ԼԳԲՏ համայնքի մասին ֆիլմերը կհանվեն «Ոսկե Ծիրանի» ծրագրից. «Փաստ»
«Փաստ»-ը գրում է. «Երեկ համացանցում տեղեկություն տարածվեց, որ «Ոսկե Ծիրան 2017» միջազգային կինոփառատոնի շրջանակներում նախատեսվում է ցուցադրել ԼԳԲՏ համայնքի ներկայացուցիչների կայանի մասին մեկ գեղարվեստական՝ «Ծիրանի այգիներ» ֆիլմը, որի ռեժիսորները Փուրիա Հեյդարին է, և մեկ փաստավավերագրական ֆիլմ՝ «Լսիր ինձ», որի ռեժիսորն է Գագիկ Զարարէն։ Գեղարվեստական ֆիլմում խաղում են հայ դերասաններ, իսկ երկրորդում իրական կերպարներ են։
Նախնական տեղեկատվության համաձայն՝ երկու ֆիլմերն էլ պետք է հանդիսատեսին ներկայացվեին հուլիսի 13-ին Հենրիկ Մալյանի անվան թատրոնի շենքում։ Այս տեղեկությունը բուռն արձագանքի արժանացավ համացանցում։ Կրկին հիշատակվեց փոքրամասնությունների իրավունքները ոտնահարելու հերթական փորձի, այլ սեռական կողմնորոշման բացահայտ քարոզի և այլ թեմաների մասին, ինչն էլ հունից հանել էր մարդկանց ու անհանգստության մեծ ալիք առաջացրել»։
«Փաստ»-ը փորձել է պարզաբանում ստանալ «Ոսկե Ծիրանի» գրասենյակից ու այնտեղից թերթին հայտնել են, որ ֆիլմերը հանվել են փառատոնում ցուցադրվելիք ֆիլմերի ցանկից, որի մասին պաշտոնական հաղորդագրություն գրասենյակը կտարածի այսօր։
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին