բրազիլացի հարձակվող Նեյմարը երկարաձգել է պայմանագիրը ՊՍԺ-ի հետ մինչև 2025 թվականը: Այս մասին Twitter-ում հայտնում է ակումբի մամուլի...
Աղբյուր` Panorama.am
18:07
Արոնյանն ԱՄՆ կտեղափոխվի օգոստոսին
Գրոսմայստեր Լևոն Արոնյանը ԱՄՆ հավաքականի կազմը կհամալրի օգոստոսին: «Արմենպրես»-ի հաղորդմամբ` այս մասին հայտարարել է շախմատիստը:...
Աղբյուր` Panorama.am
18:00
Ղրիմը Միացյալ Նահանգներին հորդորում է Ալյասկան վերադարձնել Ռուսաստանին
Ղրիմի հարցով ԱՄՆ Պետդեպարտամենտի հայտարարությունը Ռուսաստանի ներքին գործերին միջամտել է նշանակում և նրա օրինական տարածքների նկատմամբ...
Աղբյուր` Panorama.am
17:53
Վրաստանում արձանագրվել է կորոնավիրուսի 1 564 նոր դեպք
Վրաստանում արձանագրվել է կորոնավիրուսի 1 564 նոր դեպք: Այս մասին գրում է վրացական «Առաջին ալիք»-ը՝ հղում անելով stopcov.ge կայքին:...
Աղբյուր` Panorama.am
17:41
«Պատիվ ունեցեք». Ակցիա կառավարության շենքի դիմաց
Եռագույնի վրա «Պատվի ունեցեք» գրություններ բռնած երիտասարդները կառավարության շենքի դիմաց բերեցին ու տեղադրեցին եկեղեցու գմբեթ՝ խաչը...
Աղբյուր` Panorama.am
17:35
Պուտինը շնորհավորել է ԱՊՀ երկրներին, Ուկրաինային և Վրաստանին Հաղթանակի տարելիցի կապակցությամբ
Վլադիմիր Պուտինը Հայրենական մեծ պատերազմում տարած հաղթանակի 76-ամյակի առթիվ շնորհավորական ուղերձներ է հղել Հայաստանի, Բելառուսի, Ղազախստանի,...
Աղբյուր` Panorama.am
17:24
Թաղավարդ և Մեծ Թաղեր գյուղերի գերեզմանատները ոչնչացնելու դեպքերի մասին հրապարակումներն ուղարկվել են Արցախի ոստիկանություն
Մայիսի 3-ից տարբեր լրատվամիջոցներով տեղեկություններ  են հրապարակվել Արցախի Հանրապետության Թաղավարդ և Մեծ Թաղեր գյուղերի գերեզմանատները...
Աղբյուր` Panorama.am
17:15
«Ռազմինֆո». Ադրբեջանցի զինծառայողն ինքնասպան է եղել
Ադրբեջանի Պետական սահմանապահ ծառայության (ՊՍԾ) Զագաթալայում տեղակայված զորամասում ադրբեջանցի զինծառայող 2003թ. ծնված Իբրահիմ Ղուլիևը (İbrahim...
Աղբյուր` Panorama.am
17:08
Կոչուբաև. Ռոբերտ Քոչարյանի գրքից իշխանական ֆոբիաները շարունակվում են
Փաստաբան Ալեքսանդր Կոչուբաևը գրում է. «ՀՀ երկրորդ նախագահ Ռոբերտ Քոչարյանի հեղինակած «Կյանք և ազատություն» գրքից իշխանական...
Աղբյուր` Panorama.am
17:00
Մովսես Դեմիրճյան. Նիկոլը 9-րդ տեղում է
Փիլիսոփա, ԵՊՀ դոցենտ Մովսես Դեմիրճյանը գրում է. «Նիկոլը 9-րդ տեղում է: Դանթե Ալիգիերիի «Կատակերգություն» պոեմում...
Աղբյուր` Panorama.am
16:51
Ասկերանի տարածքով հոսող գետի մեջ մեքենա է կողաշրջվել. տուժածների վիճակը բավարար է
Մայիսի 8-ին ՆԳ նախարարության Արտակարգ իրավիճակների պետական ծառայության Ասկերանի շրջանային բաժնի 911 ահազանգման կենտրոնում հաղորդում է ստացվել,...
Աղբյուր` Panorama.am
16:40
Առաջին անհրաժեշտության մթերքները թանկացել են
2021թ. ապրիլին 2020թ. ապրիլի համեմատ հանրապետությունում արձանագրվել է սննդամթերքի և ոչ ալկոհոլային խմիչքի 8.3%, իսկ 2021թ. մարտի համեմատ 2.6%...
Աղբյուր` Panorama.am
16:31
Միքայել Մինասյան. #antinikol. Հանուն վերջին հայի, ով դեռ խաբված է
Սուրբ Աթոռում ՀՀ նախկին դեսպան Միքայել Մինասյանը գրում է. «Ինչպես գիտեք, ես և մեր թիմը մաս չենք կազմում ընթացիկ քաղաքական...
Աղբյուր` Panorama.am
16:25
Կամչատկայում մասնավոր Մի-8 ուղղաթիռ է կորել
Կամչատկայում ռադարներից անհետացել է մասնավոր Մի-8 ուղղաթիռը: Շաբաթ օրը ՏԱՍՍ-ին արտակարգ իրավիճակների ծառայությունից հայտնել են, որ ինքնաթիռում...
Աղբյուր` Panorama.am
16:12
ԵՄ-ն վճարել է Սաակաշվիլիի կուսակցության ձերբակալված ղեկավարի համար պահանջված գրավը
Ժողովրդավարության եվրոպական հիմնադրամը գրավ է վճարել Վրաստանի «Միացյալ ազգային շարժում» կուսակցության ձերբակալված նախագահ Նիկա...
Աղբյուր` Panorama.am
16:00
Փաշինյանի կողմից իշխանության զավթումը հնարավոր է կանխել մայիսի 10-ին. Էդգար Ղազարյանը
«Նիկոլ Փաշինյանը չի գնում ընտրությունների, այլ գնում է իշխանությունը զավթելու»,- Հայաստանի նախագահի նստավայրի դիմաց հանրային...
Աղբյուր` Panorama.am
15:54
«Պատիվ ունեմ»-ի երիտասարդները ԱՄՆ դեսպանատանը նամակ հանձնեցին
Եթե Էրդողանին ու Ալիևին չկանգնեցնի միջազգային հանրության միասնական բռունցքը, դա կնշանակի, որ մենք դասեր չենք քաղել։
Աղբյուր` Panorama.am
15:47
Զելենսկին ԵՄ-ի և G7-ի դեսպանների հետ ժամանում է Դոնբաս
Ուկրաինայի նախագահ Վոլոդիմիր Զելենսկին Եվրամիության երկրների և Յոթի խմբի (G7) երկրների դեսպանների ուղեկցությամբ ժամանել է Դոնբաս: «Գազետա...
Աղբյուր` Panorama.am
15:36
Ապրիլին նախորդ տարվա ապրիլի համեմատ գնաճը կազմել է 6.2%
Հայաստանի Հանրապետության սպառողական շուկայում 12-ամսյա գնաճը (2021թ. ապրիլը 2020թ. ապրիլի նկատմամբ) կազմել է 6.2%, իսկ նախորդ ամսվա նկատմամբ՝...
Աղբյուր` Panorama.am
15:28
Օդի ջերմաստիճանը մայիսի 10-ին, 11-ի գիշերը կնվազի 5-7 աստիճանով
Երևան քաղաքում մայիսի 8-ի ցերեկը, 11-13-ին սպասվում է առանց տեղումների եղանակ։ Մայիսի 9-ին` կեսօրից հետո, 10-ի գիշերը և առավոտյան ժամերին...
Աղբյուր` Panorama.am
15:17
ՔԿ-ն մանրամասներ է հայտնում Երևանում այսօր առավոտյան տեղի ունեցած սպանության վերաբերյալ
Մայիսի 8-ին՝ ժամը 07:25-ին ՀՀ ոստիկանության Նոր Նորքի բաժնում «Հերացի թիվ 1» հիվանդանոցային համալիրից  հաղորդում է ստացվել այն...
Աղբյուր` Panorama.am
15:10
Արմեն Գևորգյան. Եռամյա ձախողումները՝ անվանակարգերով
Այլընտրանքային նախագծեր խումբը տարածել է ՀՀ նախկին փոխվարչապետ Արմեն Գևորգյանի հոդվածը, որը ներկայացնում ենք ամբողջությամբ. «Ապրիլի...
Աղբյուր` Panorama.am

Տեսանյութեր

ՄԻՊ-ը՝ Մարիա Կարապետյանին. Դուք գնացե՞լ եք Գորիսից Շուռնուխ ճանապարհով
16:35 06/05/2021

ՄԻՊ-ը՝ Մարիա Կարապետյանին. Դուք գնացե՞լ եք Գորիսից Շուռնուխ ճանապարհով

Հետևեք մեզ և ծանոթացեք թարմ լուրերին!

Ամենից շատ կարդացված նյութեր

{"core.blocks.header.spell_message1":"\u0546\u0577\u057e\u0561\u056e \u057d\u056d\u0561\u056c\u0568` ","core.blocks.header.spell_message2":"\u0548\u0582\u0572\u0561\u0580\u056f\u0565\u055e\u056c \u0570\u0561\u0572\u0578\u0580\u0564\u0561\u0563\u0580\u0578\u0582\u0569\u0575\u0578\u0582\u0576 \u057d\u056d\u0561\u056c\u056b \u0574\u0561\u057d\u056b\u0576:"}